Tuesday, July 01, 2008

عندمَا جاءَ أبو جهْل

الجزء الأول من قصة عندمَا جاء أبو جهل وعاملها كده مش فزلكة والله ولا تطويل ولا تشويق ولا كده بس انا كل شويّة بعدل والتعديل بيجيب تعديل , وقبْل البوست

1- المدون علاء عايش ولكن بيأسس مدونّة اسلامية , معرفش انتهى منّها ولا لأ , بس على حد علمي هتكون مدونة متميزة جدًا وكمان للفتاوي وبالمراجع والشيوخ خاصةً انه متفق مع عالم أزهري لمتابعتهَا معَاه , عايز أنشر لينك المدونة بس مضطر أستنى اذنه

2- موضوع التاجَات خلاص مفيش مشاكل , مش هرفض يعني وده تعديل جذري في قرار كوارثي من الدرجة الأولى

3- المنتدى الأدبي الطنطاوي الأول هيتعمل خلال ايام - ده للمتابعين من طنطا والراغبين في الحضور - والناس اللي مستنية المعَاد لسّه مفيش تأكيد بس الزمَان والمكَان هيتكتب في تحديث على البوست ده لو ربنّا سهل ان شاء الله
::: تحديث :::
* رحم الله د . عبد الوهاب المسيري .. كالعادة .. خسر الحمقى - نحن - واحدًا من أكبر علماءهم المتفردين , رحمه الله وأسكنه فسيح جنّاته وأبدلنَا خيرًا منه
* المنتدى الأدبي الطنطاوي الأول سيكون يوم الاثنين .. 7/7/2008 والمكان موجود في تعليق أحمد منتصر بالتعليقات ولمزيد من التفاصيل


عندمَا جاءَ أبو جهْل

طارق عميرة

(1)

نظرَ حازم إلى أجهزته المتطورّة نظرةً أخيرَة وهو يدعو الله أن لا تفشل تجربتهُ كالعادَة , يقول لمساعدهِ الأبله سرور :


- هل كل شيءٍ على ما يرام ؟


- نعم


- أنابيب الغاز ؟


- نعم


- الثلاجة ؟


- نعم


- head & sholders?


- نعم


- إذن ستعمل آلة الزمن هذهِ بالتأكيد هذهِ المرّة !


- من ستجلب لنَا ؟


- لا أعلم أيها الأحمق , ربما هتلر , ربما منغولي من جيش هولاكو , ربما انسان حجري , ربّمَا رجل من روسيا قبل أن تتكون روسيا .. سنرى سويًا !


وشرع يتلو بعض الآيات القرآنية والشهادتين وبسمل قبل أن يضغط زر آلة الزمن


***


أفاقَ الدكتور حازم بعد لحظَات وكالعادَه وجد مساعده الأبله سرور يتأمله في بلاهَة وقد انفجرت اسطوانات الغاز الثلاثة وامتلأت الحجرة بغاز الفريون المتصاعد من الثلاجة وإن كان في المشهد دخيل , كان يقف أمامهُ رجلٌ يرتدي الثياب العربيَة البدوية القديمَة ويبدو مغبّر الوجه وسيم الملامح وان كانت هناك غلظة في ملامحه وقسوةٌ واضحةٌ في عينيه تطلّع إليهمَا للحظات صامتًا في عدم فهم قبل أن يمسك بالدكتور حازم من قفاه ويقول بالفصحى :


- أينَ أنَا ؟..ومن أنت !


في ارتباك قَال له الدكتور حازم وهو يحاول التملص :


- أنتَ في القاهرة وأنَا الدكتور حازم .. أخبرني أيضًا من أنت !


في هدوء غمغم وهو ما يزال ممسكًا بقفا الدكتور حازم حتى شعر الأخير بالاختناق :


- غريبٌ هذَا , ما أعجبَك يا هبَل .. آتي لاقدم لك الصلاة فأجدني في القاهرة في قلب بلاد الفرنجة .. لا بد أن الرومان على الأبواب الآن !


وصمت للحظات ثم قال :


- أنا سيد قريش , عمرو بن هشام !


- آها .. عمرو بن هشام وقريش .. قبل البعثة أم ..


وارتطمت اسنَان الدكتور حازم ببعضهَا , عمرو بن هشام ؟ يا نهار اسود !!, أبو جهْل , ما هذا النحس , عندمَا تعمَل آلة الزمن يكون القادم هو أبو جهْل !! , عرفَ حينهَا أن ليلته ستكُون ليلةً ليلاء , قال وهو يوشك على الاختناق :


- هلا تركتني يا سيد عمرو ؟ لقد أوحشتني الجاذبية الارضية وأرى أنني عكسهَا منذ أتيت !


