Monday, May 26, 2008

يومَ ولدتِ

مرحب .. ده قصيدة المرّة ده عشان الشعب يعيش .. اللى عايز يهديها لأي حد وماله , اللي عايز ينقلها وماله بس يكتب اسمي مش كل اما اكتب قصة الاقيها منشورة في نص منتديات الخليج باسماء تانيه , ها ياللي بتنقلوا .. سامعييييين

صورة ليا بعد فوزي بالمركز الاول في بطولة البنج بنج اوليمبياد اتحاد شلل الغربية !- تناسب القصيدة !-

يومَ ولدتِ
طارق عميرة

يومَ ولدتِ
يومٌ ولدَت فيهِ حياتِي..
يومٌ يعدُلُ عمرِي الآتي ..
يومٌ سجَّل في التَاريخِ كأجملِ يومْ
كأسطعِ نورٍ يتجلّى في ضوءِ الكوْن
كأحلى وجهٍ لم ترَهُ أجنحةُ الفَن .
كقمرٍ آخَر
يتعسُ منهُ القمرُ الأم.
يومَ ولدتِ
يومٌ لا أعرفُ شيئًا عنْه.
يومٌ لا أعرفُ كيفَ عبَر
لا أعرفُ منْ كانَ بَشيرًا ..
منْ أوّل آتٍ بخبَر
لكنّي أعرفُ شيئًا هامًا
يومَ ولدتِ
يومٌ كنتُ فيهِ أنَا ..
بدأت ساعةُ عمري تعدّ
بدأ الوقتُ يدور بجدّ
بدّد عطرك وهمَ الغَد
سارعَ نبضكِ وهجَ القلبْ
يومَ عرفتُ هديلَ الحبْ
يومَ ولدتِ
جاء البحرُ ينَاجي مرارَا
جاء القمر يقُول حوَارا
جاء القدرُ يواري قدَري
ينسخُ أن أحيَا وحدِي
يفتحُ نافذةََ الحلمِ
يكتب في إحدَى طيّاتِه
لك صُبحِي وأمسي وغدِي
يكتُب في طيَات أخرى
أنّك يومًا ما راحلة
وأنّي من بعدِك أتعَس
وأنّي سأدُور وأبحثْ
وأنّي يومًا ما سأقُول
يومُ حياتِي
يومُ مماتِي
يومَ ولدتِ

- تمت -

43 Comments:

سنووايت said...

أولا باشكرك جدا علي تعليقك ونقدك اللي استفدت منه انا عارفة ان الاوزان عندي ضايعة بس باحاول اظبطها

ثانيا:قرات مجموعة من قصائدك , لكن القصص ما لحقتش اقراها بس لية عودة

عن "يوم ولدت" هي الكلمات جميلة بس انا مش عارفة ايه علاقة الصورة بالقصيدة , يلا ما علينا, المهم ان نظرتك لليوم بطريقة وفي اخر القصيدة بطريقة تانية حقيقي عجبني
بس يمكن نقلت شعوري من حالة حب وسعادة الي حالة من الحزن او الخوف

أنّك يومًا ما راحلة
وأنّي من بعدِك أتعَس
وأنّي سأدُور وأبحثْ
وأنّي يومًا ما سأقُول
يومُ حياتِي
يومُ مماتِي
يوم ولدت

سعيدة بعثوري علي مدونتك

كوارث said...

مش عارف والله بس حبيت احطها
عشان اقول ان انا الشاعر وبتاع
وكمان شوية من باب الانزحة :D
انا شاكر جدًا لزيارتك ولكلامك الجميل والحمد لله ان القصيدة عجبتك
اللى عايز يهديها لحد يا جماعه يشيل الابيات اللي في الآخر عشان الاعتراضات اللي جت عالميل :D
سعيد بزيارتك لمدونتي وبتمنى تتكرر الزيارة

NIDAAL PAL said...

ياريتك كنت عملتها
يوم ولدنااااا كان يوم .... كمل انت بقى
اديتك المطلع اهو ..ههههههههههه
مدونتك حلوة اينعم ما تعمقتش بس هية حلوة برده
و بصراحة انا ماليش فى القصايد و بتاع بس الكلام جااااامد اوى
يعنى قليل بس مؤثر
تحياتى
نضال

rovy said...

مبدع كما عرفتك .. جميله قوى القصيده وحتى فى ابياتها الحزينه فى اخرها ..
ظل احساسك صادق وعالى
دمت بخير ودام قلمك

تحياتى
rovy

د/أبا يحيى وادم said...

