Wednesday, September 03, 2008

عودي يا خميس .. عودي إلى آمووون

متنسوش يا جماعة انا اليوم الساعه واحده ونص أو اتنين باليل هآجي عالقناة الأولى الفضائية أو الأولى الأرضية النهارده 3 رمضان , مع المقال بقه وهنأجل أبو جهل للبوست الجاي

عودي يا خميس , عودي إلى آمون

قديمًا كانت مصر تنادي مواطنيها بصورة متكررة ملحة حتّى أنّك لتجد أن المواطن المصري القديم لم يكن يطيق الابتعاد عن أرض مصر أكثر من حد معيّن ولعلنا جميعًا نذكر المشهد الخالد للبنى عبد العزيز حين تركت الفراعنة فجاءها الندااااااااااااااء " عووودي يا هاميس , عووووووودي إلى آمون " , ومعذرة فيما استشهدت به ولكنها على حد علمي المرّة الأولى والأخيرة التي طالب فيها الوطن برجوع شخص مّا والكارثة أن الشخص كان على نفس أرض الوطن ولكن في زمن آخر .

أمّا عن عصرنَا الحديث فلنأخذ رأفت الهجّان أو رفعت الجمّال أو العميل 313 أو ديفيد سمحون كمثال , رغم ما فعله لمصر ورغم محاولاته تقبيل الأقدام و محاولة العودة بشتّى الطرق إلا أن النتيجة كانت " مصر اللي بتدفع يا رأفت " , وما بين خميس ورأفت عشرات الحالات في واقعنا زي الفل الذي نحبه ونقدر ونعشق من أجله تراب هذا الوطن .

لماذا نتشبث بالوطن ؟ هذا سؤال صريح على كل منّا أن يطرحه على نفسه , هل تنتظر فرصة للسفر ؟ هل تنتظر فرصة للهجرة ؟ هل زهدت في الحياة واخترت الطريق الأسود وأعلنت عن حبك لهذا الوطن الذي سيعطيك مكانًا للزواج يمكنك أن تبيع فيه الجرجير ببساطة , هل لأنه وطنك وبلد أبويا وجد جدي ؟ أم لأنّه مهما كان وطني ؟

دعنَا لا نخدع أنفسنا , دار بيني وبين أحد الأصدقاء حديث منذ زمن , قال فيه أن بلاد الخارج نظيفة على عكس بلادنا ولكن المعاملة حقيرة , سألته عن عودتهِ إلى أرض الوطن حيث يوجد أبوه وجدّ جدّه فأخبرني بأنه غير راغب بهذا ., لم؟ , لأن المعاملة في مصر أحقر !

على العكس تمامًا , هنَاك آخرون مؤمنون تمامًا أن الخارج أنظف وافضل ولكن لا بد من تراب هذا الوطن حتى تكتمل معادلة الوفاء الشخصي والسلام النفسي الآمن لهذا فهم يأتون من وقت لآخر لالقاء نظرةٍ والبكاء في صمت ثم يحمدون الله وتقر أعينهم بأنهم اختاروا الاختيار الصحيح من البداية , ولا عتاب عليهم فهم نجحوا في هزم أسوار الكسل والفشل التي اعتدنا على ربطها دائمًا بحال هذا الوطن الذي تحمل الكثير !

قديمًا كان الكثير يجاهدون للعودة إلى مصر ثم البناء فيها والاستقرار , بعد أن يعملوا لفترة محددة تكفل لهم حياة كريمة لا بأس بها , ولكن الآن لو أوتي مال قارون فلن يعود , لماذا ؟ هل تحرّى أحد عن السبب الحقيقي ؟

للأسف لم تعد مصر هي مصر , لا داعي للتدخل في حال الدول العربية ولكن المأساة الأكبر أن اقتصادنا القومي قائم على قناة السويس والسياحة , وكلاهما لا نفع فيهما لمواطن من الثمانين مليون فماذا يفعل كل هؤلاء البشر !!!

أعزائي , أخجل مما ساقوله ولكن حتى لا نخدع أنفسنَا

سيقول لي الكثيرون أين الأمل , اين الحياة , هل ستترك قضيتك ؟

اتركوها

اتركوها

اتركوها

قبل أن تموتوا وهي ما زالت قائمة

نحن لم نُخلق لنحب مصر ونموت في سبيلها !

ليست هذه حياتنا

ليست هذه وظيفتنا

من ينضم معي لنبحث عن عملٍ آخر أو وطنٍ آخر ؟

من يريد الهجرة الى يوغوسلافيا ؟

43 Comments:

enjy said...

امممممممممم كلام موزون وجاى على الوجيعة مابقتش بلدنا فعلا او هى من زمان مش بلدنا واحنا اللى بنستهبل...المقال حلو جدا وقوى كالعادة يعنى بس لو لقيت حتة غير يوغوسلافيا انا معاك بس ابقى قوللى مسافر امتى..............هاتفرج على الحلقة ويااااااااارب ما تكسفناش

عايش ولكن said...

انا مستنى اى فرصه بقا ولو لقيتلى معاك ابقى عرفنى ادينى ميسد وانا هفهم
هههههه
هستنى الحلقه واشوفك بقا هتكسفنا ولا هتعمل ايه

Amgad said...

