Saturday, June 21, 2008

بطَل مصري .. من جيلنَا

إلى معشر الزوار من المثقفين والكتاب و المدونين والقراء الذين يكتفون بهزّ الرؤوس في رضَا
إلى كل من يريدُون النيلَ من سمعةِ هذَا الجيلِ ووطنِه , أقدّم لكم اليومَ أحد أبناء هذا الجيل اللذي سخرَ منهُ الجميع


اليوم َ أتكلّم عن بطلٍ حقيقي , بطل ليسَ مزيفًا ولا مشكوكًا في أمره ولا مدعٍ ولا غاوٍ ولا هاوٍ, ربّمَا يرجعُ هذَا إلى إنجازَاتِه , وربّمَا يرجعُ إلى مواقفهِ ذاتِهَا . وربّمَا إلى ما واجههُ في أسفَارِه , يكفِي أنّه بمجرّد أن يسمعَ أحدنا اسم افرست فإنّه يحلم في هيام لثوانٍ أن يكون هنَاك ثم سرعَان ما يدرك أنه تمادَى في أحلامهِ إلى حدّ التخريف فيفيق لاعنًا حلمًا جميلاً كهذَا , لم يكُن هذَا هو حال عمر سمرة الشاب المصري فقد ثبتت مخيلته على افرست حتّى حقق هذَا الحلم .
عمَر هوَ أول شاب مصري خرج في رحلة يجوب بلاد العَالم مارًا بجميع القارّات ومارًا بالقرى والمدَن والنجوع وهو شابٌ لم يكمِل الخامسَة والعشرينَ بعْد , وعلى أعلى قمّة في بيرو على ارتفاع 6088 متر وقف هنَاك رافعًا العلمَ المصري لأول مرّة في تاريخِ هذَا الجبَل مدفوعًا لهذَا بمصريتهِ التي لم تجلب لهُ أيّ شيءٍ حتّى الدعمَ الحكُومِي !
يقُول عمَر أن بدَايَة حلم افرست في رأسهِ كانَ عندمَا تسلّق أحدَ الجبَال في سويسرَا وهو في السادسة عشرة من عمرهِ ووجَد أن الأسماء التي تسلّقت الجبَل يعدّ هو المصري الوحيد الذي أضاف اسم مصر إلى هذهِ الكرّاسة , حينَهَا بدَا التفكير في افيرست هينًا ولكنّ الهدَف صعبَ المنًَال واستغرقَ منهُ اثنتى عشرة سنة حتّى يتحقّق , ففي رحلة الأسابيعِ العشرة بعد هذهِ السنين تمكّن من الوصولِ إلى القمّة بعد أن شاهَد كل المخاطر من السقوط والانهيارات الجليدية الضخمه وتجمد أصدقاءه وموت البعض فقط ليقفَ هنَاك رافعًا العلمَ المصري لأولّ مرّة في التاريخ قائلاً في لحظاتٍ بلغَ فيهَا نقصُ الأكسجين أقصى ما يمكن وبلغت فيها الهلاوس مبلغا أكبر من العقل عظيمَة يا مصر !
كانَ حال الصحافة العربية مخزيًا معه بصورة عامّة و المصريّة بصورة خاصّة , يطالعنَا بطل كهذا في خبرٍ محدود السطور أو حوار صحفي غير مكتمل الأركَان أو غيرهَا وغيرَهَا بينما تهلل ذات الصحف لتامر حسني كل يوم خمس مرّات وتضع ابطالاً وهميين أو كانَت بطولتهُم في قصف روح الشعب , اما عن الفضائيّات فقد كان نصيبهَا من الاهتمَامِ أكبر , ربّما كمجرّد سبق أو لقاء اعلامي مثير جديد يزيد من نسبَة المشاهدَة , وهذهِ هيَ المرّة الأولى التي أحنقُ فيهَا على كل وسائل الاعلام لاخفاء رمزٍ كهذا والكتابة عنه بمثل هذه اللا مبالاة .
عمَر مثالٌ حي لشاب حقق أقصى ما كانَ! يحلم به وهو لم يكمل الثلاثين من عمرهِ بعد , هو الآن ينتوي تسلق الجبلَ الأعلى في كل قارّة وبحسب كلامهِ فهو ينتوي محاولتين جديدتين في أغسطس القادم لرفع العلم المصري فوقَ هذهِ القمَم .
سيقُول الكثيرون , وما الفائدة ؟ , ساقول لكَ .. ما شعورك لو قال لكَ كرم جابر نفسه منذ عامٍ واحد أنّه سيصعد الهيملايا ليرفع علم مصر على افرست ؟ سيقول الكثيرون مستحيل , والأكثر أحمق والبقيّة أن تشطح في خيالك وأحلامك !.. هل أدركتم الآن قوّة الانجاز وعظمتهِ ؟
ألا يستحقّ هذا الشاب أن يكون رمزًا حتّى لتحطيم المستحيل في وقتٍ نحنُ في أمسّ الحاجه إلى رمزٍ كهذَا فيه ؟ خاصةً أن اعلامنا مليء بالرموز التي نيقن تمامًا بأن أكثرهَا زائف والبقيّة مشكوك في أمرها وفي بطولتها !! ألا يستحقّ هذا الشاب المتواضِع أن ينال في قلوب الناس حبًا وشهرَة يستحقّها أكثر من نجوم الورق والرقص والعريّ اللذين أدّوا بنَا إلى هذهِ الهاوية بينَمَا اثَارت حماسةُ شابٍ كهذَا سرور كل من علمَ بهِ , أنَا شخصيًا لم أكتب هذَا المقال مستثنيًا قاعدة كتاباتي إلا لأن هذا الشاب أثَار بي الكثير , أبهرني , عندمَا كانَ يحكي تجربته وشاهدت فيلمًا عرضهُ هو والتقطته له قناة OTV وسمعتُ حديثه وتفرست في طريقته وعلمتُ أنجازاته , حينَها كانت رؤيتهُ بردًا وسلامًا أخمدت كل النيران التي تستعر بداخلي على هذا الجيل وهذا الوطن
لنْ أكتبُ قصّة عمَر بالتفصيل فسيحكيهَا هوَ في كتَابٍ سيصدرهُ قريبًا واذا لم يفعل فسأحاول اقناعه بشتّى الطرق أن أكتب قصّة عنه حتّى ولو استخدمت معه الحيَل , ولكنْ حتّى لا أسمع من يقول لقد كان مرفهًا أو كثيرَ المال أو لو أنني أملك لاستطعت أو الكثير من هذهِ الكلمات , هذا هراء , الآلاف ينفقون اضعاف ما تتكلفه هذهِ الرحلة على المخدرات والدعاية والافلام والدعارة وغيرها فلماذا لا يفعلون مثله ؟ أي قيمٍ مزيفة رأينَاهَا ؟ ربّما يرجعُ السبب إلى وطنيته , ربّما إلى إعاقة أخويه التي مسحهَا هو بانجازاته كأنّها لم تكن وهو يثبت للعالم أجمَع أنّه مع وجود الاعاقات والاحباطات في منزله إلى انّه قهرَ ذلك المستحيل .
عمَر شابٌ لم أرهُ في حيَاتي من قبْل , وأتمنّى أن ارى الكثير منه فيمَا بعد ! .. على حدّ قولهِ هو ذاته " لم أكن أشعر باي شيءٍ وأنا أقف على القمّة , أنَا اقف في قلب حلمي , ولكنّني حققته رغم انني لم ادرك ما قلته في تلك اللحظات , لكلٍ فينَا افرست خاصّة بهِ , ولو استبعدهَا أو كسُلَ أو لم يسع لهَا فستتبّخر ولن يصل إليهَا ابدًا , أمّا لو سعى فبالتأكيد سيصل "
هذه كلمات عمر التي نحفظهَا جميعًا ونقولها لبعضنا البعض متظاهرين بالحكمة عالمين انّنَا جميعًَا لا نفعَل ما نقوله ..
فمتى سنفعلُ اذَن ؟
أي استفسارات عن هذا البطل يمكن طرحها هنا وأعدكم بمحاولة الحصول على إجابة أما عن رحلاته فيمكنكم البحث في الانترنت باللغة الانجليزية لأن الكتابات عنه بالعربية حمقاء ولا تسر حبيبًا بينمَا تسر الكثير من الأعداء , يمكنكم كذلك زيارة موقعه الشخصي
www.omarsamra.com
سعيدٌ جدًا
المرء لا يقدّم لزواره بطلاً كل يوم أو كل عامٍ أو حتّى كل قرن !
كم انَا محظوظ
وادعوا الله أن يخرج من هذا الجيلِ ايضًا من يقتحمُ أسوارَ الفضاءَ ويضع ذات العلم الشامخ الذي يلعب الكثيرون باسمه على سطحِ القمر , وادعوه أيضًا أن يرتفع ذات العلم صادقًا على قصرنَا الجمهوري ذات يوم !
القصيدَة التي تلي هذا الموضوع أو السابقة له في ترتيب المدونة اهداء لعمر وكل من على شاكلته ويحاولون اضاءة قنديل هذَا الوطن , وشكرًا لمعاذ رياض
طارق عميرة
طنطا
20/6/2008