السلام عليكم ورحمه الله وبركاته
ماشاء الله كلماتك معبره اخى الكريمة وجميله تدل على عمق فكر كاتبها
اتدرى والجميل ايضا تلك الصورة الرائعه بعد فوزكباولمبياد الغربية للبنج بنج
وفقكم الله وجزاكم خيرا
والسلام عليكم

شهرزاد said...

ماشاء الله
اختيارك للكلمات والفكرة يوحي بخبرة كبيرة في الكتابة ونظم الشعر أحييك عليها
سلمت يداك

كريمة الفاسي said...

مساء الخير
قبل ان اقول ان القصيدة حميلة سأقول جميل ان تضع الحدود للناس التي لا تعرف حدودها ولا باس يا إخوة هو النقل سهل .....بس ولو اكتبوا الاسم ع الاقل....ما علينا
ممكن اقول ممكن تلقى هذه القصيدة في مدونة جواز سفر باسم كريمة الفاسي مش متاكدة ممكن
مازال نفاوض في اخلاقياتي افعلها ام لا
لالالا عليك
قصيدة جميلة
ويوم مولد سعيد

كوارث said...

نضال
يا اهلا يا اهلا
نورت مدونتي والله
يوم ولدنَا
يوم رأينَا عين الذل
لا لا كده هتبقى كئيبة قوي
يوم ولدنَا
كان مبارك هو سيّدنا
لا لا
ما تنفعش برضه
يا عم هيا يوم ولدت حلوة وخلاص
والحمد لله ان القصيدة عجبتك وان شاء الله يعجبك الجاي
يا ريت تكرر الزيارة

كوارث said...

روفي
شكرا لردك
والثناء الذي لا استحقه طبعًا
والله الواحد مش عارف يقول ايه
ان شاء الله تفضل كتاباتي تعجبكم
شكرًا لزيارتك

كوارث said...

د احمد
ايا يحيي وآدم
الحمد لله ان القصيدة عجبتك .. اما عن الصورة فده من باب التفاخر بالحصول على البطولة الوهمية الخارقة
ههه
نورتني بزيارتك وان شاء الله تعجبك الكارثة الجاية !

Anonymous said...

احم ..
حلوة اوى
و مؤثرة جدا
:)
:'(

كوارث said...

شهرزاد
نورتي المدونة
الله يكرمك وشكرًا لردك
يمكن القصايد اللي كتبتها في حياتي كلها ما يكملوش عشرة اصلا
ومعظمهم في البلوج هنا
انا لسه في اول الطريق
ادعولي بالتوفيق
شاكر لزيارتك وبتمنى تكرارها

كوارث said...

كريمة الفاسي
نورتي مدونتي بزيارتك والله
الحمد لله ان القصيدة عجبتك
بالنسبة للنقل فبقى مفيش اكتر منه دلوقتي وانا مقصدش حد من المدونين نهائيًا .. انا قصدي عالاخوة الزوار اللي بيدوروا على اي قصة تعملهم اسم قدام كام واحد وخلاص والكلام ده
شاكر لزيارة حضرتك

كوارث said...

Anonymous
أهم حاجه انها عجبتك ..
:)

Anonymous said...

:)))))))))

واحد من البلد دى said...

حلوة جدا
..أكتر كلمتين عجبونى



لا أعرف من كان بشيرا
من أول آت بخبر


لأنهم فعلا فيهم إحساس ساعة الميلاد..
دمت متواصلا

احساس لسه حى said...

عزيزى
بتفكرنى بحاجات كتيرة كتبتها عن يوم ميلادى وحياتى

مش عارف هو بيفرق يوم ايه اتولدنا زادت شهر قليت شهر هتفرق ايه

دخول المدرسة ممكن

مش عارف الحزن ليه بيغلب كلامنا كل ما نتكلم عن عمرنا

ربنا يديك طولت العمر

ويجعل سعادتك اكتر من تعاستك

سلام

.:.-=- ELGaZaLy-=-.:. said...

نّك يومًا ما راحلة
وأنّي من بعدِك أتعَس
وأنّي سأدُور وأبحثْ
وأنّي يومًا ما سأقُول
يومُ حياتِي
يومُ مماتِي
يومَ ولدتِ

---------------------

جميلة اوى يا كارثة افندم...

بجد حلوة اوى والصورة جميلة كمان

والحزن طاغى اوى يا طارق مش شايف كدة..