مممممممممممممم
للدرجادي
الظاهر عليك زي مبتقول شيرين
مشربتش من نيلها
ههههههههههههههههه
علي فكرة معدش في دولة
اسمها يوغوسلافيا
شوف دولة تانية نسافر ليها
صربيا والجبل الاسود

EMMY BABY said...

عجبنى اوى المقال وعجبنى اكتر العنوان

معرفش ليه عمرى ما فكرت اسافر برةمصر
بس بعد المقال ده ممكن اقول علشان الولاد عامة عايزين يسافروا علشان يكونوا نفسهم ويبنوا مستقبلهم بسرعة بغض النظر عن الغربة

لكن ممكن تفكير المعظم بيفكر فى الغربة قبل ما يفكر فى اى ماديات

كل قرايبى المسافرين بحس انهم نفسهم يرجعوا مصر عمرى ماشفت حد مسافر برة ومرتاح ونفسه يكمل برة علطول

ماعلينا هى القضية فعلا ان مصر ضاقت بينا اوى ومبقاش حد قادر يستحمل

ان شاء الله هحاول اتفرج على الحلقة بتاعتك


تحياتى

ايمى

Unique said...

اعتقد ان مصر بطلت تنادي على ولادها من زمان .. ولو نادت يستحسن ما حدش يرد عليها
رغم انه حقيقة مصر فقدت معانيها عند كتير مننا الا اني شايفة ده شيء محزن جدا بيخلي شكلنا قدام العالم وحش اوي .. بس هنعمل ايه فقدنا كل اللي ممكن يربطنا بيها
في انتظار الحلقة .. موفق باذن الله

أبو أسامة - مدونة كباية شاي said...

أنا عن نفسي مش ناوي أسار لا الاتحاد السوفيتي ولا اليوغوسلافي

مش علشان اتلغوا

ولكن علشان أنا لسه عندي أمل

والأمل في الله لا ينقطع

دعاء مواجهات said...

مش انا طبعا

يمكن لأنى بحبها بدرجه غير قابله للفصال

او النقاش والجدال

تعرف لما واحد يحب واحدة وعارف كل عيوبها وقرفها الى بتقرفهلواو وبردو راضى وبيحبها وبيموت فيها ومستعد يتحملها لآخر يوم من عمرة

اهو انا تقريبا مريضة بهذا الحب

تحياتى على اسلوبك المتميز

وقصصك الرائعه

اتمنى اشوفك النهاردة

كل سنة وانت طيب

فارس بلا جواد said...

بصراحة طلبك اللي في الاخر مش عارف هو كلام جد ولا بتهزر
بالنسبة لرأيي .. انا شايف أني هافضل أحب مصر حتي لو رحت المريخ .. لأني شايف أن مقدار الوطنية في العالم لا يخضع للظروف الاقتصادية للبلد والا كان الامريكان هم الاكثر وطنية في العالم وكانت شعوب اخري مثل مالاوي وزيمبابوي كلهم خونة ومتأمرين وجواسيس
لان بهذا ستكون الوطنية سلعة تباع لمن يدفع أكثر
شيء أخر وهو ان حبي لمصر لا علاقة له بمن في السلطة .. فليس بضعة أشخاص هم من سيحددون حبي لبلدي .. فهو حب لارض ومكان وتاريخ واحداث صنعها القدماء
ولكن ليس من العيب أن يسافر الشخص للخارج لتحسين مستوي معيشته اذا كانت الظروف في بلدنا صعبة وهذا لا يعتبر تناقض مع الوطنية .. لكن المهم انه في اي مكان نذهب اليه نحمل حب مصر معنا في قلوبنا
ليس مثل بعض الاشخاص الذي حينما يستقر به الوضع في الخارج يلعن مصر ويلعن الايام التي عاشها بها
هذة مجرد وجهة نظر
تحياتي

Sourah said...

و اشمعنى يوغوسلافيا بأه يا سي طارق ..
يا عم انت جبت اللبة ، و لا الفولة ، مش فارقه المهم انت دخلت في العميق .
هرد عليك بوصفي متغربة ، و على فكرة لسه ماليش شقة في مصر ، بس انا مش عاوزة ارجع ، اللي بيخلليني احن لمصر فعلا ، اهلي اللي فيها، حتى الذكريات كانت و لله الحمد مأندلة - اسفة في التعبير - و فعلا اللي يقوللك الحياة بره انظف مابيكدبش ، و المعاملة من اللي حواليك بيحكمها سلوكك و ياهم مش اكتر .

بس عارف يا طارق ، بالرغم من كل ده انا عندي ما افتخر بيه ، و ادافع بيه ن بلدي ، في الاخر لما هموت هندفن على الاقل فيها ، لو عشت طول عمري في غربة ، برضه مسيري هترمي في حضنها اللي هايساعني ..

و على فكرة مصر هيه هيه ، اللي بيتغير الناس ، هما اللي بيخللوا البلد من سيئ لاسوء ..

لكن طول مافيه حد جواه امل ، و حب حقيقي للبلد و ناسها ، طول ما فيه شباب زي الورد بيتكلموا ، اكيد هتنور بيهم مصر ، و تبقى احسن على ايديهم ..