:: تحديث::

تصحيح .. الجبل 6088 في بوليفيا وهو ليسَ الأعلى

102 Comments:

أحمد منتصر said...

والله فعلا بطل يستحق منا كل تقدير

تحيا مصر يا عمر

:)

سنووايت said...

جميل جداااااااا
علي فكرة انا اول مرة اسمع عن الموضوع دا للاسف
مع انه المفروض كان ياخد حيز اكبر من كدة بكتير في الاعلام
كفاية انه كان عنده حلم وقدر يوصله مهما كان حلمه دا
اسعدتني بقراءة الموضوع يا طارق , ربنا يكرمك بجد
ويارب زي ما بنهتم بالنماذج السيئة ونحاول نروجلها نهتم اكتر بالنماذج اللي زي عمر وغيره

.:.-=- ELGaZaLy-=-.:. said...

طارق حقا انت محظوظ

-----------------

عارف فى شئ جعلنى اتوقف شئ فى عيون البطل ...لا اعرف اهو خوفة ام عزيمتة ام ابتسامة تدارى الكثير حقا لا ادرى...فقط جعلتنى اعيد كتابة تعليقى عشررات المرات...

طارق بحق انت محظوظ

enjy said...

ما هو لازم حاجة زى دى تستخبى عشان نفضل عايشين دور المظلومين المدحورين للابد وما عندناش حاجة عدلة وكدة يعنى ........ بس سيبك انت الراجل دة زى الفل وفخر لاى مصرى لكن طبعا هتلاقى واحد يطلع يقولك يا فرحتى طلع افرست كسبنا ايه؟؟؟؟
ترد ساعتها وتقول اييييييييييه؟؟؟؟؟؟ برافو عليك تقول طظ فيك

Anonymous said...

فعلا يا طارق احنا تغير مفهومنا عن الابطال بقي البطل اللي بيطلع يستهبل في اي قناه اغاني او في ستار اكاديمي
مع ان في ابطال حقيقيين محدش يعرفهم ولا سمع عنهم
مش بس في تسلق الجبال ومش بس في الرياضه لا في الثقافه والادب والفن والتكنولوجيا ومخترعين عباقره عددهم كبير وللاسف اغلبهم بيجيله احباط من اللي بيشوفة في البلد

تغيرت المفاهيم واتشقلبت الموازين
بقي الفاسد هو الشريف
والبطل هو اللي مش بطل
والفنان هو اللي مش فنان

بوست جميل يا طارق
وشرف ليا ان عمر من مصر

فتحي

ألِف said...

كويس، و الموضوع دا من زمان ة أنا زعلت لأن فاتتني ندوة كان عمر بيتكل فيها عن مغامرته و الاستعادات ال تطلبتها و الصعوبات و المخاطر.

