Sunday, August 31, 2008

رمضان كريم .. بعد السحور

حلقة البرنامج
3 رمضان
دقيقة مفيدة
الساعه 1:30 ليلاً
على القناة الأولى الأرضية والأولى الفضائية
طارق عميرة V.s أحمد يسري
تقديم مفيدة شيحة بتاعت " سكوت هنغني "
أولاً: رمضان كريم على الجميع وكل عام وأنتم بخير وتقبل الله صيامكم وقيامكم وطاعتكم وتقبل الله صيامي وصلاتي وطاعتي انا كمان !
ثانيًا : العبد لله اللى هوا أنا دخل مسابقة على التلفزيون المصري ويقال انها هتعرض على الفضائية كمان بعنوان دقيقة مفيدة مع المذيعة مفيدة شيحة , حاجة كده زي من سيربح الالف جنيه والحمد لله ربحت الالف جنيه , الحلقة هتتذاع تالت أيام رمضان على القناة التانية .. شاهدونا



ثالثًا : حفل توقيع المجموعة القصصية الأولى هيبقى بعد العيد ان شاء الله وهيبقى فيه مجموعة مفاجآت في وقتها بقه ان شاء الله بس دعواتكم يا جماعه



رابعًا : رمضان على كوارث هبدأه حالاً بقصه والموضوع الجاي أخيرًا .. تكملة عندما جاء أبو جهل , لا بد من وجود حيز للدين بصفتي أنتمي للدين للاسلامي واحنا في رمضان .. الوقت الانسب

بعد السحور

قصة قصيرة

طارق عميرة



" يا أمّة خيرِ الأنَااااام , يا أمّة مصباحِ الظلام , تقبّل الله منّا ومنكم الصيّام والقيام , وأدخلنَا وإياكم الجنّة , بعفوه وجوده وكرمهِ وإحسانِه "



" الله أكبر .. الله أكبر "



كنتُ أسمعهُ في كلّ مرّة ينتهي منهَا بصوتهِ العذب بينمَا أدخّن أنَا سيجارتي الأخيرة , وأطفئهَا وأتمضمض في سرعة ثم أتجرّع جرعة الماء قبل أن يبدأ الأذان , رمضَان أخيرًا وما زال العجوز سعيد يشدو بذات الكلمات بصوتهِ العذب الآسر كل فجر , لا أدري لماذا لا يؤذن لبقيّة أيّام العام , فبمجرد انتهاء الشهر الكريم يأتي شخصٌ آخر غليظ الصوت يعذب أعصابي حقًا وينفرني عن الصلاة في هذا المسجد .


في هذا اليوم انتهيت من سحوري مسرعًا , بقي على الأذان خمس دقائق فقط .


أغسل يداي في سرعة وأهبط إلى الشارع , أتذكر , علبة السجائر بالأعلى , أرتقي السلم في سرعة خارقة , باب الغرفَة , المكتب , علبة السجائر والقداحة , آخذهما في سرعة وأهبط ..


الشارع أخيرًا , أسير حتّى أصل سريعًا إلى الزقاق المظلم بجوار المسجد


" يا أمّة خير الأنااااااااااااااااااااااااام"


اللعنة , لا بد من أن اشعل سيجارتي الأخيرة , أدس سيجارة في فمي وأشعلها في سرعة وأجذب منها نفسًا عميقًا


" يا أمّة مصبَاح الظلااااااااااااااااااااااام.. تقبّل الله منّا ومنكم الصيااااااااااااااااام والقياااااااااااااااااااااام"


لا بد من أن أنتهي من هذه السيجارة , لماذا أيها العجوز لا تتريث حتّى أنتهي , ما زلتُ في النفسِ الأول , كم صوتَك رائع , ولكن السيجارة أكثر روعة , سامحني فيما سأفعل ..


" وأدخلنا وإياكم الجنّة"


أعدو أربعة خطوات حتى ألمح السلك الكهربائي أمامي , هذا هو السلك العمومي لكهرباء المسجد وهو معزول جيدًا , أمد يدي وأجذبه بشدة


" بعفوهِ وجودهِ وكرمــــــــ....."


هكذا يمكنني أن أنهي سيجارتي في راحة

42 Comments:

Gannah said...