يا كواااارث ، بوست جامد ، و دايما للاروع ..
على فكرة انا قاعد ادام التليفزيون من الساعة 2 بتوقيت السعودية و مافيش حاجه . يا ريت تعرفنا ..

و اخر الكلام سلاااام ..!!

Sourah said...

الا صحيح عملت ايه مع اللي خانقك ، و النصباية ؟؟!!!

ماجبتش سيرة يعني ...

و اخر الكلام سلااام .!!!

ADAM said...

السلام عليكم ورحمة الله

إلى دبي ممكن

وإلى باريس أيضا ممكن

بس خدني معاك من البلد دي

أنا زهقت منها ومن اللي فيها

يا رووووق

ربنا يرحمنا

*********

بالمناسبة الحلقة كانت جامدة

وانت كنت منور بالبدلة

بس الأسئلة كانت أسهل من السهولة

متهيألي جاوبت معظم الأسئلة وطلع صح

بس يللا للطنطاوية حظوووووظ


**************

منتظرك في كايرو يا قمر


آدم

كوارث said...

enjy
السيدة الأولى لدولة من ليسوا بهذه الأهمية
مرحبًا مرحبًا
انا عن نفسي مش ناوي اروح ليوغوسلافيا أو غيرها
انا بنصحكم بس وبعترف بحقيقة الوضع بدل ما نضحك على نفسنا
انا هنا
اعتبريني من طاقم السفينة الغارقة
او حالة مستعصية على الشفاء
او مريض طاعون معدي لا بد من التخلص منه
بس انا ممكن اظبطلكم الفيزات يعني
ايه رايك في كندا؟

كوارث said...

عايش ولكن
علاءوفيتش
مستني اي فرصة ..
ان شاء الله تجيلك الفرصة يا سيدي بس ليك انتا يا علاء على وجه الخصوص - انتا دورت على فرص في مصر اصلا يابني ؟ -
جربت تتاجر في المخدرات ؟
ابقى كلمني وهنشوف موضوع الفرص ده يا رفيق

كوارث said...

amgad
معلش يا امجد
بس غلطني في كلمة من اللي قلتها لو غلط انا بشرب من الحنفية لكن من النيل اعتقد هتبقى قلة قيمة لو ما كانش معايا كوباية والا هنشرب زي الزراف !!
بالنسبة ليوغوسلافيا يا امجد فده فخ الزوار
يعني انا بقوله عايزين تروحوا اوروبا ؟ هوديهم اللي انقح من مصر
سياسة السم في العسل يعني يا ريس
وعامةً .. ايه رايك في تشيكوسلوفاكيا ولا ده كمان اتقسمت ؟

كوارث said...

emmy baby
منوراني دايمًا والله
الحمد لله ان المقال عجبك
مصرلا ما ضاقتش بينا
احنا اللى ضقنا بمصر
تفتكري السبعين مليون معارض في مصر مش هيعرفوا اتغيروا ؟
لو كل واحد فيهم التزم في معاملته كويس بس؟ المصيبة انك بتلاقي الفسدة معانا بيطالبوا بان مصر ترجع زي الفل .. تقدري تقولي في كام واحد في السبعين مليون معارض شريف؟
بس
هي ده القضية !

كوارث said...

Unique
مصر فعلا عمرها ما نادت على ولادها
بس ما زال المغناطيس اللي فيها موجود لروحانيات كل من اتغرب
وعامةً زي ما قلت
الموضوع نفسي بالدرجة الاولى
تخيلي ان فيه ناس مش شايفة اي مشاكل في مصر !!

كوارث said...

أبو أسامة - مدونة كباية شاي
ونعم بالله يا ريس
ولا تنسى
اذا الشعب - بس الشعب كله - يوما اراد الحياة
فلا بد أن يستجيب..
القـــــــــــدر

كوارث said...

دعاء مواجهات
اجمل مرض طبعًا ويا ريت الكل يمرض بيه
ساعتها هتشوفي السرعه في الانجاز والدقة في التعامل فعلا
والحمد لله ان الاسلوب عاجبك .. البوست الىل بعد الجاي سيحمل قصة مفاجأة باذن الله
ترقبي

كوارث said...

فارس بلا جواد
بهزر طبعًا يا ريس
دور في المدونة على قصص
البحث عن موت - هنزل في المجموعة الجاية بعنوان البحث عن حياة على فكرة - فيها وجهة نظري الحقيقية في الموضوع بس فعلا الموضوع استفزني وكنت بكتبه ساخر في الاول
بأيدك في كلام بشدة وان كنت انتا علقت على موضوع الاقتصاد بس !
منتا عندك المواطن الصيني طالع عين اهله وهوا من اقوى اقتصادات العالم مثلاً
وبعدين هوا اقتصاد مصر شوية ؟؟
ربنا عالظلمة بقه
اما من يلعن مصر في الخارج فده خاين مفيهاش كلام

كوارث said...

