Saturday, July 19, 2008

سطور قليلة.. وبعض الصور




بعتذر لانقلاب مخططي بالنسبة للمدونة رأسًا على عقب وأعتقد أن غيابي سيطول لأن فيه احتمال كبير جدًا أكون في الغردقة بكرة ولعدد لا بأس به من الأيام , هذا حظكم معي هذا الصيف فتحملوا , أسباب الغياب السابق نظرًا لحدث شديد الأهمية




الموضوع بدأ برحلة لاسكندرية في آخر الشهر اللى فات


وبعد العودة كان شوية مشاغل والاعداد للجلسة الادبية الطنطاوية الاولى وبتاع والصياعة عبر الانترنت


ثم


زارني امبارح وهو اليوم المنشود المدون علاء .. عايش ولكن , وحضر الوليمة وتغدى معي وكان معاه واسطه بقه فكل حتى امتلأت بطنه وكان معاه أحمد ابن خالته , ده اللى زارني من المدونين ,طب الوليمة كانت ليه ؟


كان لا بد من اتخاذ موقف حاسم عشان فرح الدكتور محمد .. أخويا الكبير مدرس بجامعة الأزهر بقه وبتاع , فكانت الصورة ده !


وبعد ها كان لازم اتصور مع اخويا التاني اللى اكبر مني بسنه بقه , عبدالله طالب طب, عشان ما يزعلش


ثم وللنرجسية الشديدة في أعماقي قلت لازم اتصور صورة لوحدي !






27 Comments:

حبيبـــــــة القمـــــر said...

شفت بقى
عشان نرجس دي
الصورة طلعت ابيض واسود
ربنا مبيسيبش
ال نرجسيه ال
احسسسسسسسسسسسسسسسسسن بقى

فارس بلا جواد said...

طرووووووق
أزيك يا باشا .. تصدق شكلك في الصور بيقول انك طيب .. امال بس عاملي وغد وبتاع
ومبروك يا عم لأخوك وعقبالك ان شاء الله
ومتشكر علي زيارتك الكريمة .. انت بردة راجل مبدع ورأيك يهمني
ومستني الجديد ان شاء الله بس أوعي يكون البوست الجاي صور الفرح
تحياتي

عايش ولكن said...

بقا كده يا طرووق
تشهر بيا ع الملأ كده
بس على فكره يا جماعه الاكل بتاعهم جامد ههههههههه
خلاص يا طارق المدوونين كلهم معزومين عندكوا الاسبوع الجاى
ههههههه تدبيسه هههه

enjy said...

والله يا ابنى انت بتتحول مافيش صورة شبه اللى قبلها ليه كدة دة صعب اوى كدة لو تهت مش هيعرفوا يلاقوك......مبروك لاخوك وعقبالك وسيبنى بقى احقد شوية على موضوع الغردقة دة

نهر الحب said...

انت بتدون بالصور الخاصة ولا اية ؟
عموما فرح سعيد لاستاذك
ورحلة موفقة للغردقة
هات لنا سمك من هناك وانت جاى

كوارث said...

حبيبة القمر
ازيك يا قمر
وانا اكيد عامل الصورة الابيض واسود عشان نرجس !
انا بحبها عن الألوان على فكرة !!
شفتي بقه ؟
ده من صميم النرجسية
نورتي
وبطلوا حقد بقى

كوارث said...

فارس بلا جواد
صبح تاتا اتنين في تلاته
انا بخير الحمد لله اهم حاجه ازيك انتا ؟
لا انا مش طيب بس انتا فاهم ده مظهر وغدني !
والله يبارك فيك يا ريس وعقبى لك وعقبى لجميع من لم يتجوزوا بعد
ما عدا انا
ومتشكر على زيارتي الكريمة ؟
احنا فينا من كدا يا عم ؟
ماشي
وان شاء الله البوست الجاي مالوش علاقة بالافراح
نورتني يا صاحبي

كوارث said...

عايش ولكن
مساء الفل يا علاء
أشهر بيك
عيب برضك يا عم دنا بس بقول انك جيت وبتاع :P
بفضحك مش بشهر بيك
طبعًا الاكل لازم يكون جامد
ده الامم المتحدة كلت عندنا
وبالنسبة لموضوع المدونين فانا موافق
عنواني ف ميت غمر يا جماعة !