طارق
كل سنة وانت طيب
القصة تلخص حاجتنا لاسكات ضميرنا
نريد ان نفعل الأشياء التى نهواها دون ان نسمع من يقول لا حتى لا نتعذب ونفقد جزء من متعتنا
كما انها تكشف حقيقة هامة وهى ان التدخين علميا هو ادمان من الصعب التخلص منه فالسيجارة اهم عند المدخن من الطعام والشراب لانه تعطيه احساس بالراحة والتركيز وأشياء أخرى
حتى فى رمضان تلاحظ المدخنين وهم فى عصبية شديدة نتيجة نقص النيكوتين الذى اعتادت عليه اجسامهم
يا جماعة اللى بيدخن يلحق نفسه ورمضان فرصة طيبة
قال ابو بكر الصديق
ابليس والدنيا ونفسى والهوى
كيف الخلاص وكلهم أعدائى
تحياتى

حسن حنفى said...

كل سنه وانت طيب

رمضان كريم

فارس بلا جواد said...

كل سنة وانت طيب يا طارق
قصة قصيرة فعلا بس معناها جميل .. النفس البشرية دايما ضعيفة أمام شهواتها .. والمدخنين بيعانوا مشاكل كتير في رمضان
ربنا يهديهم ويهدينا
ورمضان كريم

Jana said...

بما أنها كانت اول ليالى رمضان
فسلسلت الشياطين وصفدت بعد صلاة المغرب
اذن ..كانت نفسه هى من وسوست له وليس الشيطان

كما قالت جنة.. هو الصراع بين الضمير والنفس الأمارة بالسوء
وبقدر جهاده نفسه
ستكون النتيجة

جميلة كالعادة يا طارق

كل عام وأنت بخير والى الله أقرب
تقبل الله منك صالح العمل ورزقك فضله العظيم

ومبروك ..الحلقات والمسابقات والحاجات والمحتاجات
:)

عايش... ولكن !!!! said...

ازيك يا طارق
كل سنه وانته طيب
حلوه القصه يا طروووق
بس الاحلى موضوع السيجاره ده ههههههه
واخد بالك معايا :ي
ابقى اسأل وبطل نداله

!!! عارفة ... مش عارف ليه said...

مبروك حفل التوقيع
وإن شاء الله دايماً للأمام

كل عام وأنتم بخير

اللهم تقبل منا صيامنا وقيامنا وركوعنا وسجودنا

رمضان كريم
وليد

Anonymous said...

الساعة كام عالقناة التانية ؟؟

فراشة البساتين said...

وقطعت سلك الكهرباء؟؟؟؟؟؟

يادى الكوارث

---------------------------

قصة جميلة حقيقى

تجسد ضعف النفس البشرية

بس ازاى انت بعد ما غسلت بقك

وشربت ميه

ونزلت عشان تصلى

ترجع عشان تاخد السجاير تانى

صحيح

النفس امارة بالسوء

------------------------

كل سنة وانت طيب

رمضان كريم

كوارث said...

أختي جنة
وانتي طيبة
واضح انك فاهمة القصة جدًا او انها اوضح مما ينبغي
التدخين باكمله رمزية لحاجه معينة برضه مش عاشن اللمدخنين خالص !
شكرا لكلامك الجميل
وكل سنة وانتي طيبة

كوارث said...

حسن حنفي
وانتا طيب
الله اكرم

كوارث said...

فارس بلا جواد
وانتا طيب يا معالي الباشا
رمضان كريم عليك وعلى كل المسلمين يا رب
الحمد لله ان القصة عجبتك
وشكرا للدعوةذ

كوارث said...

jana
اولا الله يبارك فيكي
ثانيا فعلا الشياطين مصفدة والعناء كمله من النفس الامارة بس على فكرة النفس الامارة لا يستهان بها أبدًا
وكل عام وحضرتك بخير ورمضان كريم

كوارث said...

عايش ولكن
علاؤوفيتش
هنفطر يوم في رمضان سوا ان شاء الله يا وغد
ده عزومة مني ليك آهوه
كل سنة وانتا طيب
منورني

كوارث said...