sourah
والله ما عارف اقولك ايه
منوراني علطول
ومن احسن التعليقات دايمًا
الامل موجو والحب الحقيقي موجود بس المعادلة مش في دول
المعادلة كلها عشان نبقى صرحا برضه وعشان يبقى كلامنا خفيف على جميع القراء
في سيادة القانون
هل القانون بيمشي على الكل زي يعض ولا لا ؟
ليه فيه ناس بواسطة وناس من غير ؟
النبي قال من زمان " انما اهلك اللذين كانوا من قبلكم انهم اذا سرق فيهم الشريف تركوه , واذا سرق فيهم الضعيف اقاموا عليه الحد "
مش عايزها اجيبها من منظور ديني بس هيا ده النقطة
الليبرالية بتنادي بالمساوى والعدالة للجميع
الشيوعية برضه بتنادي بالمساواة بين افراد وقوى الشعب !!
كل ده بيتحكم فيه حاجه واحده بس
سيادة القانون
عارفة لو كلنا بنتظلم ؟
المساواة في الظلم عدل.. منا انضربت بس اخويا انضرب والناس كلها انضربت ولكنا فقرا وكلنا من حال بعض
انما انا انضرب وهوا يتقال له روح يا ابني عشان صاحب الظابط ؟
ده اساس الفساد في اي مصيبة
على فكرة البرنامج جه وخلص ولله الحمد ومعرفش اتسجل ولا لا
بالنسبة للي خانقني فالحمد لله - ده كان هزار - علقته على باب زويلة ليكون عبرة لكل من تسول له نفسه انه يخنقني
والنصباية تمت بحمد لله وفضلهخ ونجحت في الاستيلاء على اتنين جنيه وربع
نورتي

كوارث said...

آدم
وعليكم السلام ورحمة الله وبركاته
الحمد لله ان المقال عجبك
وانا بفكر جديًا في ان احنا نستقر في الدلنجات
ايه رايك؟
***
بالنسبة للحلقة ده نورك يا ريس
ده تاني مرة البس بدلة في حياتي من ايام الطفولة وعلى فكرة عشرساعات بهدلة في الصحرا قبل التصوير بس ما علينا
احلى حاجه الالف جنيه !
سيبك انتا
***
جاي كايرو بكرة
انتظرني

Habiba said...

ازيك ياطارق ياكارثه

بص ياسيدى بخصوص حكايه مقالك ده والله انا عن نفسى شايفه انى بحب بلدى ومش بايدى لانه حب فطرة زى حبك لابوك وامك واخوك من غير مبالغه انت بتحن لبلدك او بلاش انت
انا بحن لبلدى ولو جيت تسالنى ايه السبب هقولك معرفش

عارف ياطارق
لما حد يجى يقولك بتحب مامتك ليه اكيد مش هتعرف تجاوب

وماتقوليش لانها حملتنى ببطنها تسعه تسعون شهرا ارضعتنى ست سنين
وقد سهرت على راحتى تلات ليالى ورا بعض من غير ماتصبى

لا ابدا انت اصلا ماتعبتش كده علشان تقدر التعب ده

بس الحكايه انك اتولدت بالحب ده والدليل ان الطفل اللى لسه لاي يعقل شئ وهو رضيع بيعيط لما امه تبعد عنه

هكذا حبك لبلدك انشالله تكون موزمبيق

الانتماء لا يتجزأ ولا يتحكم فيه ظروف ولا احوال

يمكن تشوف كلامى فلسفه مجرده من
الواقعيه الا انى شايفاه كلام عقل وقلب قبل مايكون كلام قلب

مش معنى اننا قرفانين من اللى فيها ومش ظروفها اننا نسيبها ولو حت سيبناها يبقى مش نسيبها واحنا كارهينها انما نسيبها ندور على حياه افضل ويبقى حنيننا ليها

ياراجل ده انا سبت بلدنا ورحت اكتوبر شهر ونص
رجعت جرى برغم انه بالمقارنه اكتوبرتكسببببببب

واهو كله جوه مصر مابالك لو خرجت بره

بخصوص الحلقه بقى

والنعمه برغم لخمتك الا انك رفعت رسنا ياراجل ومفيد كانت متعاطفه معاك عالاخر ههههههههههه

اسفه للتطويل
كل سنه وانت طيب

EMMY BABY said...

انا معرفش اقلك ايه ممكن انا علشان لسة مخرجتش اوى لمجال واسع مبشفش الفساد الجامد اللى بتكلموا عنه

بس انا متاكدة ان مصر لو هى 80 مليون ففى 75 مليون شرفاء

بس دايما لو فى ورقة بيضا وعليها نقطة سودا فالناس كلها هتبص للنقطة السودا وتنسى ان الورقة كلها بيضا

والله اعلم برضه بس انا دايما بتمنى احنا الشباب اللى هنعمل مصر احسن بغض النظر عن اللى حاصل ومصر بالنسبة لى هتفضل طول عمرها مصر

زمانك بتقول ايه البت الخنيقة دى وبتاعت مثاليات وكلام فاضى بس والله هو ده فعلا اللى جوايا


اما بقى بخصوص الحلقة بجد احييك فوز ساحق لا وايه اهم شى ثقتك بنفسك ربنا يزيدك

بس مفيدة كان متوصية بيك هههههههه

كان نفسها تضحك وانت ابدا مش هضحك يعنى مش هضحك

وعجبنى اوى ان طريقة حلك للسؤال منطقية بمعنى انك حتى لو مش عارف الاجابة فانت بتبدأ بطريقة الاستبعاد
بجد طريقة متميزة

ربنا يوفقك

تحياتى

ايمى

تايه في وسط البلد said...