لكن إيه علاقة دا بالثقافة و المثقفين! مش يمكن عمر مهتم بالثقافة؟ و مش يمكن في مثقفين أو مهتمين بالثقافة و برضوا بيطلعوا جبال أو يركبوا الهوا و يعملوا حاجات لطيفة؟

مش لازم علشان نتكلم عن حاجة كويسة يبقى نظهر كل ال غيرها سيء، صح؟

إنجاز كويس لعمر و أصدقاؤه لازم يكونوا فخورين به، لكن مش لازم ننفخ الموضوع و نحوله لعظمة مصر، و لا نقول أنه بكدا الشباب كلهم زي الفل و بيطلعوا إفرست. يعني كفاية نقول أن "عمر شاب متميز و مثابر و رياضي و عنده عزيمة و يستاهل التشجيع".

ألِف said...

أو زي مثلا الخبر دا ال احنا بنشوفه على أنه "مسلم في الفضاء"..يا سلام!!
يعني هو طلع ببركة دعا الوالدين و للا بالتكنولوجيا؟ و يا ريتها تكنولوجيا من بلاد المسلمين. أي أحد ممكن يدفع و يطلع الفضاء؛ و بعدين؟
و ما حدّش قعد يهيص على المسيحيين أو اليهود أو البوذيين أو الشنتو أو الملحدين ال طلعوا الفضاء لمجرد أنهم من دين معين. حاجة تكسف، مش كدا؟

كوارث said...

السيد الف كان ردي هيكون حيادي جدا بعد ردك الاول
بس عمر فعلا رمز
بني آدم حقق حلمه وحطم المستحيل
وان مكانش يستحق يبقى رمز يبقى الاف الرموز اللي حوالينا هما اللي يستاهلوا ؟؟
طب ازاي ؟
انا شايف ان ده حقه الحقيقي
اما عن اننا لم نحتفل بالباقيين فده مش لمجرد دين معين
الارض كلها احتفلت لما بشري نزل على القمر
زي تمام ما مصر كلها المفروض تحتفل لما مصري يطلع افرست
شباب مصري مين اللي هيطلع افرست ؟
كام واحد هيعملها وكام واحد كان عملها اصلا ؟.
الراجل عمل انجاز فعلاً ..
ده رايي
والراجل ده رمز
ده اقتناعي
شاكر لحضرتك ولي عودة للرد على البقية

ali el king said...

ادونى نمرة البطل او تليفونه حد يدينى عنواااااااااااااااانه
على العموم ما احنا هنتقابل قريب وربنا يخليلنا الجبهه

WESSAM KHALIL said...

بصراحة
عمر البطل
عمر الشجاع
عمر المقدام

كل هذه أسمي يمكن أن تطلق على هذا الشخص

فقط لشيء واحد

كان له حلم ... وقام بتحقيقة

حلم حقيقي.. لم يكن حلمه الفتيات والمخدرات وهذه الأشياء التي لا قيمة لها
كان حلمه تسلق أعلى القمم في العالم

وقد أعجبني قوله: لكل شخص قمة

وهذا هو الكلام الصائب

دمتم بود .. وأتمنى وجود الكثير من عمر هذا

إيمان العزب said...

اختيار موفق يا أخ طارق
احسنت
واصل التنقيب عن المتميزين من جيلك
بالتأكيد هناك أخرون فى مجالات شتى
ولكن كما ذكرت لدينا اعلام غبى
لايرتقى بذوق او اهتمامات الناس
وانما على العكس لعله المسؤل عن انحطاطهما
دمت حى القلب واسع الافق

Anonymous said...

كليكما بطلين انت بكلماتك وهو بانجازاته
دمت مبدعا صادقا

أحمد منتصر said...

يا عم ألِف هدي أعصابك

لسه كنت بقرأ كتاب نسوي ف التاريخ

إقبال بركة بتقول إن ملك حفني ناصف كانت أول مدرسة أنثى مصرية

فلما نقول مسلم ف الفضاء ده شيء عادي

أهو إنجاز يحسب لينا وخلاص

وبعدين الماليزيين مش هبل

الراجل طالع يعمل أبحاث لحساب معهد ماليزي طبي

وفعلا أحد المسئولين قال إن مدى نجاح الرحلة حنحسه لما نشوف نتايج الأبحاث الطبية إللي قد نتوصل بيها إلى علاج للإيدز

لكن سيبك من ده كله

أنا كنت كاتب المقالة عشان أقول إن الإسلام عايزينه يبقى دافع وشيء قوي محرك لينا ف حياتنا ونبقى أحسن ناس

مش نهتم بالسواك والنقاب والحاجات دية

وشكرا

الفارس الملثم said...

يمكن المعني اللي شايفه هنا مش مجرد انه تسلق اعلي قمة جبل في العالم ..

لكن الاراده والتصميم اللي لو اتوفرت عند اغلب شباب الجيل اتكون مصر شئ مختلف تماما ..

اكيد لو عرفنا تفاصيل قصته انستفاد جدا

تحياتي
محمد

Anonymous said...

كل واحد بطل باللى يقدر عليه ..
النهاردةاللى يوصل لرغيف العيش يبقى بطل .. و بلال اللى قال كلمة حق فى وش نظيف بقى بطل برضه :)

shayma said...

جمييييل الموضوع
وكاتبه حلو

زعلت جدا انه ماخدش حقه
...........
ومعلش اسمحلى اقول حاجه لالف

يمكن مش عشان هو طلع افرست يبقى كل شبابنا زى الفل ولا حاجه انما ممكن جدا وده طبيعى انه يكون سبب حماس وتشجيع شباب كتيير على انه يقوم ويعمل الى هو عاوزه
ومفيش حاجه اسمها مستحيل
...........

بجد موضوع حلو
سلامى
:))

كوارث said...

العزيز أحمد منتصر
هوا فعلا بطل
ويستحق كل تقدير
وتحيا مصر

كوارث said...