عارفة .. مش عارف ليه ..
وليد
انا عارف اني مصقصر فيحقك وفي حق كل الناس والله بس عذرا عذرا
الله يبارك فيك وانتا معزوم يا ريس
وكل سنة وانتا طيب و رمضان كريم

كوارث said...

Anonymous
اسم البرنامج دقيقة مفيدةى تقديم مفيدة شيحة
انا مصور ع\الحلقة التالته يعني تالت يوم
معاده يقال الساعه تسعه وربع بس انا مش متأكد .. هتأكد النهارده لما اشوف اول حلقة !

كوارث said...

firebird
اهلا اهلا
منورة والله
هيا كارثة فعلا
بس هوا مش بعد ما اتمضمض
الاول وصف لسلوكه اليومي
بعد كده الاحاث انه اتأخرؤ في يوم لدرجة شنيعة فحصل اللى حصل
في الآخر سكت صوت ضميره وخلاص ..
يا رلايتني الاقي السلك ده .. بدور عليه من زمان !
كل سنة وانتي طيبة ورمضان كريم

Anonymous said...

ابليس بيمسي عليك
وبيقولك
راجعلك بعد شهر يا عسل

سنووايت said...

كل سنة وانت طيب يا طارق
يارب يكون رمضان السنة دي احلي من اللي قبلها عليك وعلينا كلنا
بس قصة قصيرة ومعبرة فعلا وخاصة ان رمضان بيكون فرصة كبيرة لمجاهدة النفس
ربنا يهدينا جميعا
رمضان كريييييييم

canary said...

اولا طبعا كل سنه وانت طيب

هى وصلت لسلك الكهربا بتاع الجامع؟؟

وليه يعنى ... عشان سيجارة

لا بقى الاحسن من كدة انك كنت تروح

تخنق المؤذن

Unknown said...

طارق...كل سنة وانت طيب يا عمونا ايه الكاااااابة دى انت ماتعرفش تعيش من غير الجرعة المعتادة من الكابة؟؟؟؟ حلوة القصة على فكرة مع اختلاف التفاصيل لكنها بتلخص عذابنا البشرى كله حياتنا كلها محاولات لقطع الاسلاك و اقدر اقول ان كلنا قطعنا اسلاك كتيييييييييير فى حياتنا...كل سنة وانت طيب تانى

Unknown said...

ايه دة نسيت اتخانق انت كملت مهرجان كوارث الشعرى فى غيابى براااااااحتك الحساب يجمع يا بيه

Unknown said...

أسأل الله الذي لن تطيب الدنيا إلا بذكره
ولن تطيب الآخرة إلا بعفوه
ولن تطيب الجنة إلا برؤيته
أن يديم ثباتك ويقوي إيمانك وصحتك
ويرفع قدرك ويشرح صدرك
ويسهل خطاك لدروب الجنة
وأن يجعلك من عتقائه من النار
ومبروك عليك شهر رمضان

الفارس الملثم said...

قصه جميله وفيها معني جميل وعميق , الف مبروك علي المجموعه القصصيه وعلي الالف جنيه "يعني كده ضامنين العديه منك حلاوة الجايزه ههههههه"

كل سنه وانت طيب يا طارق

كوارث said...

Anonymous
تشكر يا عم انتا وابليس
على فكرة هوا بيمسي عليك انتا كمان وبيقولك اعمل اللى انتا عايزه
الجنة خلاص
complete

كوارث said...

سنووايت
كل سنة وانتي طيبة يا سنو وان شاء الله يكون شهر جميل عالجميع
والحمد لله ان القصة عجبتك
وان شاء الله يعجبك الجاي
والله الأكرم

كوارث said...

canary
والله وانا بكتب القصة فكرت اقتله خالص بس قلت حرام يموت عشان سيجارة !
كفاية سلك الجامع !
وكل سنه وانتوا طيبييييين

كوارث said...

enjy
وانتي طيبة يا قمر
مش شايف كآبة خالص .. بالعكس دهع بني آدم بيقاوم الكآبة بشدة !
حمدًا لله على سلامتك الاول .. انتي مش الدكتور قالك تريحي شوية ولا ايه ؟
طبعًا واحد زيي وغد قطع كل السلوك من زمان
بس لسه سلوك الدين ده لوحدها ولله الحمد
بالنسبة للمهرجان فانا قلتلك واناتي اللى ما سمعتيش
مش مصدقة ؟
اثبتي !