مش هاسافر يا طارق
العيب لو كان فيها كنت سافرت
لكن احنا هنسافر وهناخد كل نقائصنا معنا

مش هاسافر يا طارق

ليكوريكا said...

المشهد بتاع عودي يا هميس ده من المشاهد اللي معلمه في دماغي

بس صدقني مصر ملهاش ذنب

احنا السبب في كل ده

------------------

ابقي سلملي علي يوغوسلافيا

JaN DarK said...

أمممممممممم
أولا :
بخصوص الحلقة ،،
فاتتني يا بيه ض1ض
لأني من بدري مدخلتش لا مدونتك ولا مدونتي انا شخصيا !!
بس مش مشكلة ..
شفت حلقة من البرنامج المذكور دا امبارح ...
وكانوووا بيجيبوا أسئلة غريبة للبنت وأسئلة متخلفة للولد !!
شكلك كسبت بنفس الطريقة ..
لينا كام في الألف بأة ؟

خلينا في البوست المنيل دا ..
أقولك حاجة ..
أنت لغاية نص الكلام كلامك تمام !
فعلا مصر بطلت تنادينا ..
وانا النهاردة اما كنت بتفرج على أسمهان حسيت اني يا ريتني كنت عايشة في زمانهم ولا يا ريتني كنت مكانها ( مجرد أحلام يقظة يعني متاخدش في بالك )
المهم ..
اني اول ما قعدت ع الفطار قلت لاختي أشمعنى طلعنا من مصر يعني ؟
قلتلي أهي اقدار !!
قلتلها آه كان نفسي كدا أطلع من لبنان ولا سوريا بس لبنان أحسن فيها مقدار من الحركة السياسية النشطة التاريخية ..
قلبت في طبق الرز كأني مكنتش بتكلم وقالتلي او كنا من الامارات كان زماني معايا فلوس دلوقتي وعربية بي ام دبليو
بأختصار كان ردي خليكي في طبقك يا أختي وانا غلطانة اني كلمتك !!

المهم يعني ،،
آه فعلا المشكلة الاولى في مصر الاقتصاد .
بس الواحد يجيب المسألة من جذورها ..
هتلاقي سبب الفلس وغلو الاسعار ايه ..!
هتلاقيه الفســــــــــــــاد !!

السياحة وقناة السويس اللي أنت بتقول عليهم ميأكلوش تمانين مليون ..
دول يأكلوا مية مليون يا طارق ..
أحسبها ، بس لولا ديون مصر ،،
اللي كل شوية يقولولنا انهم لسه بيسددوا في ديون الخديوي توفيق والعائلة المالكة ..
ما هو مش معقول يعني ان الحج عمل حفلة لقناة السويس ببذخ ولغاية دلوقتي شغالين ندفع ديونها
دي لو كانت بفوايد كان زمانها خلصت !
هي شغلانة ولا ايه ؟ !

والسياحة ..
واسمحلي بما اني من بلد أولها لآخرها سياحة ،،
فعاوزة أقولك ..
ان السياحة فعلا بتجيب فلوس بالهبل ..
وسيبك من اعلانات التليفزيون المصري بتاعة السياحة خير لينا كلنا ..
انا بتكلم ع اللي بيشتغلوا فيها بجد
سيبك من سواقين التاكسيات والهبل دا
يعني المرشدين وبتوع البازارات والحناطير واللي في الجزر (عندنا احنا بس الجزر دي ..انفراد ) المهم يعني انها بتكسب جامد ..
بدليل
أن المحافظ بتاعنا امبارح كان طالل بطلعته البهية علينا في القناة الاخيرة ..(لا داعي لذكر رقمها )
وقال شباب بلدنا مش بيحبوا يشتغلوا غير في السياحة بالرغم من اننا عندنا 50 الف فرصة عمل ... في المصانع والمفروض بأة يدخلوا المدارس الفنية يتعلموا الحرف زي السباكة والحدادة والنقاشة ....
لا داعي للاكمال لاني كنت هتشل وانا بسمعه ( يعني كان فاضل دقيقتين ويقول وبلاش حد يدخل كليات دا حوار فاشل )
وبلاش بأة تعليم عالي ، وخلي تلات اربع شباب البلد جاهلين اكتر ما هما خلقة ..

شفت فين المشكلة ..
المشلكة الاحباط ، السرقة ، مش سرقة فلوسنا وبس ،، سرقة احلامنا مننا لمجرد اني أحصل في الشهر فلوس !!
المشكلة ان اللي ماسكين البلد مش من البلد ولا حاسين بيها ..
المشكلة مش في البلد ، المشكلة في اللي فيها ، المشكلة في حاميها حراميها يا طارق
حاميها عاوز يقتلنا كلنا ، ويوأدنا جميعا بالحيا ، ويسفرنا كلنا .. بس بلاش بغوسلافيا دي !!
مش تقترح دولة عليها القيمة كدا ،،
يروحوا سويسرا ، أهو ياكلوا شكولاتة بدل العيش !!

Anonymous said...

الحمد لله
انا شفتك في التلافزيون
فيك شبه من كيس الجوافة

ضى القمر said...

كوارث .