أفلته أبو جهل لتطا قدماه الأرض أخيرًا وهو يقول :


-تقول ألفاظًا غريبة المكتور وهذه الكاذبية الأرضية ؟ من علمك العربية ؟ والعزّى إنّه لأحمق !


كان سرور يضحك في بلاهة , وهو يشير إلى ابو جهل فالتفتَ عنه الأخير وقد أدرك أنه مجنون وقالَ لحازم وهو يخرج بعض العملات من صرّة اخرجهَا من ثيابه :


- اريد ان ابتاع بعض الطعام بهذهِ الدنانير , هل يمكنني هذا ؟


سالَ لعاب حازم عندمَا رأى الدنانير , هذه آثارُ الآن ويمكنه بيع العملَة الواحدَة بثروة , قال وهو يأخذ الدنانير منه :


- سآتيك بكلّ ما تريده !

وارتدَى ملابسه وهبَط ليبتاع بعضَ الطعَام وعادَ يتأمل أبو جهْل وهو يراقب الطعَام متعجبًا لهيئته ولكنّه في بلاد الفرنجة على أيّة حَال , التهمَ مَا أمَامهُ في سرعَة ونهضَ متجهًا صوبَ الباب فقفز حازم كالملسوع :

- إلى أينَ أنتَ ذاهب؟

- أريد العودةَ إلى مكّة !

ارتبكَ حازم وهو يقُول :

- ليسَ الآن

نظرَ له أبو جهْل نظرةً كاد قلبه يقفز من صدرهِ منهَا و قَال :

- يا لهبَل .. ولماذَا ليسَ الآن ؟

- لأنّ هبَل أرسلك إلينَا لتقضي عددًا من الأيّام ثمّ تعُود فهل ستتدخل في إرادَة هبَل !

تطلّع إليهِ ابو جهْل في شك , من أينَ يعرف هوَ هبَل وأهل مكّة لا يعرفونهُ أصلاً , ثمّ إنّ هنَاك محمدًا ظهرَ في مكّة ولا بد من العودةِ لمواجهتهِ وإلا ستقلّ أرباحهُ من تجارَة الأصنَام ! , قالَ وقد بدَا مغلوبًا على أمره ..

- إذن سأهبط لأتجوّل قليلاً في بلادكم

لم يعرف حازم ماذَا يقُول فهوَ لن يستطيع منعه ولا يجرؤ على إخبَاره بأنّه يرفض النزول , قال وقد بدَا عليه بعض الارتياح :

- حسنًا يا سيّد عمرو , ولكنّني مضطر للهبوطِ معَك

وارتدَى ملابسه مرّة ثانية

وذهبَا

***

كانَا يسيرَان في الطريق , عندمَا وجدَ أبو جهْل أمامهُ فتاة تسير مع أحدُ الشبَاب وكعادَة قاهرة 2008 كانَت بارزة في كلّ شيء ! , فمَا كانَ منهُ إلا أن أسرعَ الخطَا وحازم يحاول اللحاق به حتى أمسكَ بالفتَاة من ذراعهَا , ذهلَت الأخيرَة في البدايَة , قبلَ أن تجاهد بشدّة للتملّص منه وهي تقول :

- دعنِي أيّهَا الحيوان !

في حينَ تأملّهَا أبو جهْل قليلاً وقد بدًا معجبًا بمقاومتهَا وشراستهَا علاوةً على قوامهَا الذي جعلتهُ الثيّاب أفضل كثيرًا مما لو كانَت بدونهَا , قالَ موجهًا كلامهُ للشاب الذي يجاورهَا :

- يا رجل , بكَم تبيعنِي هذهِ الجاريَة ؟

كَال لهُ الرجلُ لكمةً عنيفَة متظاهرًا بالرجُولة بينمَا تعجّب أبو جهْل , ألا يرغبُ في بيعهَا وان أثارته الضربة فأفلت الفتاة ورد اللكمة بنفس القوّة إلى الشاب الذي تلقّاها وحلّق في الفضاء كأنّه سوبرمَان بفعل ردّ الفِعْل

قال لهُ حازم وهو يقف على مسافةٍ قريبَة :

- هذهِ ليسَت جاريَة

قال أبو جهْل وقد فهمَ الموقف :

- آسف , ولكنّي رايت نساء الفرنجَة كثيرًا وكنّ محتشمَات عن هذَا المظهر , صحيحٌ أنهنّ لم يكنّ يرتدين غطاء الرأس هذَا ولكن لم تكن نصف تفاصيل أجسادهنّ ظاهرة كهذهِ , كمَا أنّ الجواري عندنَا هنّ من يرتدينَ هذهِ الملابس التّي لا تقبلُ بهَا حرّة ! , ولكنّني آسف حقًا لم أعرف أن بلاد الفرنجَة من الداخِل بهذَا السوء , وإن كانَ عندكم الكثير من العجائب !