كوارث said...

نهر الحب
شاكر جدًا لدعواتك الجميلة
اعاد الله علينا وعليك الشهر الكريم بالخير

كوارث said...

الفارس الملثم
الله يكرمك والحمد لله ان القصة عجبتك
الله يبارك فيك يا ريس
المجموعة تبقى تيجي حفل توقيع الكتاب من عالسطوح بقه يعد العيد ان شاء الله
والالف جنيه ..
بخصوص العيدية يا ابني طلباتك
دنتا تؤمر بس..
هديك 200 مليم
ووندر فول
كل سنة وانتا بالصحة والسلامة يا ريس

Sourah said...

كل سنة و انت طيب يا طرووق ، و بالتوفيق انشاء الله ، قصة حلوة اوي ، وواضح ان نفسك متملكاك ، و على فكرة كلنا كده ، بس اجمل حاجه ختمت بيها ((
" بعفوهِ وجودهِ وكرمــــــــ....." ))

انه مهما كان برضه رحمة الله وسعت كل شيئ ، ربنا يرحمنا جميعا في هذا الشهر الكريم ..

و اخر الكلام سلااااام ..!!!

princess said...

طارق كوارث
كل سنة وانت طيب ورمضان كريم
النفس البشرية دايما بتبقى ضعيفة اما المغريات
بس هو ده الاختبار الحقيقى للبنى ادم
ربنا يقوينا
تحياتى
ومبروك على الاخبار الحلوة اللى فى البوست

Blue Nile said...

كل سنة وانت طيب يا طارق
ورمضان فرصة عشان نغير من نفسنا
ربنا يهدينا جميعا

الدرعمي said...

السلام عليكم ورحمة الله وبركاته

صيام مقبول إن شاء الله

قصتك أزلية ٌ قديمة ٌ قدمَ الدهر

لكنها في الوقت نفسه حداثية

كأحدث ما تكون الحداثة

ففيها الصوت وهو صوت الشيخ العجوز

والضوء وهو الخفوت

الذي يكون قبيل الفجر وضوء الكبريت

والرائحة في السجائر

وفيها المونولوج في حديثك مع نفسك

والصراع الداخليّ في الرغبة

والخارجي في استباق الزمان

وأشياء أخرى



أسأل الله أن يوفقك

ويعينك

وييسر لك

ويتقبل منك

أيها المبدع الحداثي القديم

أنتظرك

ورمضان كريم



آدم

Anonymous said...

ممكن حد يسجل الحلقة و ينزلها عاليو تيوت؟؟

كوارث said...

sourah
وانتي طيبة وبخير يا رب وربنا يتقبل الصيام والقيام
مش متملكاني قوي يعني بس الحمد لله ان القصة عجبتك
ورحمة ربنا وسعت كل حاجه
ولا ييأس من روح الله الا القوم الكافرون

كوارث said...

برينسيس
سمو الأميرة
\اهلا وسهلا كل سنة وحضرتك طيبة
ربنا يقويكي ويقوينا يا ستي
الله يبارك فيكي وان شاء الله يعجبك الجاي

كوارث said...

Blue nile
وانتي طيبة وربنا يتقبل منا ومنك
اكيد رمضان فرصة عظيمة
بس ربنا يقدرنا واستغلها صح
نورتيني

كوارث said...

adam
تعليقك أحسن من النص !!
نتكلم لما اقابلك

كوارث said...

Anonymous
يا رييييييييييييييييييييييت

Anonymous said...

للاسف انا مش من مشاهدي التي في بكثره وعلي ما لاحظت البرنامج كنا 12 رمضان لكن اتمني لك كل توفيق من ربنا وعلي
فكره انا قريت كتابك كوارث
والمدونه كمان و طبعا رائعه ولو ان راي مش ح يضيف حاجه بس اتمنالك كل خير
شكرا علي قرايت التعليق

كوارث said...

وانتا مين ؟

Anonymous said...

iam Reda. Reem's friend in the college