سلامو عليكم
ممكن تعتبروا البوست ده مش محسوب في المدونة . بس عشان عايز اقول شوية حاجات فيه
اولاً : المدونة انجي صاحبة مدونة هات من الآخر بتعمل عملية جراحية , دعواتكم يا جماعه بالشفا وان ربنا يسهل الموضوع.
ثانيًا
دعوة للمهتمين جدًا بس
الخميس المقبل في الثامنة مساءًا
علاء الأسواني V.s د. أحمد خالد توفيق
وبحضور مجموعة من المثقفين والكتاب
حولَ يوتوبيا
بالنسبة للمكان فهوا محدود جدًا يعني اوعى الدعوة تبقى للمهتمين مش المهتمين جدًا نقوم نلاقي القاعة بقه فيها بتاع تلاتين واحد ننزل نقعد في الشارع فمش هقول المكان من باب لحقد على الآخرين
ثالثًا
المجموعة القصصييةهتصدر بعد العيد ان شاء الله وهيا مع دار نشر اكتب بعنوان " ناثر البخور " كما قلت من قبل وان شاء الله تعجب الىل ناوي يشتريها , وبطمن الجماعه اللى وعدتهم بنسخ قبل السفر , بذلت مجهود شنيع مع يحي هاشم مدير اكتب عشان اتفق معاه على عدد محدود قبل نص رمضان فلا تقلقوا
عن المجموعة القصصية تحوي
17 قصة قصيرة
بعضها اتنشر على المدونة ومعظمها لأ
تفاصيل أكثر فيما بعد !
بس كده
وزي ما قلت
اعتبروا الموضوع ده ما اتكتبش
18 Comments:
انت اكب مسيحاتي عرفته في حياتي
ههههههههههههه يا ابني بقولك وغد
انا شكل الدكتورين هيطردوني
ربنا يستر
متنسوش تدعوا لانجي يا جماعه
الدعوه بجنيه
وانت كمان اعتبر الكومنت بتاعي دة كمان مااتكاتبش
تحياااتي
ربنا يشفيها يارب ويشفى مرضى المسلمين اجمعين
تحياتى
ايمى
الف سلامة عليها
ان شاء الله خير
شفاها الله وعافاها
ياريت تبقى تطمنا عليها
ولو تعرف كمان تبعتلها سلامنا
ودعوتنا
قلوبنا معاها
مع اني ما اعرفهاش
بس اكيد بتمنى لها الشفاء
وباذن الله ترجع وتكتب تاني وتبقى احسن من الاول
انا جيت اسجل اعجابى بالمدونة دى
وشوفت مدونتين تانى فى البروفايل
هاروح اقرأ
وساتابع ان شاء الله
احييك على هذه المدونة الجميلة
احترامى
ان شاء الله الكتاب ينزل ويكسر الدنيا
وربنا يشفي انجي وكل مريض
تحياتي ليك
ربنا يشفى انجى ويقومها بالسلامة
واعتبرنى ماعلقتش
اولا : ربنا يقومها بالسلامه ان شاء الله
ثانيا: انا لسه قاريه يوتوبيا و كنت بافكر اكتب بوست عنها
جميله جدا...انت ماقلتش المكان فين بس انا مش هاقدر اجى على كل حال
ثالثا :الف الف مبروك
مدونتك جميله حقا يا اخى ..
واعتذر لأنى اول مرة أزوها ..
ومن كل قلبى ادعى بالشفاء للأخت انجى
وان تتعافى سريعا أن شاء الله
فى انتظار بوستك التالى والمحسوب يا اخى
كل التحيه لك
اللهم اشفى انجى ومرضنا جميعى يا رب العالمين
ثانيا شكرا على الدعوة
ثالثا لية نعتبر الموضوع متكتبش بالعكس
دا بيظهر اهتمامك بالاخرين ومعنى كدة انك انسان بجد
تحياتى
رمضان كريم
ربنا يشفيها وتقوم بالسلامة إن شاء الله
وماشي يا عم مستفرد الندوة لوحدك .. ماااااااشي
الف الف مبررررررروك والله
ربنا يوفقك وإن شاء الله دايماً لأمام
الحمد لله بيك وبيغيرك دايماً هيكون في أمل في بكرة
تمنياتي بالنجاح الدائم إن شاء الله
وليد
ربنا يشفيها يارب
ويارب بالتوفيق بالنسبالك
تحياتى
علاء
السلام عليكم ورحمة الله وبركاته
اخى فى الله كل عام وانت بالف خير
واحب احييك على مدونتك المميزة فعلا
وربنا يعفى عن اختى انجى ويتم عليها بالشفاء العاجل برحمته وعفوة
اللهم اكتب الشفاء لكل مرضنا ومرضى المسلمين واعف عنهم وعافهم بفضلك يا رحمان
اخى تقبل مرورى وتحياتى لك
دمت برعاية الله
الف الف مبروك يا طارق علي الكتاب
تقريبا ً كتابي هينزل معاك مع اكتب في نفس التوقيت
يا رب خير لنا جميعا يا رب
Post a Comment