رحاله said...

بسم الله
السلام عليكم
مدونتك حلوة وجميله جدا وكلماتك ايضا
بس بالله عليك بالله عليك بالله عليك
كبر الخط شويه ارجوووووووووك
تحياتى
جيلان

Tamer Nabil said...

كلمات جميلة

تسلم ومشكور عليها

خاينا نشوفك

تحياتى

كوارث said...

واحد من البلد دي
الحمد لله انها عجبتك
وانا عمال بخبط وخلاص
وشكرًا على زيارتك وبتمنى تكرارها

كوارث said...

احساس لسه حي
القصيدة يا باشا اولا يودم ولدتِ
مش يوم ولدتُ
ده كتوضيح لاني اعتقد انك قريتها بدون التشكيل
بالنسبة لموضوع العمر
فلازم الحزن لان اليوم اللي بيعدي ما بيرجعش .. يا ترى استفدت فيه ايه ؟؟
شاكر لزيارتك وبتمنى تكرارها

كوارث said...

الغزالي باشا
الله يخليك
انتا اجمل
الحمد لله انها عجبتك
وشكرًا للاطراء الذي لا استحقه
بالنبة لموضوع الحزن فحتى الكوميديا لو كتبتها هتبقى سودا .. انتا بتكلم كوارث يا عم .. بس ده ما يمنعش اني اوعدك بحاجات مفيهاش الحزن ده خالص
شكرًا لزيارتك

كوارث said...

جيلان
شكرًا لزيارتك
نورتي المدونة
الحمد لله ان القصيدة والمدونة عجبوكي وان شاء الله نفضل عند حسن ظن القراء
بالنسبة للخط فاعترف اني حمار تصميم ولا ادعي الغباء لو قلت اني مبفهمش حاجه فيه ..ده اكبر خط وصلتله
بانتظار آخر التكنولوجيات

كوارث said...

تامر نبيل
شكرًا يا باشا
زيارتك اجمل
ان شاء الله هتشوفني
بقولك في الطريق اليك
بص للشعار حتى ؟

appy said...

بجد بجد حلوة
بس عارف الاحلى التاج اللى انت اخدته
طيب ممكن لفه اصله بجد شكله يجنن
تسلم ايديك على فكرة انت اللى طلعت كارثه متحركة

بلسم الجراح said...

ما شاء الله اسلوبك مميز ولديك موهبة
تشرفت بزيارة مدونتك وزيارتك لمدونتي

كوارث said...

appy
يا مرحبا يا مرحبا نورك غطى عالكهربا
الحمد لله ان القصيدة عجبتك
وبالنسبة للتاج
من ده كتييييير تؤمري بس
هتعرفي تاخديه من الصورة ولا اقطعلك الراس ؟
وبالنسبة لكارثة فده الطبيعي
فكريني اكتب قصيدة اهداء حصري للمدونة قريب بعنوان الشعار
كارثة في الطريق اليك

كوارث said...

بلسم الجراح
شكرًا لردك للزيارة والحمد لله ان اعجبتك المدونة وباذن الله يدوم تواصلنا ويعجبك القادم

fahd said...

والله يا اخي انا استمتعت

جميلة قوي وسلسه

كشعر

وكلمات

لكن كان لي ملحوظة صغيرة جدا

ساعات اشعر بان الله يغار

اقصد ان في كلام حلو لدرجة انه لا يجوز الا في حق الله


اذكر الايه التي تقول قل ان صلاتي ونسكي ومحياي لله رب العالمين

انا لا احجر علي شعرك وهو جميل جدا

ولهم الحق في ان يخطفوه منك ويرسلوا به لمن يحبوا

ولكن اعرف ان حبك لله داخلك هو اقوي واشد واعظم من اي حب اخر

وحبك لله هو ذلك الحب الذي توصفه كلمات لا ينبغي لحب اخر ان يوصف به


سعدت كثيرا ولي زيارة قريبة مع قصيدة اخري

كوارث said...