قالها وهو يتطلّع إلى بعض السيّارات التي عبرَت أمامه واللافتات العملاقة على اسطح البنايات , حقًا بلاد الفرنجة جميلَة ولكنّها ليسَت أجمل من الصحرَاء ومكّة وهبَل , كان هذا ما يدور في ذهن أبو جهْل أمَا ما كان يدور في ذهن حازم فكانَ على العكْس تمامًا , يبدو أن أبو جهْل سيسبب الكثير من المتاعب , لو رآه أحد رجال الأمن الآن لاتهمّه بالانضمام الى جماعات اسلامية تحارب الحريّات !!.. ولكن .. ليزيد موقفهُ سوءًا

دوّى فجأة .. أذَان العصْر !

***

الباقي البوست الجاي

48 Comments:

فارس بلا جواد said...

ههههههههههههههههه
قصة جميلة بجد يا طارق .. فكرتها حلوة وطريقة التنفيذ جيدة .. وفيها بعض التعبيرات دمها خفيف جدا
مستني اشوف الحلقة الجاية هيحصل ايه بعد ما سمع اذان العصر .. هتلاقيه هيسمك الدكتور حازم من قفاه ويقوله :
إذن إنك من أتباع الدين الجديد .. واللات والعزي لأضربنك ضرب البعير
ههههههههههههههههه
بالتوفيق ومستني الجديد

enjy said...

يا جاااااااااااااااااامد ايه الحلاوة دى بس فى نقطة رفيعة هو ليه ماباعلهوش الجارية؟؟؟؟؟؟؟؟؟
تفتكر لو واحد ماشى مع واحدة هيتورع لحظة عن انه يبيعها ويقبض؟

princess said...

هاى طارق
ناتى من كل رجل قبيلللللة ههههههه
وليه هيد&شولدرز ده سباركل جامدهههههه
تحياتى

mohra said...

جميله و دمها خفيف
بس ماكانش فى قاهره ايام ابو جهل :)

habiba said...

يخرب بيت عسلك
عثل عثل عثل.....يانهار ابيض
انا كنت دايما مش بحب اقول كوارث عليك
بس انهارده انا حاسه انك ماتغعش غير كارثة ..انت عارف والله انت لو شفتنى وانا بقرا الحكاية كنت هتلاقينى شبه سرور بالظبط هههههههههه
بس عاجبانى بصراحة الرسايل اللى انت عاوز توصلها بين ثنايا كلامك ..ايه رأيك فى ثنايا دى؟؟ بذمتك مش حلوة؟
سكر خالص ياكارثة
استمر وبالله عليك ماتتاخرش عننا

!!! عارفة ... مش عارف ليه said...

جميل اوووي البوست
وفكرته كويسة
وبصارحه مشوق
فمتستغلش الحكاية دي
وتطول في الغيبة

تحياتي

سنووايت said...

ههههههههههههههه
صعبان علية جدا ابو جهل
من اللي هيشوفه

بداية جميلة جدا طارق ودمها خفيف
في انتظار التكملة

همس said...

هههههههههههههههههههه

وطلع صرة من الدنانير

بجد قصه حلو اوى ودمها خفيف جدا

ومستنيه الباقى

اما بخصوصو الصالون الثقافى

انت قلى على

الميعاد قبلها بكام يوم

والمكان وربنا يسهل واقدر اجى


وربنا يوفئك الجميع

احلام اليقظة said...

جميلة يا كوارث
هو ليةhead&shoulders
علشان تزحلقوا الة الزمن ولا اية ؟؟
هههههههه
طرقة السرد ممتعة وبسيطة
ودة احلى شىء فى كتابتك
دومت بخير

أحمد منتصر said...