أنا بنضم معك لنبحث عن عمل فى بلد أخر .
لكن مجرد عمل ونعود لأرضنا من تانى .
مش حماس ولا شعارات ولا حب يجعلنا نموت فى سبيل الوطن .
لكن حب بلدنا موجود فينا غصب عننا ..
شوفنا كثيير من مأساى ومهاذل وكوارث تخلينا نهاجر من البلد دى .
لكن فى الأخر بنحب اهلها وشعبها وترابها .
على فكرة مش بقول شعارات والله .
خاصة بعد كارثه امبارح اللى كرهتنى فى حاجات كثير .. وحسستنى قد ايه أحنا رخصنا اوى فى بلدنا .
لكن مع ذلك مقدرش على هجره ومقدرش على بعد نهائى من البلد ..
كوارث .
لو لقيت هجره وهاجرت .. قولنا احساسك وقتها هيكون ايه ..
هتكون مرتاح وانت بعيد عن وطنك . اللى فعلا بقه وطن حكومتنا مش وطنا
ولا هتشتاق للأرض دى وترجع لها من تانى ..
لأنه مهما برضه مكانا .. مهما شوفنا وآسينا منه برضه مكانا وارضنا .

أه بالحق .. متنساش تشوفلى عمل فى بلد أخر..

هستنى العقد يوصلنى :)

متنساااااااش

youssif said...

المشكلة ان حتي السفر بقا صعب يا كارثتي مش بالساهل ان اي دولة تانية تقبل بيك و بيا و بأي مواطن مصري او عربي الطريق بقا مسدود فاقعد ساكت بقا و خليك في البلوة إللي احنا فيها دي

doctor mohamad said...

كوارث : موضوع جميل و حساس و ف محله ، بعض الناس ذكروا مالاوى و زيمبابوى و موزمبيق ، حابب إنى أقرب لهم صورة حقيقية عن هذه الدول بصفتى إنى باتكلم من "زامبيا" .. قضيت بها وقت كفيل بإنى أتكلم عن معرفة بهذه البلدان .. أولا: أسف أن أقول إن مستوى دخل الفرد العامل هنا أعلى من مثيله ف مصر .. فمرتب العامل هنا يصل 3 أضعاف مرتب مثيله بمصر .. و البلاد هنا بتتحسن بخطى سريعة جدا .. و قد ذهلت حين أخبرنى أحد النجارين بدخله التقريبى فوجدت أنه 3 أضعاف مرتبى بمصر كطبيب بيطرى كنت أعمل بمزرعة من أكبر مزارع الألبان بمصر.. أما الطبيب البيطرى هنا فدخله 10 أضعاف مثيله ببلادنا .. صدق أو لا تصدق .. ثانيا: موزمبيق مثلا من أجمل دول أفريقيا و بنظرة سريعة على خريطة حركة الطيران ف أفريقيا ستعلم أننا كدولة تحوى تلتين أثار العالم نتضاءل بجانب حركة السياحة ف موزمبيق .. و هنا ف زامبيا طبيعة خلابة غير عادية .. ثالثا: أشهد أن زامبيا هنا عندهم ديمقراطية واقعية .. لا صورية كما هى عندنا ف بلادنا .. الريس مواناواسا إستقال من حزبه اعتراضا على بعض حوادث الفساد .. فأصر رئيس حزبه و الجمهورية أنذاك ع اختياره خلفا له ليكون مرشح الحزب ف الإنتخابات_قارن مع إقالة شخص مثل الجنزورى ببلادنا_ .. و فاز و اختاره الشعب لفترة ثانية .. و مات أثناء وجوده بمصر من شهرين .. و أول مرة بحياتى طبعا أشوف شعب زعلان على رئيسه .. و ها أنا أتخيل مهرجانات الفرح التى سيقيمها المصريون عند موت "البعيد ع عينو" .. و ها نحن ننتظر إنتخابات قادمة .. حقيقية مش فالصو .. رابعا: المعاملة : أشهد إن الناس هنا محترمة التعامل و خصوصا الفئة المتعلمة منهم .. بعضهم تلقى تعليمه بلندن و أميركا و جنوب أفريقيا و غيرها .. أشهد إن الإنسان هنا يشعر بآدميته ، خلاف ما نلاقى ببلادنا للأسف ، عندى قصص كتير توضح مدى إحترام الناس هنا لنا و أيضا لبعضهم البعض ، يضيق المقام بذكرها ، مثلا : فقد حدث أن خالفت القانون هنا مرة ، فأتى لى الضابط .. و أظهر لى الكارنيه أولا .. ثم خاطبنى بأدب: إتفضل معى لإثبات المخالفة.. ثم أنى كنت ف موقف لا يسمح لى بالذهاب فورا معه فاستأذنت منه لدقائق فأنتظرنى حتى انتهيت و ذهبنا و خلص الموضوع .. من يومها و أنا أخجل أن أخالف القانون هنا .. لا رهبة .. لكن رغبة ف احترام هؤلاء الناس هنا .. قارن مع أحد المخبرين ببلادنا و هو بياخد واحد تحرى .. و أنا بجد خايف لحظة نزولى لمصر أعانى صدمة لوجود مثل هذا الفرق الحضارى ف التعامل ، ربنا يستر .. لكن ف النهاية حابب أقول .. حب الوطن هذا ليس اختيارى .. و الحب نفسه لا يتحكم المرء فيه .. فمن منا لا يحب وطنه؟؟!!

fire bird said...

