Saturday, June 28, 2008

أسراري !

موضوع اليوم غريب مريب , هو تاج مررته لي العزيزة جنَى صاحبة مدونة جنَى الجنتين دان , ونظرًا لاني امقت التاجات بمختلف انواعها والوانها فهذا هو التاج الأوَل والأخير الذي سأجيبه مع الاعتذار لأي تاجٍ آخر قد جاء في الطريق أو سيأتي خاصةً أن التاجات مفيدة لأمن الدولة إلى أقصى حد
قبل السؤال أريد القول بأن العمل الثاني على مدونة النقد تم نشره وهو أيضًا قصة للعزيزة جنَى
والموضوع القادم سيكون قصّة ساخرَة بعنوَان
عندمَا جاءَ أبو جهْل !

نأتي للسؤال : اذكر اثنى عشرة شيئًا عن نفسك منهَا ستةٌ لا يعرفهَا غيرك !

صعب جدًا

نبدأ بالأسرار الستّة

1- أنَا وغد لابعد حد ممكن , من النوع الذي يجذب أذن الطفل فإذا ما نظرَ الاخير وجدنِي ابتسم في براءة وأسأله : في حاجه يا حبيبي ؟

2 - أنَا أكبر مدّعي للأدب عرفتهُ في حياتي , نصاب بالعامي وأديب بالفصحى !! .. في الحقيقة لست موهوبًا ولن أكون ولكن كل كتاباتي التي تعجب القراء هي من باب النصب الذي يخضع له القاريء , سيقول الجميع بالطبع لا نحن لا نشعر بذلك , ساقول لك النصاب الذي يُشعر الآخرين بحيله لا يستحق لقبَه !

3- لم أحضر امتحانات سنة أولى زراعة في 2006 .. هذا سر سيصدم ال كثير !!

4 -هذا سر سيصدم الباقي .. شكلي كمان مش ناوي اعدي على خير السنه ده .. دعواتكم يا جماعة النتيجة العد التنازلي بتاعها بدأ !- مع الاعتذرا لابو يحي وآدم على استخدام العامية -

5 - انَا الذي أكلت قطعة الحلوى التي كانت من نصيب أحد اخوتي منذ أعوام وهو لا يعرف من مرتكب الجريمة حتّى الآن !

6 - السر الأخير .. أكتب كثيرًا ولكن 75% من كتاباتي لم ترى النور بعد ولن تراه !
والأشياء الستّة عن نفسي

1 - أنَا وغد كما يعرف الجميع !- لم يعد هذا سرًا كما أرى !

2- آكل وجبة واحدة في اليوم وأحيانًا لا آكل على الاطلاق ليس عن فقر ولا فاقة ولا مرض ولكن " النفساويات بقى ! "

3- مصر هيّا أمي نيلهَا هوا دمي الذي احترق عن بكرة ابيه - حقيقة علمية ! -

4- ولدت بالسعودية ونشأت هنَاك !

5- من رابع المستحيلات بالنسبة لي النوم قبل الثالثة فجرًا ! والاستيقاظ بعد الثامنة صباحًا في حال النوم ! وغالبًا تكون الضحيّة صلاة الفجر !

6- مستحيل أن يخرج شخص قبلي من لجنة الامتحان !
كانَ هذا هو التاج الأول والأخير وليتفضلّه من شاء من الزوار

42 Comments:

دواير said...

وبم أنه من الواضح اهتمامك بالفصحى فسأتحدث بها....
بداية أختلف معك يا سيدي في كرهك لفكرة التاج..ولكن أعجبتني كثيرا ردودك..
أولا عن وغد.لم أفهم لماذا تصر على وصف ذاتك بهذه الصفة...
أما عن ادعاء الأدب فلن أحكم لأني لم أقرأ لك حتى الآن ولكني بالطبع سافعل...أما عن الامتحانات فوفقك الله هذا العام ...
...................وشكرا..

paranoia,magnetic & dramatic girl said...