سنووايت
طبعًا جميل
ده كارثة كبيرة فعلا يا سنو وايت اننا منعرفش نماذج مشرفة زي ده
وقبل ما اسعدك بقراءة الموضوع انا سعدت بكتابته وبمعرفة الشخص ده
ويا ريت فعلا كلنا نهتم
سعيد بزيارتك جدًا

كوارث said...

الغزالي باشا
مساء الفل يا معلم
عامل ايه وايه اخبارك ؟
طبعًا انا محظوظ
وحظوظ كبير جدًا كمان
وايًا ما كان في عيون البطل ..
بس برضه بطل

كوارث said...

انجي
صباح الفل
والله منا فاهم حاجه
بس عمر فعلا فخر لكل مصري
شئنا ام ابينا
وبموافقتنا او رفضنا !
واحنا عندنا عدلين كتير
ده اللى اكتشفته مؤخرا !

كوارث said...

فتحي
اؤيدك في كل حرف بتقوله
بس البطل ده نجح في انه يثبت بطولته واديني بكتب عنه وان شاء الله هنشر الموضوع في كل المنتديات اللي مسجل فيها

كوارث said...

علي
لا والف لااااا
ابعد عن البطل
وان شاء الله هتشوفه عن قريب في طنطا
هوا ما بيخلفش وعده

كوارث said...

وسام خليل
الله يكرمك
فعلا كل الصفات ده موجودة فيه
هوا مغامر درجة اولى
مغامر كما يجب ان يكون المغامر
بس يكفي اسم البلد اللي هوا شايله وبينشره في كل مغامراته
وورينا همتك في قمتك

كوارث said...

ايمان العزب
الخيار هو من فرض نفسه وان شاء الله هكتب عن كل متميز هشوفه او هعرفه
ده واجب برضه
احسن من الرموز المزيفة بكتير
نورتي وبتمنى تنوري تاني

كوارث said...

Anonymous
وانت بطل بتشجيعك
شكرا للكلمات الجميلة

كوارث said...

احمد منتصر
صباح الفل
انتوا شبكتوا في بعض عندي ؟

كوارث said...

الفارس الملثم
هتستفاد اكتر مما تتخيل بكتير وده كلمة انا واثق منها
ان شاء الله هتابع أخباره ولو نزل الكتاب هتكونوا اول ناس هتعرف
وفعلا هوا نموذج لكل حاجه وكفاية الارادة والتصميم

كوارث said...

Anonymous
فعلا اللي يوصل لرغيف العيش بطل
لكن بلال اللى رد على نظيف مشكوك في بطولته !

كوارث said...

shayma
هوا فعلا بطل وانا زعلان اكتر منك ..
وشاكر لردك على السيد الف
يا جماعة ياللي بتقطمونا
وبتقولوا الغرب الغرب الغرب !
مش الغرب ده كان من اسباب تفوقه برضه ؟

حـــــدوتـــــة said...

السلام عليكم
اخى الكريم انا مقدر حماسك
وكلنا نفسنا نشوف بطل فعلا
بس انا مش شايف فى اللى هو عملوا ده بطوله
يمكن اكون غلطان او مش واخد بالى

سلالالالالالالالالالالالالالالالالالالالام

كوارث said...

حدوتة
محتاجين بطل فعلا
وده بطل
ولا انتا عايز ابطال الشعارات اللي بيطلعوا ؟
امال مين البطل لو ده مش بطل ؟ اللي عدى النيل في مركب ؟
ابقى هات حد يعمل زيه عشان ينفي البطولة ده !

فارس بلا جواد said...

طارق
اسمحلي انضم الي حزب المعارضين او بلاش نسميها معارضة لكن اختلاف في وجهات النظر
لان انا شايف ان تسلق الجبال يندرج تحت باب الترفيه .. يعني حتي لايجوز اننا نعتبره رياضة تنافسية لأني ما سمعتش ان ليه دورات اولمبية بيتنافس فيها ناس علي مستوي العالم مثلا .. وممكن كان غيره يحقق ده لو اتيحت ليه الفرصة .. يعني في فرق بين ان يحقق انجاز لا يستطيع ان يحققه احد غيره او لم يتاح لاحد غيره ان يحققه
وبالتالي
نعتبر ان عمر حقق مجد شخصي لنفسة اكتر من انه حقق حاجه لمصر
احنا ممكن نفخر بيه كنموذج لشاب مجتهد وعنده ارادة وتصميم بس بلاش نحشر الوطنية في حاجه هي بريئة منها

Anonymous said...

حسنا ،، حسنا ،،
أرى آراء متعددة هنا ،،
لربما قصصت علي عنه قبلا يا طارق ولم استطع ان ابدي رأيي
لانني حقيقة لم أسمع عنه من قبل ،،
لكن أتعلم ؟ !!
تذكرت انني رأيت عنه تقريرا قصيرا على احدى القنوات الفضائية ،،
نموذج يستحق ان نفخر به حقا ،،
كنموذج حقق ما يريده ،،
لان لديه الدافع والعزيمة ،،
اسجل اعجابي الحقيقي بتلك الشخصية
ولكم انت محظوظ بمعرفة شخص كهذا يا طارق ،،
يكفي انه جعلك تتحمس بهذا القدر وتحمسنا معك بنفس القدر له ،،

لي رد لمن يرى ان ليس للوطن مكان في الموضوع ،،

حينما كان اول رجل صعد اى القمر امريكيا ،،
ألا تذكرون انه رفع علم بلاده على القمر تسجيلا للسبق في صعوده والوصول اليه ،،
انتساءل ما الفائدة من صعوده الى قمة افرست ؟
لم لم تتساءل الدول الاخرى حينما شجعت وممولت ابطالها للصعود الى قمة افرست ،،
انها رياضة اعزائي ،،

يكفي انه سجل ان مصري وصل الى تلك القمة بعزمه ، وبفكرته ان يسجل بلاده على قائمة متحدي الطبيعة ومتحدي المصاعب ،،

اعلم انه لم يمسك برشاش ويذهب الى فلسطين ليقتل الاسرائيليين !
ولم يكن جيفارا الثاني !