انتوا بتتكلموا

فاكرين الغربة دى حاجة سهلة

بالعكس

مهما كان معاك فلوس بره


صدقنى برضه هتحن لتراب البلد دى

وبطل بقه هزارك التقيل ده

وظبطلى تذكرة لباريس

بس ذهاب وعودة من فضلك

ماشى

سلام

كوارث said...

habiba
ازيك يا قمر ؟
اشلونك ؟
ان شاء الله تكوني بخير .. نتطرق الى تعليقك بقه
انا اؤيدك في كلامك جدًا بدليل ان في مخلوقات فضائية جت بيتنا ومطاقتش القعدة رجعوا المريخ تاني
فيه المشهد الخالد بتاع حسيس فهمي و أحمد السقا في فيلم افريكانو
وفيه اغنية انا من البلد دي رائعة الروائع وهما تعبران بشدة عن حب الوطن
انا مش عارف اقولك ايه
حاسس ان كلامك متحمس ومفحم وانا عمال بهزر
لهذا يكفي هذا
وبالنسبة لموضوع التلافزيون
فتحيا مصر
واحيا انا
طبعًا بدون تبريرات بس انا صوزرتي كانت وغد في التلافزيون
ده انا بس من بعيد !

كوارث said...

emmy baby
مش محتاجه تقولي اكتر من الىل انتي قلتيه لانه بجد وفى جدًا
الانسان اللى بتكون ده نظرته للمجتمع بيبقى على فكرة مفيد جدًا وناجح نوعًا ما
بس الواقع صادم الى ابعد حد يا ايمي
موضوع كين شريف ومين فاسد .. ربنا وحده يعلم النسبة بس اللى عايز اقولهولك ان النسبة مهولة .. ممكن تكون اكتر من عكس النسبة اللي ذكرتيها
ده مش منظر بلد فيها 75 مليون شريف يا ايمي ولا 750 الف حتى

الفلوس اللى بتتسرق من كل حتة ؟
فيه ةكام بني ىدم دلوقتي ممكن تعرضي عليه رشوة مفتوحة ويرفض؟
وطبعًا الرشوة فساد رغم ان قبولها ممكن يكون اضطرار
شوفي كام شاب لسه ما اتجوزش!
كام شاب مش لاقي شغل وبيحاول يكون نفسه !
كام شاب اتغرب وبهدل نفسه ونفسه يرجع عشان يعيش مستريح ؟
والامثلة كتير
مش بدمر الصورة الوردية في خيالك
بس
هذا هو واقعنا
***
بالنسبة للحلقة ثانكيو عالكلام الجميل
بس مكنتش بتضحك لان كان في حيثيات وبهدلة مفيدة عارفاها كويس برضه قبل التصوير هيا اللى خلتني كده
ده كويس اني ما ولعتش في نفسي !

كوارث said...

تايه في وسط البلد
بقولك ايه ؟
تشاركني ونأسس رابطة القاعدين في مصر !

كوارث said...

ليكوريا
ومن المشاهد المعلمة في دماغي انا كمان
بس صدقيني انتي
مصر عايزة الولعة كحكومة... لكن كوطن .. يبقى لها ذنب ازاي اصلا وهيا لها حقوق منهوبة !!

مبشوفش يوغوسلافيا على فكرة
ومش ناوي
بس لو اتنفيت هوصل
نورتيني

كوارث said...

jan dark
أولا : مالكيش في الالف غير تلاتين قرش ضريبة مبيعات
نيجي للبوست المزفت بقه
يا بنتي انا كل كلامي تمام مش نصه بس
لان مصر فعبلا بقت عايزة الولعة
بس عايز اقول ان المشكلة مش في زماننا
مش عايز اعغمل زي الامام الشافعي واقولك نعيب زماننا والعيب فينا
آه والله
اهوا العيب فينا
احنا ساكتين ليه ؟
منتي لو سمحتي متقعنعنيش ان العشرتلاف 0 كحد اقصى - معارض قفي مصر بيطالبوا بحقوقهم هيبصولنا !!؟
لكن لو 10 مليون مثلا ؟.
هيا ده النقطة
زمان كانت الناس عارفة حقوقها قليلاً وكان المصريين زي الفل مع الانجليز والانجليز اصلا كانوا بيحترموا الآدمية واكبر حادثصة لانتهاكها في مصر كانت دنشواي وشوفي الفضيحة بتاعتها !
العيب مش في بلدنا خالص
وصدقيني الفلوس ما بتعملش حاجه
الواحجد هيعوز ايه اكتر من انه ياكل ويشرب وينام في هدوء وبدون مشاكل
المشكلة كلها مش في الفلوس
في الدول المتقدمة - والمتخلفة والله - البني آدم اللي بيمرض ومعاهوش فلوس الدولة بتعالجه .. في مصر البني آدمين المريضة كلها مين اللي بيعالجها ؟ مريض الفشل الكلوي ده بيتعالج منين ولا ازاي ولا بيشتغل وزير ايه عشان يتعالج اصلا ؟

السياحة مقدرش اتكلم عنها بس انا قلت ده مصدر دخل قومي
اوكي جميل جدا
احنا فين
احنا تمانين مليون فين انجازتنا ؟
لو دورتي عالانجازات هتلاقي موبينيل بتاعت ساويرس وحديد عز والقري الاستثمارية
ده انجازات مصر !
يا شيخة بلاش حسرة !
انا معاكي في ان احنا مسروقين في كل حاجه
حتى الاحلام .. والافكار

كوارث said...