هلا طارق
....
:))
احييك علي صراحتك..بس علي فكرة اكيد صراحتك مش كاملة انت بتعطي ما يمكن اعطاءه..
احم تسمحلي اشاركك في الوغدنة
واقلك اني برضه محضرتش امتحان في سنة تالتة من كلية تجارة ومقلتش لمخلوق الا بعد النتيجة لما ظهرت
وتسمحلي اقلك اني انا الي كسرت زجاج الباب واختي اتهمت فيها واحنا صغيرين ولسه محدش يعرف ان انا الي كسرته:)
مثلك لا اكل الا وجبة يوميا واحيانا بالثلاثة ايام لا اكل شيئا علي الاطلاق..
وده يرجع لاسباب نفسية لما بضايق بكره الاكل واسباب شخصية لاني مش عاوزة ازيد وعاوزة افضل متوسطة اميل للرفع
....
زيك برضه بكتب كتير وبحتفظ بمعظم ما اكتب لنفسي
........
انت تقريبا ياطارق مقلتش حاجة حلوة عن نفسك ولو جيت اترجم ده
هلاقي انك بتحب تشوه نفسك قدام الناس ....لكن في نفس الوقت بتحب تدي نفسك حقها وتتكلم عن مزاياك باستفاضة
الحقيقة انا قيستك عليا
ممكن يكون كلامي غلط بس لقيت تشابه كتير فحسبتك تشبهني
.....
اكرمك الله برضاه
.....
دودو

فارس بلا جواد said...

أزيك يا طارق
بصراحة موضوع أنك موهوب أو لا .. أنا أتأكدت فعلا أنك موهوب بعد ما قرأت التاج .. أسلوب ساخر من الطراز الرفيع .. والظاهر أن الدكتور أحمد خالد توفيق مأثر عليك جدا .. أنا كمان باعشق اسلوبه .. وباحب أي كتابات تنمتي لمدرسته .. وياريت فعلا تكتر من الكتابات دي
وفي انتظار عملك الجديد

عايش ولكن said...

ايه الصراحه المبالغ فيها دى
هههههههه
بس بجد يا طرووق
عجبنى ردك

تحياتى يا وغد
اوعى تزعل انت اللى قولت كده على نفسك
ههههههههه


علاء

ياسر خاطر said...

ايوة كدة ياعم الحاج
هو دة طارق اللي اعرفه
انا بقالى كام يوم بدور على جمعية الوغدنة العالمية الكبرى
واخد بالك انت هه؟

مممممممممممم

بس موضوع الموهبة دة هانبقى نتكلم فيه بعدين
على انفراد

نياهاهاهاها

princess dodo said...

ردودك جميلة اوووى
وانت جميل
برغم انك حاولت تشوه صورتك
على فكره فى حاجات كتير
بنعملها زيك كده
بس بصراحه معنديش جرأه
اقولها كده على الملأ
:))))


تحياتى ليك وسلامي

Blue Nile said...

وغد مرة واحدة
بس اسلوبك جميل جدا

dodda said...

ههههه
جميل ان تشعر انك نصاب..مع ان طوب الارض نصب عليك!!!

مش انت مصرى؟؟
تاج لذيذ جدا واى تاج يجيلك تلبسه لا تضطرنى لاستعمال العنف..

ربنا يوفقك
وكل عشان تكبر:)

كوارث said...

دواير
مراحب
ايه النور ده ؟
موضوع التاج انا بكرهه عشان مبيبقاش عادل .. في رايي التاج المقبول يبقى السؤال وضده .. يعني بتحب ايه ؟ يبقى بتكره ايه !
اما عن وغد فصدقيني خمستلاف شخص قبلك حاولوا يقنعوني بالعكس وفي النهاية بيعترفولي بالوغدنة التامة
انا بقول آهوه
وبانتظار قراءاتك وحكمك
وربنا يوفق الجميع شاكر لدعوتك
وزيارتك
نورتي

كوارث said...

pmdg
او دعاء
الاخت الروحية
منورة
انا طبعًا حاولت اكون مختصر بس صراحتي كاملة جدًا !!
واضح ان احنا متفقين في نقاط كتيرة جدًا
بس طبعًا النفوس بتختلف
وانا مصر ان انا عملت ده بمنطق الوغد لكن انتي اكيد كان عندك ظروف
وانا اطول اشبهك ؟
ده ايه الهنا ده
ربنا يكرم الجميع د
نورتي

كوارث said...