ولكنه فعل شيئا ،،!
ولا نعلم نحن كيف يفكر هو ،،
لربما يكون اكثر وطنية منا ، ومن يعلم ؟

نحن نجلس كل منا الى جهازه الآن ويطلق الكلمات ،،
فماذا فعلنا نحن حتى نثبت وطنيتنا ؟
الوطن ليس ببعيد عن الانجازات الشخصية ،،
انه الحلم الذي يتبعه الف انجاز ليس لصاحبه بل لآلاف ،،

لا أرى انه يستحق كل هذا التحامل على الموضوع وارتباطه بالوطن ،،
يكفي انه نموذج لشاب مكافح وشريف ،،

تحياتي ،،
JaN DarK

Wake Up Egypt said...

ضع مدونتك الان فى اكبر مجمع مصرى لافضل المدونات
http://bestegyptianblogs.blogspot.com

صيدلانيه طالعه نازله said...

انا سمعت عن عمر قبل كده من برنامج على الناصيه كانت امال فهمى مستضيفه والدته الكلام ده كان يمكن من سنتين و قالت انه بيتدرب عشان افرست و بعده فوجئت بهم بيتكلموا عن نجاحه فى تسلق افرست
الواحد و الله بيبقى فخور جدا بالناس اللى زى عمر عندهم حب التميز و النجاح
ربنا يكرمهم دايما

blackcairorose said...

فعلا كلنا بحاجة نسمع عن حاجة حلوة وبطولية حد مصرى عملها تدينا الامل أنه فى يوم من الايام الوطن هيبقى احسن مما هو عليه

Jana said...

بل نحن المحظوظون بك يا
طارق

كم نفتقد هذه الحماسة فى شبابنا
أفرح كثيرا حين اجد عقولا لازالت نظيفة لم تتلوث بالتفاهات

تصميم وارادة هذا الشاب ..قد تغرى الكثير ليفعل مثله ..ولكن كما تقول
من اين لهم ان يعرفوا به
وهو لم يأخذ حقه فى الاعلام
فهو ليس بمطرب ولا ممثل ولا فتى أزياء
صحيح ...اخبار مستر ايجيبت ايه!!؟؟
:))

كنت حانسى
ليك تاج اتفضل نورنى واستلمه
ربنا معاك
:)

appy said...

ربنا يحميه عقبالك لما اشوفك طالع فوق سطوح بيتكم يا سطوحى هههههههههههههههه بجد والله ولد جدع

paranoia,magnetic & dramatic girl said...

صباح الخير ياطارق
...
انا بشكرك جدا علي نقل المثال الطيب ده لنا
بس تسمحلي ليا اعتراضات كتير
........
للموضوع جوانب مشرقة واخري معتمة
....
انا عارفة ان رأي مش هيعجبك
بس هقلك انه ادي اقوي مثال لقوة الارادة وتحدي الصعاب
ولكن مش قادرة اقتنع انه ساب اخ عاجز ومشي عشان يتسلق قمة
طبعا ده فخر للمصريين انه يتحدي نفسه واخيرا واحد اتسلق الي غيرنا سبقنا فيه من زمان
.....
والصحافة المصرية والهيئات المصرية معروفة بعرقلة الشباب اغلبيتها طبعا
......
لكن ده مش اول شاب مصري يعمل تحدي
بالعكس في شباب كتير او حتي من غير الشباب انجزوا وعملوا خير للجميع
مش مجرد تسلق قمة وشهرة
....
انا معترضة معاك في المقدمة ياطارق
"إلى معشر الزوار من المثقفين والكتاب و المدونين والقراء الذين يكتفون بهزّ الرؤوس في رضَا"
ده ضايقني اوي كأن محدش غير سمرة عمل تحدي
واحنا مش بس بنهز الرؤوس في رضا بالعكس لو في استفادة بنستفاد وبنطرح حاجات مفيدة
....
بس يارب كل يوم يطلع لنا بطل بس يفيد البلد في حاجات مش بس يجيب لنا شهرة
اما لو كانت الشهرة بداية للخير فمرحبا
......
اسفة ياطارق ممكن يكون كلامي مستفز بس والله قلت الي خطر علي بالي
وسع صدرك
..
دودو

فى حب الله said...

(وطني لو شُغِلْتُ بالخلد عنه نازعتني إليه في الخلد نفسي )
عارفين لو كل واحد فكر زى عمر كنا اكيد هنبقي احسن دوله فى العالم لان عمر فكر بإجابيه مقلش وانا مالي متولع مصر بلي فيها لا رفع اسمها عالياً وكلنا شعرنا بالفخر والعزة والكرامه عظيم انت يا عمر وعظيمه يا مصر

كوارث said...

فارس بلا جواد
اتفق معاك في موضوع ان ممكن اي حد يتحط في ظروفه يعملها بس للاسف في ناس كتير جدا في ظروفه ومعملوش ربع اللى عمله
نقطة المجد الشخصي
ده اكبر نصر !
بعد دشليون سنة التاريخ هيقول ان عمر اول مصري طلع على افرست .. شاب ما كملش تلاتين سنه وحفر اسمه في التاريخ .. تسمي ده ؟ ميستحقش يكون فخر ولا مثال ولا قدوة ؟
وبالنسبة لموضوع الوطنية
فانتا ما تعرفش القصة كاملة
بس حقيقي يا فارس لو عرفتها
هيكون رايك زيي بالظبط

كوارث said...

jan dark
شاكر لردك الطويل العريض والله
مأيداني ما شاء الله
عمر فعلاً فخر
وشكرًا لكلامك اللي وفر عليا كلام كتير فعلا

كوارث said...

اصحي يا مصر
قول يا رب
ربنا يسهل

كوارث said...