المجهول
:D
والكومثرى؟

كوارث said...

ضي القمر
اهلا يا قمر
انتي فاهمه غل .. انا مش ههاجر .. انا بنصحكم انتوا تهاجروامعاكي في اننا بنحب البلد دي
والله العظيم انا كمان بحبها
ونظيف بيحبها
وحسني بيحبها
وام حسين بتحبها
بس المشكلة مش في مين بيحبها .. اسألي اي واحد في التمانين مليون اضمنلك ان 60 مليون منهم عالاقل يقولوك بنحب البلد مع انهم فقرا
بس النقطة كلها
ازاي نتعامل مع اللي بنحبه ؟
انا مش ناوي أهاجر قطعًا
انا أشنع عقاب يمكن توقيعه علي كان النفي
زمان كان في عقاب اسمه النفي تخيلي ؟
سعد زغلول نفوه سيشل
بيرم التونسيمش فاكر نفوه فين كده
نجيب سرور نفوه روسيا
يعني بعدوه عن البلد
وكان بيبقى اقسى عقاب فعلا !!
لوجالي عقد
من عينيا

كوارث said...

يوسف
ههههههههههههههههههههههههههههههه
ردك ضحكنيجدا جدا يا ريس
انتا واحشني جدًا ..
معلش اعتذارًا عن يوم الأسواني بس انتا عارف بقه
د. أحمد عشانه الكل يتباع في مينت
المهم ان تعليقك دقيقك جدًا !!
وفعلا شكلي هقعد ساكت !

كوارث said...

دكتور محمد
الله يخليك يا ريس حضرتك اللى جميل والله
كلامك جميل جدًا وانا مش عارف والله
ارقص طربًا لانه بيؤيد اللي بقوله
ولا اروح اخبي وشي في اي حتة من الناس عالحسرة اللى احنا فيها
انا قلت اني كاتب يوغوسلافيا كسياسة السم في العسل
يعني مش عاجباكم مصر طب روحوا يوغوسلافيا وشوفوا الانقح
البني آدم اللى هوا اكتر اصحابي صحوبية طلع متحمس جدًا لانه يروح هناك
اقوله يا ابني ده هناك دمار شامل
الشيوعية هتاكلك
يقولي بس هيعاملوني كبني آدم ولا لا ؟
طبعًا التاريخ الشيوعي مش مشرف خالص بس في الفترة الحالية حقوق الانسان مهدرة في مصر جدًا
يمكن في العراق مش كده
الموقف اللى انات قلته رغم انه قصير جدًا بس اثر فيا
وواضح من كلامك عنهم انهم فعلا عاجبينك ومحترمينك
طبعًا ده انجاز كبير جدًا جدًا
والانجاز هيبقى اكبر لو عرفنا انهم من الشعوب اللى عندهم نسبة ايدز عالية
عامةً
الكلام كتير يا دكتور والله
بس في الواقع
فمالناش غيره
ربنا !

كوارث said...

fire bird
ماشي
ذهاب وعودة
نتفسحم ونشوفم التقدم ونيجوم
نتبهدلم ونشوفم التخلف
أؤيدك تمامًا
وأؤيد المذهب الراجح القائل بـ..أنَا من البلد دي
جامد .. ينفع عنوان مقال جاي !!
انا مش مسافر
نورتيني

ريم said...

السلام عليكم ورحمة الله وبركاته
اهلا طارق . ازيك؟
امممم .. هو لازم حد يتسلق قمة افرست يعنى عشان تفرح بالبلد دى ولا ايه يا طارق وتعرف ان لسه فى امل؟؟
بص .. انا مش هاقولك الاحساس بالغربة ولا ان الاهل هنا ولا نظرية الاقصر بلدنا بلد سواح ..
هو بس سؤال ...لما اتسأل انتى منين .. ولا اصلك ايه ... ردى هيكون ايه؟؟
الوطن مش مجرد مكان او مجموعة من البشر بتمثل مجتمع ..الوطن قبل كل ده احساس ..تفاعل ...
ثم المفروض طالما احواله مش عاجبانا .. احنا اللى نغيره بنفسنا .. لانه مافيش حاجة بتيجى بالساهل .. ثم يعنى احنا لو طلعنا بره .. هما هيقدموا لنا كل حاجة كده من غير شغل مثلا .. بالعكس ..احنا بنشتغل فى الغربة اكتر ما بنشتغل فى بلدنا بمراحل .. هتقولى عشان هناك هنلاقى الاحترام .. او المقابل المادى او او او ..
هاقولك انت مهما كنت هناك ومهما عملت هتفضل غريب .. مالكش مكان ومالكش جذر .. ضيف ومن السهل اقتلاعه من المكان ..مجرد عامل .. مش صاحب مكان
بس عموما .. المسألة مسألة وجهات نظر واللى عاوز يسافر ..ماحدش يقدر يمنعه!!

Anonymous said...

yes.. good thread..