جلسة أدبية دورية بحزب الجبهة
يعلن حزب الجبهة عن عمل جلسة أدبية لعرض الأعمال الشخصية ومناقشة آخر المستجدات الثقافية بمقر حزب الجبهة بطنطا. عمارة الأوقاف الدور الثالث شارع المدارس بجوار المحطة بداية من الأسبوع المقبل.
تحديث بالميعاد:
الجلسة إن شاء يا شباب يوم الاثنين 7-7-2008
من الساعة السادسة إلا ربع حتى السابعة مساء
اسألوا عن منتصر أو طارق عميرة.
والدعوة مفتوحة للجميع.

أحمد منتصر said...

ههههههههههههههه حلوة أوي يا معلمي الفصل الأول إنت خطير يا بني والله ابقى اقراه علينا ف الجلسة الأدبية

:)

فى حب الله said...

واضح ان خيالك واسع جداً جداً بس بجد قصه جميله ارجو ان توالينا بسرعه بالجزء الثاني فأنا انتظر بلهفه معرفه ماذا فعل ابو جهل عندما سمع بالأذان بس قولي هو كان جاى معاه سيف ولا معهوش

كوارث said...

فارس بلا جواد
حبيب هيرتي
منور يا باشا والله بس انتا صاحب بيت بقه
بالنسبة للاطراءات فساتوارى خجلا كالعادة
وبالنسبة للحلقة الجاية
هههههههههههههههههههههههه تصورك شنيع وجامد
بس مش للدرجة ده
الله يوفقني ويوفقك
وان شاء الله يعجبك الجاي

كوارث said...

enjy
مسالفل يات دكتورة
الله يخلييك انتي اجمد واحلى
واجابتي الرفيعة على السؤال الرفيع
لو بجد هيبيع
الا من رحم ربي..

تايه في وسط البلد said...

ابو طارق
ايه يا عم الجمال ده
هو صحيح التيمة يمكن تكون مش جديدة لكن المعالجة دايما هي الفرق
هو بس شوية تظبيط وكده وتبقي تمام

زي مثلا ان القاهرة لم تكن موجودة باسمها الا بعد دخول الفاطميين مصر

او ان الاختراع مثل الة الزمن لا ينتقي شخصا مشهورا في التاريخ من وسط اهله ويأتي به انما هو ان وجد وسيلة تنقل من يتحكم به في الزمن للمستقبل فقط لان الماضي حدث وانتهي

في العموم انا استمتعت جدا بالقصة وهي علي فكرة داخلة علي سكة سيناريو افلام

تحياتي يا موهوب

كوارث said...

سمو الأميرة
نورتي
معلش بقه هوا الشامبو المتاح عندهم
سباركل كان هيبوظ التجربة
نورتي تاني

كوارث said...

mohra
الله يخليكي
دمك اخف
الحمد لله انها عجبتك
بالنسبة للقاهرة
امال هوا اعتبر نفسه ليه في بلاد الفرنجة ولا مخدتيش بالك من تعليقه ؟
ان شاء الله الجاي يعجبك

كوارث said...

habiba
ايه ده كل
ده غزل ده بقه ولا ايه ؟
انا طبعًا كارثة
وكارثة قديرة كمان
والحمد لله ان البوست نجح في انه يضحكك
ده اهم حاجه
والحمد لله ان الرسايل وصلتك
دنتي قادرة بقه
وجامده كلمة ثنايا بس هيا من الانثناء ولا جمع ثنية ولا ثواني ولا ثاني ؟
وان شاء الله مفيش تأخير
قاااااااادم

كوارث said...

عارفة .. مش عارف ليه
اله يكرمك يا باشا
بوستاتك برضه اجمل
وانا استغلالي درجة اولى بس اوعدك
مش هستغل موضوع التشويق في التأخير
بس احتمال تتعمل رواية !
شاكر لزيارتك
نورتني
وبقيت صاحب المدونة يا بوب

كوارث said...

سنو وايت
ما يصهبش عليكي غالي
ب شوفي ابو جهل المودرن في الايام الجاية !
نورتي يا قمر
وسعيد برايك جدًا
وان شاء الله يعجبك الجاي

كوارث said...

همس
الحمد لله ان القصة عجبتك
والصرة من الدنانير والدراهم كمان
وان شاء الله يعجبك الجاي
بالنسبة للصالون الثقافي فهيكون الساعه 6 في المكان المكور في رد احمد منتصر
بالانتظار

rovy said...

السلام عليكم

قصه جميله فعلا و فكرتها هايله .. احيك و انتظر بقية القصه خصوصا بعد ان سمع ابو لهب صوت الاذان ..
بجد شوقتنا للبقيه ..
دمت بخير وسلام
تقديرى و تحياتى

rovy

ro7 said...