صيدلانية طالعة نازلة
الله يكرمك
اثلجتي صدري والله
بس الاعداد للموضوع استغرق 12 سنه مش سنتين
12 سنه
شاكر لتعليق حضرتك
نورتي وبتمنى تنوري تاني

كوارث said...

blackcairorose
هنبقى أحسن

ان شاء الله هنبقى احسن
ولو ما بقيناش
هنموت واحنا بنحاول

كوارث said...

Jana
انا اللي محظوظ بيكم جدًا والله
وعمر فعلا فخر عشان كده لازم يختفي ويطلعوا مطرب جديد
واعتقد انه لو اتجه للغناء هيحقق شهرة مالهاش حل
ساعتها مش هنقول يا ريته كان فلح في حاجه تانيه ؟
ده شاب جامد جدًا فعلا
وشاكر لتعليقك
نورتيني والله
وهتفضل التاج حاضر

كوارث said...

appy
انا طلعت فعلا على سطوح بيتنا !
والله كنت خايف اقع لما اقرب من السور !

كوارث said...

p m d g
ازيك يا دعاء عاملة ايه ؟
انا لما قدمت عمر مكانش عشان شهرة ولا عشان طلع افغرست ولا ولا
لا انا قدمت نموذج صادق لشاب ينفع قدوة ويحتذي بيه في ظل زمن غابت فيه كل القدوات
عمر مش واحد راح طلع جبل واتشهر وخلاص لما حكى قصته في ناس عيطت ..
وانا واحد من الناس اللى القصة اثرت فيا مثلا
خاصة ان الشاب شكله عادي جدا مش سوبر مان يعني
قوليلي انتي لو انتي وراكي حلمي ومكسلة وبتقولي انه مش هيتحقق ايا كان الحلم ده فاكيد هو تافه جنب افرست ! , يبقى هتستفيدي من قصته ولا لا ؟
وبالنسبة للمقدمة فانا والله ما قصدت حاجه
ده افتتاحية بس
وهز الرؤوس في رضا بالمناسبة معناها ان الموضوع عجبهم يعني
نورتي يا دعاء
ويا رب تنوري علطول

كوارث said...

في حب الله
الله ينور عليك
تعليقك يتدرس في مدرسة والله
شاكر جدًا لحضرتك
وعظيمة يا مصر

paranoia,magnetic & dramatic girl said...

طارق مفيش حلم تافه وحلم كبير طالما الي بيحلم عنده قدرة علي الحلم يبقي اكيد الحلم بالنسبة له كبير
بس انا خلاص فهمت قصدك من ذكر قصة الارادة دي
ربنا يكرمك

كوارث said...

كده يبقى متفقين
احب انا الناس اللي بتتراجع عن مواقفها :P
اعتبر 1/ صفر ليا :P

paranoia,magnetic & dramatic girl said...

اووووووووووووف
لا لا لا
مينفعش كده
:)
انا بس فهمت الفكرة الي عاوز انت تقلها لنا
لكن متنازلتش عن رأي
بص ياطارق احنا 1/1
والماتش انتهي لصالحي
ومتسألش ازاي

كوارث said...

وانا مصر لكن من باب انهاء الخلاف
سلمت الراية البيضة !

Anonymous said...

فارس بلا جواد
لقد زكرت ان تسلق الجبال من باب الترفيه واحب افتكر القول اللى بيقول ومن الحب ما قتل فأيضا من الترفيه ما قتل غير انها عمليه صعبه جدا ونقص فى الاكسجين وجهد عضلى وغيره اظن ده لا يندرج تحت باب الترفيه ولكن انا شايف ان ما فى الامر هو اصرار وجهد وعزيمه وتحطيم رقم قياسى واظن ده شئ كافى لكى نعتز به

Anonymous said...

الانينيموس ده انا على ياد يا طارق بس بكسل اكتب الاكاونت

كوارث said...

صباح الفل يا علوة
شكرًا لرايك
وفارس قال رايه بصراحه وانا رديت عليه وجان ردت عليه ومبقتش حرب
الراجل صاحبي
وما قالش حاجه غلط
كل واحد بيقول وجهة نظره بصراحه
وانا واثق ان فارس لو مكاني ولما يعرف قصته هيرجع بنفسه يكتب عنها
ثقة عمياء !

كيكى said...

فعلا هو بطل...
يستحق منا كل تقديرررررررررر
عقبالنا كلنا لم نعدى بس السلم بتاع بتنا

كوارث said...

كيكي
شكرًا لزيارتك
هوا فعلا بطل امال بقول ايه من الصبح ؟
يا مسهل
نورتي

احلام اليقظة said...

بوست يستحق التحية
لو بطلنا نحلم نموت
والحلم من طبيعة البشر
ولما نحلم بشىء مشروع ونسعى لتحقيقة
بيدينا اثراء نفسى بيجعل الانسان يثق فى قدراتة ومواهبة وبيقدر يبدع فى اشياء اخرى
ويحلم احلام جديدة
ومايعيش محلك سر
تقبل مرورى الاول
دومت بخير

Anonymous said...

بجد
بطل

كوارث said...

احلام اليقظة
شاكر لتعليقك جدًا
عندك حق بس تقول لمين
ومين سمعك ؟.
لقد اسمعت اذ ناديت حيًا ولكن لا حياة لمن تنادي
يا رب نفوق بقه

كوارث said...

انو نيموس
صباح الفل !

Anonymous said...

لو كان مفهوم البطولة هو تحطيم السمتحيل فقد فعله هذا الرجل صعود آفرست مستحيل او للدقة صعب جدا وليس بالسهولة التي يتخيلها زوارك
ولو كان مفهوم البطولة برفع اسم البلاد فقد فعله هذا الرجل حتى ولو مجرد رمز بالعلم او ايمان به يكفي انه رفعه في مكان لا يستأهله
ولو كان مفهوم البطولة هو الصبر على الشدائد فيبدو كذلك انه بطل
هو بطل في جميع الاحوال كما ترى

GiGi said...