فارس بلا جواد
نورت يا صاحبي انتا من اصحاب المدونة بقه
بالنسبة لموهوب فمش عارف
لكن موضوع د. احمد خالد فمنكرش ان له اسلوب جامد جدا في السخرية المختصرة وفي الصميم .. هطلع انا باسلوب احسن منه ازاي ده ؟
ده غير انه استاذي وعمي وعم عيالي والاب الروحي
كفاية كده عشان دخلنا عالمافيا
ان شاء الله يعجبك الساخر الجاي

كوارث said...

عايش ولكن
عم علاء
منور يا باشا
الحمد لله ان ردي عجبك بس على فكرة ردودي حقيقي
يعني المفروض تخاف
احم
نورت والله
وولا يهمك
وغد ومذهب كل وغد مذهبي

كوارث said...

ياسر خاطر
مش مصدق عونيا
الياسر ابن المجدي وصل لمدونتي
واحشني جدًا يا ابني ان كنت هوا وان كنت اعتقد انك هوا
هممم لو كده يبقى انتا من الناس اللي فاكرة انطلاق اتحاد الاوغاد العالمي
نعم هو انا يا رفيق
طارق بسحمه ولحمه وكوارثه
مستني الانفراد
شباك محطة مترو محمد نجيب واحده الضهر وتمم عالبضاعه
نورت يا ابو اليسر

كوارث said...

الاميرة دودو
الله يكرمك
انا كده هبدأ اقتنع اني مش وغد !
واضح ان الناس مش مصدقة او انهم شايفيني وغد اي كلام
انا وغد كما يجب على الوغد ان يكون
نورتي
ومتحرمنياش من زاياراتك

كوارث said...

blue nile
لا والله كانت على مراحل
بس خدت الدكتوراه في الآخر
الله يكرمك
نورتي

كوارث said...

doodda
ايه النور ده
مش موضوع تاج والله ومفيش داعي للعنف
بس يبقوا القراء يختاروا بقه يقروا تاج ولا قصة ولا قصيدة !
خليها على الله
وبالنمسبة لموضوع انا مصري
فبشدة !

احلام اليقظة said...

كوارث
مبروك التاج
نصاب ووغد لية كدة بس

كل كتاباتي التي تعجب القراء هي من باب النصب الذي يخضع له القاريء , سيقول الجميع بالطبع لا نحن لا نشعر بذلك , ساقول لك النصاب الذي يُشعر الآخرين بحيله لا يستحق لقبَه

عاجبنى اوى تحليلك للنصاب
بس خلينا نسمية الصادق فى مشاعرة
لان النصاب مهما وصل هايجى يوم ويتكشف
ودام قلمك ودومت مبعا

habiba said...

اهلا بالكوارث
ازيك انا اول مرة اجى اعلق على موضوع ليك يطلع تاج!!! يانهار ابيض
بس انا عرفت انت ليه مش بتحب التاجات ومش هتجاوب حاجة تانى علشان انت كنت صادق زيادة عن اللزوم ثانيا عندك صفات فزيعة خالص يعنى اكتر كلمة شدتنى(أنَا وغد لابعد حد ممكن , من النوع الذي يجذب أذن الطفل فإذا ما نظرَ الاخيروجدنِي ابتسم في براءة وأسأله : في حاجه يا حبيبي ؟(
تحياتى

GiGi said...

انت انسان صادق

على الزيبق said...

الدعوة لحظر الحزب الوطنى

لماذا لا نقوم بعمل حملة قومية من أجل حظر وحل ما يسمى بالحزب الوطنى
ولماذا لا نقوم برفع دعوى قضائية امام المحاكم المختصة
نتهم فيها الحزب الوطنى بأنه حزب يهدد الدستور ويعطل الدستور
وبأنه حزب يزور ارادة الشعب ويستغل ما لديه من سلطات ونفوذ من أجل البقاء فى الحكم لأجل غير مسمى