جمييييييييييل
وفي النتظار التكملة
تحياتي

روح شرقيه said...

ههههههههههههههههههههههههههههههه
يا الله
كتيييير مجرمه
يسلم لسانك عن جد كتير مجرمه
الله يستر من اللى هيشوفه ابو جهل
عجبتنى مووت وصف ابو جهل للجواراى اللى بقوا مالييين شوارع القاهره
كتير حلوه
مستنيه الباقى ما تتاخر عندى فضول كتير اعرف باقى
يسلم قلبك

Anonymous said...

تحفة !!
حلو اوي الفكاهه من عندك !!
نفسي اعرف اكتب نص كلمة زي كدا !!
كلام يضحك !!
عقدة بأة يا خويا بيني وبينك !!
جميلة جدا !!
عجبتني خالص !
الخيال جميل !
ولو ان ممكن الفكرة ممكن تكون مطروقة قبل كدا ،،
لكن حلوة !
يعني حسيت انها لو طبقناها بدون هبل المخرجين في الافلام ،،
والكتاب المعدومين التاريخ ،،
تحفة !!
روعة انك دققت في التفاصيل ،،
ودا اجمل ما فيها ،،
ان التفاصيل متناسقة مع بعضها ،،
ومفيش حاجة في الحوار ممكن نقول عنها مستحيلة الحدوث ،،
لو على لسان الدكتور او ابو جهل ،،
وتعليق ابو جهل على لفظ الدكتور مناسب جدا ،،
وعدم معرفته بالقاهرة شئ طبيعي ،،
تفاصيل رائعة فعلا ،،
واهتمامك بها جعل القصة في منتهى الحبكة الادبية ،،

تحياتي لك ،،
عقبالي لما ربنا يفك نكدي ،،
JaN DarK

JaN DarK said...

بعد انشاء المدونة الجديدة قلت ارد رد جديد عشان يفرق الاسم بالنسبة لك ،،
مستنية الجزء الجديد يا طارق يا ريت بسرعة ،،

أمل فتحى عزت said...

حملة لرد الاعتبار
........................
حيوا معى العين الساهرة للحفاظ على المقدسات وعودة الحق لأصحابه عندما أعاد الدكتور/أسامة السعداوى صياغة التاريخ المصرى القديم لقد نصر العالم الجليل تراث الاجداد وقدمه للآحفاد لينهلوا العلم من أوسع أبوابه تعالوا يا أبناء مصر

نطرق باب النابغةالدكتور /أسامة السعداوى لنعرف منه الحقيقة
قودوا معى حملة الشرف والكرامة فى رفع الظلم عن أجدادكم وانتم أصحاب كلمة فلتكن فى موضعها فلا استقامة للمستقبل الا بتصحيح مسار تاريخنا واحياء علومنا وحضارتنا
ادخلوا الموقع الخاص بالعالم من على صفحة مدونتى الرئيسية
ولكم منى جزيل الشكر

حبيبـــــــة القمـــــر said...

جميله بجد واسلوبها مشوق جدااا

قال أبو جهْل وقد فهمَ الموقف :
- آسف , ولكنّي رايت نساء الفرنجَة كثيرًا وكنّ محتشمَات عن هذَا المظهر , صحيحٌ أنهنّ لم يكنّ يرتدين غطاء الرأس هذَا ولكن لم تكن نصف تفاصيل أجسادهنّ ظاهرة كهذهِ , كمَا أنّ الجواري عندنَا هنّ من يرتدينَ هذهِ الملابس التّي لا تقبلُ بهَا حرّة ! ,

عجبني الجزء دا جداااا
ان الحره في زمن الجاهليه كانت لاتقبل ارتداء الزي دا لأنه بيقلل من شأنها

احنا بقى دلوقتي في زمن كله جواري

مستنيين الباقي
بلاش تغيب علينا بقى

Blue Nile said...

تحفة بجد البوست ده
الكلام دمه خفيف
الفكرة جامدة جدا
مستنين الباقي

Anonymous said...

المنتدى مش شغال ليه ؟

كوارث said...

معرفش والله مش شغال ليه بس انا مبدخلوش الا لضرورة
حصل مشاكل بيني وبين صاحبه وغالبًا عشان نفضل اصحاب مش هدخله تاني !

كوارث said...

احلام اليقظة
الله يكرمك
لا مش للزحلقة قد ما هوا لتشغيل الآلة
ده كلام علماء بقه مالناش دعوه بيه
الحمد لله ان البوست عجبك وباذن الله يعجبك الجاي

كوارث said...