بجد ربنا يكرمك على اعتمامك بتقديم شعاع امل بعد كل هذا الياس الذى يسري فى عروقنا وعروق شعبنا وحتى فى شوارعنا
ربنا يوفقه ويكرمك ويهدينا كلنا لا فيه الخير والصالح لديننا وامتنا يارب

تايه في وسط البلد said...

هايل يا طارق
تقريرك ممتاز وتحليلك للشواهد ممتاز وان كانت النماذج المشرفة لاتنتهي وتستحق هي الاخري الاشارة
وان كنت انت حاولت ومشكور علي مجهودك

بالتوفيق وامدونة الجديدة هايلة في فكرتها

HelSiNg said...

السلام عليكم

انا اول مرة اعرف ان مصري طلع قمة افرست :)

عقبال ما نطلع القمر والمريخ باذن الله

مش بعيد

كوارث said...

Anonymous
كما أرى
انا متفق معك تمامًا
ثمّة بيت اردت قوله
لا تحسبن المجد تمرًا أنت آكله .. لن تبلغ المجدَ حتى تلعق الصبر
فان كان عمر قد فعل للمجد الشخصي فقد لعق الصبر وهو شيء ننحني له احترامًا

كوارث said...

gigi
آمين يا رب
وربنا يكرمك انتي كمان على الدعوات الجميلة ده ويوفقنا جميعًا
نورتي

كوارث said...

تايه في وسط البلد
والله مبسوط بتعليقك جدًا
انتا من الناس اللى انا بثق تماما في آرائها
سعيد ان البوست عجبك
وان شاء الله تكون المدونة الجديدة عند حسن ظنك

كوارث said...

هلسنج
وعليكم السلام ورحمة الله وبركاته
وانا كانت اول مرة اعرف قبل ما اشوف عمر بس نسيت ولما شفته افتكرت ولما سمعت قصته اتاثرت
وباذن الله
ستعلو هامتنا فوق القمم يومًا ما

Dr.na3san said...

والله يا روقه الواحد مش عارف يقول ايه...شوف هو الموضوع مش في اعجازيه الحدث ولكن في كونه تقريبا الاول من نوعه في مصر زي ما انت قلت..وحاجه زي كده المفروض اننا نوجهلها الضوء..ودا مش معناه يعني احنا بنقول يا ناس عليكو وعلى الجبال ما تعتقوش منها جبل واحد .....اطلاقا بس انت قلتها الحوار حوار اهداف ممكن نتخيلها بعيده ولو اتكاسلنا شويه كمان هنتخيلها مستحيله....ياريت حد يقدر يفهم ان مافيش حاجه مستحيله الا اللي احنا عاوزينه مستحيل
اما عن الاهمال الاعلامي والسذاجه في تداول الموضوع فدا مش جديد لى اعلام بدأ بسرعه في التوسع بدون التركيز على اهم اسس التوسع وهي الدراسه وثقافة العملين ودرايتهم ببواطن الامور....يارب يكون دا السبب وما يكونش الاهمال دا مقصود...يا رب

امل said...

السلام عليكم ورحمة الله
معاك حق في انه بوست متفاءل فعلا وان كان لم يخلو من بعض الكآبه لاهمال اعلامنا لأمر مشرف كهذا بس عادي احنا اتعودنا على كده وطبعا أول مرة اعرف المعلومة دي من هنا .. تحياتي

habiba said...

السلام عليكم
اول مرور ليا هنا وبالاضافه ان مدونتك جميله وتستحق التقدير الا انى عرفت حاجه بصراحه ماسمعتش عنها قبل كده عمر ده قد كده اعلامنا عامله نكره؟؟!!
هو قد كده مايستاهلش لفت نظر ليه؟؟
فعلاااا هو غلطان..
يعنى ماكان يبقى زى تامر حسنى كان هيلاقى اهتمام اكتر.
يلا حسبنا الله ونعم الوكيل
وربنا ينعم على مصر بشباب زى الورد وتشرح القلب كده
دمت فى رعاية الله

كوارث said...

د. نعسان
افزعتني فعلا
لو كان الهمال مقصود ده تبقى مصيبة
بس لو مكانش مقصود فالمصيبة اعظم !
نورتني يا باشا وبتمنى تنورني دايمًا

كوارث said...

امل
هوا عمر يعتبر نموذج مشرف فعلاً
وصانع للأمل
بحس بخنقة كل اما اعرف ان ده اول مرة تسمعوا عنه
ربنا ياخد اللي كانوا السبب !

كوارث said...

حبيبة
نورتيني والله وبتمنى تنوريني دايمًا
الحمد لله ان المدونة عجبتك وشاكر لرايك الجميل
بالنسبة لعمر فعادي بقه
مش ناقصه حرق دم بس بجد البني آدم يستاهل كل خير
وربنا يكرمنا بجيل كامل من امثاله
تخيلي جيل كامل قادر على تحطيم المستحيل !
ساعتها فعلاً
ممكن تكون مصر حرة

كيكى said...

عوووووووووووووووو انا جيت اتخديت
.................................
ايييييييييييية ياعم براحة ما انا عارفة انوا بطل...بس زيادة تاكيد....المهم بقالك فترة مش بتعدى لييييييييييييييية..نسيت العنوان

سفينة said...

هي دي مصر ياطارق

تحياتي لعمر
............
ارق تحياتي

قبطان

واحد من البلد دى said...

السلام عليكم

الأبطال عند المصريين مفهومهم مختلف

فهم فقط أبطال المسلسلات و الأفلام

أما الأبطال الحقيقيون لا يجدون من الإهتمام أقله

ولعلمك الخاص

البلد مليانة بمن هم على نهج هذا البطل

و لكن أين الضوء الذى يرينا طريقهم

دمت بخير

Blue Nile said...

انا طبعا اول مرة اقرا الخبر ده
ولا سمعت عنه قبل كده
انا شايفة انه خبر يستحق ان المصريين يعرفوه
لكن فعلا الصحافة مش بتهتم غير بالاخبار السخيفة وفلان اتجوز وفلانة اتطلقت
المفروض ده حدث عالمي ويستحق التقدير احنا ما بنصدق نبقى فالحين في حاجة

اشكرك على زيارتك لمدونتي وان اشاء الله اتابع مدونتك الرائعة

شفقة هانم واحسان بك said...