قد يقول قائل من الصعب أو من المستحيل أن يحدث هذا الأمر ومن المستحيل أن ننجح فى حظر الحزب الوطنى
وانا غرضى ليس حظر الحزب كأجراء قانونى .. وإن كان هذا ممكن .. ولكن غرضى هو مهاجمة هذا الحزب الفاسد الفاشى الفاشل المزور
مهاجمته قضائياً وشعبياً وإعلامياً
فلنتخيل سوياً هذا الخبر على صدر صفحات الجرائد وفى مقدمة النشرات الأخبارية
قوى حزبية وشعبية واعضاء معارضين بمجلس الشعب المصرى
يطالبون بحظر الحزب الوطنى الحاكم ومحاكمة اعضائه

ان مثل هذا الخبر كفيل بزلزلة عروش وقصور
هذا الخبر فقط يستطيع أن يفكك أوصال السادة اعضاء هذا الحزب وقياداته

اتمنى أن نناقش هذه الفكرة وأن نبحث فى سبل تحقيقها
والباب مفتوح لتقديم مقترحات وأفكار أخرى من أجل أنجاح هذه الفكرة
ومعاً من أجل حظر الحزب الوطنى ( الديمقراطى

Anonymous said...

و الله انا لو ليا الاختيار ما بين قصه او شعر او تاج .. فمن غير تردد هختار التاج !

enjy said...

اجاباتك حلوة جدا مع انى من غير زعل مش معاك فى وصف كتاباتك بالنصب لان الراى دة بيقول بكل وضوح ان قراءك هبل............ من غير زعل هه؟؟؟
ربنا يوفقك ونتيجتك تطلع ناجح ان شاء الله

همس said...

تعرف انا جالى التاج دا ووعدت انى اعمله ولسه ما عملته

بس اكدي هنفذوعدى ان شا ءالله

اما بجد بجد عجبنى جدااااااااا ردودك

بس ليه النظر ه دى لنفسك اكيد فيك حاجات حلوه وكويسه

وربنا يوفئك يا سيدى فى الامتحانات

تحياتى

كوارث said...

أحلام اليقظة
الله يبارك لك
نصاب ووغد لانها الحقيقة المرة
والحمد لله ان البوست عجبك والتحليل بالاخص
بس برضه فيه فرق بين الصادق والنصاب
وعامة هيبان هيبان
خليها على الله

كوارث said...

habiba
اهلا اهلا
نورتي والله وبتمنة تنوري تاني
ممكن عشان الاجابات بتبقى صادقة !
احتمال برضه
وكويس ان التاج عجبك
ثانكيو
نورتي

كوارث said...

gigi
الله يكرمك
مش قوي برضه
نورتي

كوارث said...

علي الزيبق
صباح الفل
بالنسبة للحزب الوطني فمش محتاج حملات
ومفيش حملات هتمشي عليه !

كوارث said...

Anonymous
يبقى لو اقدر هخلي كل مواضيعي تاجات بعد كده !
اللي عنده تاج يجيبه

كوارث said...

enjy
ايه النور ده يا دكتورة المستقبل
خلاص نعتبر ان جزء بس من كتاباتي اللى نصب والجزء التاني لا
وربنا ما يجيبش زعل
نورتي

كوارث said...

همس
ازيك؟
نورتي وبتمنى تتكرر الزيارة اولاً
وبالنسبة للتاج
فيا ريت تجاوبي مدفوعًا بالنصيحة من باب اشمعنى انا يعني !
وشكرًا على الدعوة الجميلة وربنا يوفق الجميع
نورتي

Gannah said...

أخى طارق
أنا مش مقتنعه انك وغد ولا نصاب ولا اى حاجة من الحاجات دى بالعكس اللى يقول على نفسه كده بيكون انسان طيب جدا فى العادة. يا رب النتيجة تكون خير ونباركلك.ولو حتى بتنام متأخر ممكن مع التعود تصحى للفجر بس حاول ومع الوقت هتتظبط على التوقيت مهما نمت متأخر. نسيت اقولك ولا مقتنعه انك كوارث ايه رأيك؟؟؟؟؟
تحياتى

فى حب الله said...

يبقي انتي إلى قتلت بابايا اه يا بابايا ايه ده كله وكمان وغد يالا العار ونصاب بالعاميه لقد وصمتنا يا فتي ولنا الله من بعد ما قرآنا منك عنك

لا بجد ان ما شوفتش حد رد قبل كده بمثل هذا الأسلوب الشيق وده ان دل على شئ فأنه يدل على انك موهوب بجد وربنا يوفقك

جنّي said...