فهد
شاكر ليك جدًا جدًا
انا فعلا بعاني من مشكلة كبيرة لما اجي اتكلم عن ربنا لاني معرفش ازاي هوصفه بنفس المصطلحات ده
دع غير ان العقيدة جزء لا يتجزأ من حياتنا كمسلمين يعني و اللي عقيدته سليمة طبيعي انه هيحب ربنا جدا لانه مش هيقدر يبعد عن المعاصي الا بالحب ده
بالنسبة لاستخدامها في القصيدة فهوا كان في ازمة شوية في اشعار الغزل بعد الاسلام بس انا مش لاقي تبرير الا عذر اقبح من ذنب
" والشعراء يتبعهم الغاوون , ألا ترى أنهم في كل وادٍ يهيمون , وأنّهم يقولون ما لايفعلون "
يعني متركزش في الكلام طالما هوا شعر كده :D
وان شاء الله يعجبك الجاي

عرفة فاروق السيوطى ( الاديب العاشق) said...

السلام عليكم

دا انت طلعت كوارث فعلا

ايه الكوارث دى كلها

حقيقى يا عم قصايدك كارثة

خاصة القصيدة اللى بتضامن فيها مع الريس ضد الانتجار

انتحارالريس طبعا

المهم

عجبنى الكام بوست الرومانسى بتوعك

ادام الله عليك فضلة

المـــفـــــــقــــــــوعـــــة مــرارتـهــا said...

انا بأفكر أعمل مسابقة شعر قريب عندي في المدونة ياريت تبقي تيجي تشارك فيها وبأسمك
أبقي تعالي بعد تلات بوستات عشان تشارك

أسوور said...

قرر رئيس مجلس ادارة الجريدة مشكورا أن يتبنى كل ما يكتبه المدونون
وان يفرد مساحة لا بأس بها لبوستات البلوجرز
كما وافق على نشر البوستات المرشحة بتوقيع كتابها وصورهم
وذلك ايمانا منه بقوة التدوين وبأنها صوت المصريين
***
على كل مدون يرغب فى نشر مقالات - تحقيقات - قصص - نقد - ادب - شعر - سياسة او أى كتابات لم يرد ذكرها
ان يرسل البوست المرشح مذيل بتوقيعه وعنوان المدونة والإسم الحركى ان اراد
مرفق بصورة شخصية له
على الإيميل التالى

amyasser@hotmail.com

أو ترك اللينك الخاص بالبوست والمعلومات الخاصة بالمدون فى تعليق على العنوان التالى

www.amyasser.blogspot.com

تحت عنوان خاص لجريدة الأسرة العربية
الجريدة تصدر الإثنين من كل أسبوع

Dr-hema said...

ههههههههههههههه

كارثة من الكوارث فعلا

مدونة ظريفة جميلة لذيذة وانا بقى مش هعلق على القصيدة
ولكن هعلق على الصفصاف اللى انت عامله حولين شعرك

حلو

د/هيما

GiGi said...

ماشاء الله ربنا يكرمك
قصيده رائعه استمر ياابني
ربنا يهدي فعلا المنتديات اللى بتنقل بدون الاسم

كوارث said...

عرفة فاروق الاسيوطي
نورتني والله يا افندم
الحمد لله ان المدونة عجبتك وان شاء الله يعجبك الجاي
اعتقد انك من المتضامنين معايا بخصوص موضوع مال تنتحرش يا ريس ده طالما انتا مؤيد
نورتني وبتمنى تنورني تاني

كوارث said...

المفقوعة مرارتها
انا متابع مدونتك
ان شاء الله موافق على موضوع المسابقة ده ومستنيه بفارغ الصبر ..
همتك معانا

كوارث said...

أسور
ايه جريدة الاسرة العربية ده ؟ حقيقي ما سمعتش عنها قبل كده
بالنسبه لموضوع النشر وكده فخليها على الله
بظروفها يعني

كوارث said...

دكتور هيما
الحمد لله ان المدونة عجبتك يا باشا وان شاء الله تفضل تنال اعجاب الزوار كده لغاية ما تموت او اموت
قول يا رب
بالنسبة للصفصاف
اتفضله :D
انا خلاص اتعقدت منه دلوقتي يعني
بدور على تاج جرجير

كوارث said...

جي جي
نورتني المدونة والحمد لله ان القصيدة عجبتك وان شاء الله يعجبك الجاى
بالنسبة لمشكلة النقل
فلنا الله

فارس بلا جواد said...

بصراحة مدونتك من المدونات اللي عجبتني جدا .. مش مجاملة بس فعلا كلامك يوحي انك فنان
أتمني انك تنور مدونتي وتقولي رايك لان انا لسه جديد في عالم التدوين

كوارث said...

فارس بلا جواد
الله يكرمك يا باشا
شاكر لزيارتك جدًا
وهنورك حالا بعد ما انزل البوست الجديد