كوارث said...

enjy
اهلين دكتورة
ده استنتاج خطير
ايام ما كنت شغال مع السافاك علموني ازاي اتنكر بس الكي جي بي علموني ازاي اتحول صرصار وقت ما اعوز .. السي آي ايه بقه الاولى بلا منازع .. علمتني ازاى اختفي .. لكن انا مصري وابويا مصري .. ورحمة جدي مصري .. وكل مصري الله عليييييييييييييه
الله يبارك فيكي يا قمر وعقبى لك انتي ان شاء الله
وقلنا بطلوا حقد !
الغردقة اتأجلت للاسف :(
هع
بقى ليا اهمية شوية في البيت وبتاع
نورتي

كوارث said...

نهر الحب
والله انا بدون بكل حاجه
كما قال الشاعر
قل ما تريد لمن تريد كما تريد متى تريد
ده اللى انا بعمله بس
ممكن تتفهم تدوين وممكن شجاعة وممكن حماقة وممكن .. وده الأهم .. قلة ادب
والله يكرمك عقبى لك
الفرح مكانش لاستاذي للدقة اللغوية هوا لاخويا الكبير
وربنا يوفق الجميع
والسمك هيتأخر شوية بقه !

Dark Star said...

مبروك لأخوك يا طارق
و عقبالك انت كمان
ضحى

Dark Star said...

مبروك لأخوك يا طارق
و عقبالك انت كمان
ضحى

حسن حنفى said...

والله مدونه جميله
انا حاططها في المفضله

شفقة هانم واحسان بك said...

حلوة اوى الصور ....وترجع بالسلامة من الغردقة
شفقة

جنّي said...

إخواني أخواتي الأعزاء

السلام عليكم ورحمة الله وبركاته

استودعكم الله الذي لا تضيع ودائعه

إجازة من التدوين ...

ولكني سأكون على تواصل معكم بزيارة مدوناتكم ...

أرجو أن تسامحوني على تقصيري في حقكم ...

وتفضلوا بقراءة البوست الأخير ...

إلى اللقاء والسلام عليكم ورحمة الله وبركاته

أخوكم

said

Ghada & Rofayda said...

رحلة سعيده للغردقه
والف الف مبرووووووك لاخوك
وعقباااااالك ان شاااااء الله

تحياااااااتي

دمــــت بخـــــير

Gannah said...

طارق
الف مبروك وعقبال منشوف صور فرحك
على فكرة انا قريت القصة فى البوست السابق... خليك شجاع وحطها فى سر الكلام
عجبتنى جدااااا بس النهاية يعنى مش عجبتنى قوى عاملة زى روميو وجوليت والظاهر ان البطلة ماتت بجرعة زائدة من الحب
على فكرة
كلام د.فارس صح ...شكلك طيب اوى
:)
تحياتى

كوارث said...

dark star
الله يبارك فيكي وعقبى لك انتي
نورتي ومبروك المدونة

كوارث said...

حسن حنفي
الله يكرمك انتا اجمل
ده شرف طبعًا !

كوارث said...

شفقة هانم
منورة والله
ايه الهنا ده
الله يكرمك
وبالنسبة للغردقة
آمين

كوارث said...

جني
شفت البوست الأخير
ما شاء الله يعني
ان شاء الله هتشوف تعليقي عندك

كوارث said...

غادة ورفيدة
عقبى لكم انتم ان شاء الله
والله يبارك فيكم
ودومتم ببببببخييييييير

كوارث said...

أختي جنه
اهلا وسهلا منورة مدونتك
الله يبارك فيكي
وصور فرحي
هممم
ربنا يستر !
بعد تسع سبع خمس تلات سنين
عقبى لك انتي ان شاء الله
القصة في البوست السابق؟
اتفضلي اكتبيلها نقد وهحطها في سر الكلام
الحمد لله انها عجبتك .. ارتحت والله
وبالنسبة للنهاية
فده طبيعي يعني هيا مش عاجبة الكاتب نفسه !
وبالنسبة لكلام د. فارس
فالمشكلة اننا شعب بيمشي ورا الاشاعات :p
نورتي

GiGi said...

الف مبروك على الاحداث الجميله دي ربنا يعزك ويسعد ايامك

كوارث said...

gigi
الله يبارك فيكي
وربنا يسعد ايامك

mero-moory said...

السلام عليكم ورحمة الله وبركاته

بجد ما شاء الله شكلك طيوب خالث
عقبالك انت كمان يا طارق
وربنا يسعدك وقول لاخوك مبارك الزواج وربنا يرزقهم بالذرية الصالحة يارب

في رعاية الله

كوارث said...

مريم
منورة المدونة
لا طيوب ولا حاجه
وعقبال كل اللى ما اتجوزوش في وطننا العربي الحبيب
وربنا يسعدك انتي كمان
الله يبارك فيكي هقوله حاضر ..
نورتي ..