ياأبن الحلال كنت خليها أسرار أحسن .. ليه الفضايح دي بس ؟

المهم ليتك تشارك في حملة حبا في رسول الله بنشر الرسالة على المدونات التي تعرفها ..

---------------------------------

حبا فى رسول الله

نجتمع دائما معا لنطبق منهجه صلى الله عليه وسلم فى كافة أمور الدين والدنيا فنكن بإذن الله خير أمة أخرجت للناس كما وصف الله أمة خير الأنام فهل نكون خير أمة ؟؟
هل نلبى الدعوة لنجمع جهودنا ونصطف معا كالبنيان المرصوص و نشد بعضنا بعضا كلٌ فى مجاله بفكرة أو نصيحة أو مساهمة فعلية

هل نثبت حبنا لرسول الله فعلا لا قولا ؟؟

فالحب أفعال لا أقوال

هلموا معا نجتمع ونتفاعل ونصلح من شأننا كله

حباُ فى رسول الله

http://www.7obnferasolallah.blogspot.com

http://www.facebook.com/group.php?gid=18625528460


http://la3lahakhier-2.blogspot.com/


ساهم معنا ولو بوضع إعلان الحملة فى مدونتك

سنووايت said...

يعني كل دا كان بيتنصب علينا هنا
:)
عموما هو نصب من النوع اللذيذ يعني تبقي عارف ومع ذلك مبسوط منه
وياريت ال75% اللي لسة ما اتنشروش نقدر نقرا منهم ولو حاجات بسيطة

حبيبـــــــة القمـــــر said...

ازيك يا طارق
معقول تبقى وغد وكمان نصاب
مش هعلق على حكاية وغد دي
مش بحب اللفظ من اساسه
ولا بحب حركات المكر دي كمان
بس احييك على صراحتك
اما في كتاباتك فبقولك نصبك حلو
وعاجبنا
ومستنين ال 75% الباقيين
ايه رأيك بقى في الناس اللي بتحب النصب دى

Rania said...

يا لصراحتك
حقا رائعه
رائعه ردودك اخى العزيز

تحياتى

كوارث said...

gannah
أختي جنه
منورة المدونة والله
بالنسبة لموضوع النتيجة يا رب يا رب
شكرًا لدعوتك س اهم تكون خالصة
وبالنسبة للصلاة الفجر فالواحد بيحاول بس المحاولات عامله زي محاولات الهبوط على بلوتو بالظبط
فاشلة جدًا جدًا
اما مش مقتنعة اني وغد واني كوارث
فانتي الى هتتحملي النتيجة بقه

كوارث said...

في حب الله
مش انا والله هتجيبيلي بلوى وانا مش ناقص كوارث
وطبعًا عار
بس عار ده كان ليها قصة تانيه

شكرًا لزيارتك وردك الجميل
نورتي

كوارث said...

جني
انتا عارف بقه
عشان محدش يسالني على اسرار بعد كده عشان كل سر اشنع من اللي قبله
بالنسبة لموضوع
حبًا في رسول الله
فلبيك لبيك

كوارث said...

سنو وايت
اللي قررت ما يتقريش محدش هيقراه حتى
انا
لانه غالبًا اسوأ من اللازم
بس انا بكتب علطول يعني وهتشوفي جديد كتير باذن الله
وشاكر ليكي على ردك جدًا !
دنا عديت
دنا هدخل التاريخ !
نصاب والضحايا بتوعي عارفين
وسايبيني انصب
ايه الهنا ده !

كوارث said...

حبيبة القمر
لسه والله بستغرب منهم يا حبيبه
فعلاً يعني الحنا شعب يستاهل اللي بيحصله
احم
نورتي طبعًا
وبالنسبة لوغد فآسفون لقرائتك ما تكرهين
بس ده الحقيقة المرة وكل اللى قالولي يا ابني متقولش على نفسك كده بييجوا في الآخر ويقولوا انتا غود
امال انا بقول ايه من الاول !!
نورتي

كوارث said...

rania
بل أنتي الرائعة اختى العزيزة
نورتي مدونتي والموضوع
شكرًا لك