احمد منتصر
ما علينا من التعليق الاول
اموةت وافهم عجبتك ازاي؟
مش انتا علماني وبتطالب بالحرية الجنسية ؟
تقدر تقول اني عكسك
بطالب بالكبت الجنسي !!
عجبتك ازاااااااااااااااي

كوارث said...

في حب الله
البوست التاني منها هيبقى بكرة ان شاء الله
والهل يكرمك
اخجلني كلامك فعلا
وبالنسبة لكان جاي معاه سيف ولا لا
فوالله ما فكرتش اعملها ايه في الاحداث .. الفكرة متساوية يعني بس انا مش ناوي اخليه يقتل
القصة في مجملها لاثبات ان اعتى كفار قريش بخبر مسلمين اليوم !

كوارث said...

تايه في وسط البلد
ي مرحب يا مرحب
ازيك يا صاحبي وعامل ايه ؟
بالنمسبة للبوست فشاكر لكلامك الجميل وان شاء الله الجاي يكون افضل ويعجبك
وموضوع انتقاء الشخصية فده انا نفسيته في رده على سرور في الاول
هوا الجهاز جاب ابو جهل
تحب نشغله تاني عشان ابو لهب ؟

كوارث said...

rovy
هوا ابو جهل مش ابو لهب
وللعم فرق شنيع بين الاتنين
ابو جهل عنده اخلاق العرب لكن ابو لهب لا
بس الاتنين كفرة
وان شاء الله يعجبك الجاي

كوارث said...

ro7
انتي اجمل
التكلمة غدًا ان شاء الله
نورتي

كوارث said...

روح شرقية
الحمد لله انها ضحكتك اولاً
وشاكر لكلامك الجميل والاجرام الذي نلت وسام الشرف عنه بكلماتك
وان شاء الله هيعجبك الجاي
الجزء الثاني غدًا

كوارث said...

جان دارك
مبروك المدونة الجديدة اولا
اخيرًا عملتي مدونة يا هالة !
اكيد سميتيها مدونة تشيكوف ؟
اخلص التعليقات ونشوفها
***
طبعًا كلامك كله مدح في شخصي المتواضع
مش عارف ارد على ايه بالظبط
ب احيانًا قمة الكآبة بتوصلنا لقمة السخرية !
ده اللي بيميزنا كشعب
جربي ..

كوارث said...

أمل فتحي عزت
حاضر
كله الا اجداد !

كوارث said...

حبيبة القمر
الحمد لله ان البوست عجبك وان شاء الله يعجبك الجزء التاني
احنا فعلا في زمن اقل من الجواري !
على الاقل زمان كانت جارية شخص واحد !
لنا الله

كوارث said...

blue nile
الحمد لله ان البوست عجبك وان شاء الله بعجبك الجاي
نورت
وشكرًا

كوارث said...

آنو نيموس
على فكرة المنتدى شغال !
زودي بس
.net/vb

Gannah said...

اخى طارق
عجبتنى جدا وفكرة استدعاء الشخصية جديدة وكلام ابو جهل طلقات رصاص لمحجبات الموضه لو فهموها جيدا
اخيتار موفق للشخصية وفى انتظار الباقى متتأخرش
تحياتى

بنوتة من وسط البلد said...

انا متاكده ان على الحلقة الجاية هنتمنى لو كان كل اشباه الرجالة الى عندنا اليومين دول لو ربع ابو جهل فى النخوة والرجولة .. مش علشان ابو جهل كشخص .. وعداءه للرسول عليه الصلاة والسلام لن يقربه من قلوبنا لحظة .. بس انا بتكلم عليه كعربي

امجاد يا عرب امجاد
طلع كلام اغانى


فيا ترى لو ابو جهل سمع بوس الواوا لهيفاء و وهبي .. هيعمل فى الدكتور حازم ايه :)

تحياتى

كوارث said...

أختي
gannah
الله يكرمك
اعتز بكلماتك جدًا
وان شاء الله مش هغيب
شاكرلزيارتك جدًا

كوارث said...

بنوتة من وسط البلد
هههههههههههههه
تصورك مظبوط
غالبًا ما انصفتيش بوصفهم ارباع رجالة دول تقريبا اشباه زي ما قولتي بالظبط
لا طبعًا
ابو جهل يشوف هيفاء !
انتي عايزاه يعمل غزوة على بلاد الشام ولا ايه !

واحد وخلاص said...

ههههههههههههههههههه
تحفة يبني والله