البوست حلو اوى ...تسلمى

كوارث said...

كيكي
لا ما اتخضيتش
خلاص ماشي بالراحة متزقيش انتي كمان
مش بعدي ليه ؟
والله انا مقصر في حق معظم اصحابي من المدونين وانا عارف ده بس انا حاليًا مشغول بالاعداد لمجموعة قصصية تصدر قريبًا
وتنسيقها بياخد كل وقتي على الانترنت فانا آسف والله وبعتذر وان شاء الله هنشط واكون انشط من طرزان في فيلم الحارس الخاص

كوارث said...

سفينة
يا ريت فعلا تكون ده مصر
ان شاء الله تكون ده مصر ..

كوارث said...

واحد من البلد دي
انا عارف يا باشا والله ان البلد مليانة بس للاسف مضطهدين في الارض
وادينا بنعمل اللى نقدر عليه
نورتني

كوارث said...

blue nile
شاكر على ردك للزيارة
والحمد لله ان اعجبتك المدونة
وبالنسبة للبوست فكمية التعليقات اللي بتأيدني في الموضوع ده لو اتحطت في عريضة شكوى تقفل مبنى الاذاعة والتلفزيون !
يا رب اعلامنا يتظبط بقه

كوارث said...

شفقة هانم واحسان بك
شكرًا لزيارتك والحمد لله ان الموضوع عجبك نورتي

bar2ash said...

السلام عليكم


كنت تابعت عمرمع عمرو اديب في القاهره اليوم

ربنا يوفقه ومشكور انك عرفت الناس بيه

كوارث said...

bar2ash
الحمد لله
اول مرة اعرف ان عمرو اديب استضافه
سعيد بزيارتك جدًا

!!! عارفة ... مش عارف ليه said...

في كتير زي عمر في كل المجالات

عندهم العزيمة والإصرار إنهم يحققوا حاجة لبلدهم ونفسهم إنما الاحباط بيقف في طريق كتير منهم
وقليلين بس هم اللي بيقدروا يقهروا الواقع دا ويتحدوه

وفعلا بيكونوا افزاز لإنهم يقدروا يحققو نجاح بعد معاناة مش بيعانيها امثلهم في أماكن تانية ومن هنا عظمة الإنجاز

وهو إن ظروفك مش زي غيرك
وقدرت تبقى احسن من غيرك

تحياتي لمصريتنا

mony said...

بلدنا الحلوة ديه مابتهتمش الا بلاعيبة الكورة بسسسسسس


ده ماعرفوش عن احمد زويل الا لما كان خلاص العالم كله عرفه


و بيعدين يجوا يعتبوا علي الناس اللي بتسافر و تشق مستقبلها بره لا ن جوة مافيش اهتمام و يقولو ماشربتش من نيلها

الله يرحم نيلها

princess said...

بجد الناس الناجحة مهضوم حقها يمكن لو كان دخل السجن كان يقولوا عليه نجم الجيل حاجة غريبة تحس ان احنا عندنا ناس ناجحة كتيرة فيخافوا من الحسد ههههه تحياتى

عروس البحر said...

عمر فعلا بطل حقيقي و شجاع
انه يتحدي المستحيل و يواجه الخطر

Ihab Omar said...

ميرسي يا طارق علي المعلومات الحلوة دي
و بطل فعلا ً اثلج صدورنا
بارك الله له في صحته و عافيته
و تحياتي لك يا طارق

آفاق الحرية said...

الف تحية للبطل
وسلاماتي

كوارث said...

عارفة .. مش عارف ليه
بأؤيدك في كل حرف قلته ..
فعلا نظرة جميلة جدًا للموضوع
وده معناه ان اللي بنعمله فعلا هوا اللي بنلاقيه
واللي بيسعى اكيد ربنا مبيضيعش تعبه
نورتني

كوارث said...

mony
مرحب مرحب
ايه النور ده
اهم حاجه لعيبة الكورة دول والاقدام الذهبية
انا معلوماتي عن الكورة معلومات ابو جهل عن عبد الحليم حافظ بالظبط فمش هفتح في الكلام عشان مفتحش نيران الاصدقاء عليا
وموضوع احمد زويل كان عار عار عار فعلاً والله انا حاسس بالراجل و ربنا يكرمه
صحيح الغرب هما اللي رفعوا اسمه وجالنا عالطبطاب بقه وبتاع
بس ربنا ينتقم من الظلمة !

كوارث said...

سمو الأميرة
نظرية برضه موضوع يخافو من الحسد ده خاصة ان حكومتنا مؤمنة بالدجالين اصلا لانه منهم تقريبًا
عامةً نصيحتي ليهم يفخروا بالنماذج ده ويبقوا يقروا سورة الفلق او يقولوا الاذكار !
نورتي

كوارث said...

عروس البحر
فعلا
شاكر لزيارتك
نورتي

كوارث said...

ايهاب عمر
نورت يا باشا .. الاسم مش غريب عليا .. رواياتي قديم برضه ؟
بالنسبة للمعلومات فلا شكر على واجب
النماذج ده نرشها واجب قومي اصلا
وبتمنى تكون استفدت فعلا والحمد لله ان البوست عجبك

كوارث said...

آفاق الحرية
تحياتك وصلت للبطل
شاكر لزيارتك
ايه النور ده ؟

ظل الشمس said...

عمر بالنسبالى شخصية وهمية
بجد انا مش مصدقة بوجود الكائن دا فى الظروف والبلاوى دى
ربنا يكتر من امثاله
مدونتك عجبتنى وانا هابقى يور فيسيتور:))

كوارث said...

ظل الشمس
تورتي
عمر شخصية حقيقية فعلا
وعشان كده كتبت عنه
شاكر لزيارتك جدًا
ويسعدني طبعًا تبقي من زواري