Friday, May 16, 2008

الجلاد


طبعًا لازم اقول اني احترت طتير في الموضوع ده

كنت ناوي اكتب قصة ساخرة بعنوان الواد بلال والقلة المندسة بس قلت هسيبها لمدونّة اللي اختشوا ماتوا

فكرت كمان اكتب موضوع عشان الامتحانات والكلام ده بس قلت مهياش فارقة !

فكرت ثالثًا اني اناقش الجماعة بتوع مشايخ الاسلام بتوع وجوب طاعة الحاكم في ما يأمر به ما دام لم يخالف الشرع , وعايز اسألهم طب نعمل ايه مع الحاكم اللي موالي الاعداء وبيضعف شوكة المسلمين وبيقوي في العدو ويحققله اهدافه بس برضه مش ده الموضوع

في الآخر قلت هنشر قصيدة كنت كتبتها من فترة بعنوان

الجلاد
طارق عميرة


قدْ ذَوَى ضوءُ الشمُوع

قدْ جفّ في الوجهِ الحزين

خيطُ الدُموع

قدْ كسّروا ما صحّ

قدْ صحّحُوا الممنُوع

فليقرَع الأجرَاس قَارِع

فليأتِ بالنّاسِ مِن وسطِ الشوارع

فليُحشَروا .. ما بين مغترٍ وطامِع

ما بينَ زنديقٍ وقانِع

فليُسئلوا

إلامَ السيرُ في الصمتِ المُهين؟

آذاننا ملأى بأصواتِ الرنين..

حتّى متَى النايُ سيعزف

لحنَ الحنين

فليسئلُوا..

أفمَا رأيتم ما كفَى ؟

أومَا علمتُم أنّ الوباءَ قد اكتفَى ؟

أجسادنَا .. أومَا رأيتم كيفَ كانَت مخفقَة؟

بالنارِ أو بالطينِ

بالشنقِ أو بالمحرقَة

وبعينهِ الجلاّد يرصدُ النبأ الخطير

الشعبُ قد بدأَ التمرّدَ أي رئيس

فليُبعثوا..

لمُقبرِ البطلِ الشريد

لقاتِل الصوتِ الوحيد

فليشنقُوا

أو يُحرقوا

شعبٌ بقايَا من صديد

وليمسكِ الجلاّدُ بالسوطِ الطويل

ويهيمُ لسعًا على شعبِ العبيد

وليُتركوا ما بينَ جندٍ من حديد

ومنْ كانَ داخلهُ الجليد

وليختفِي بينَ الوجوه

معنى السّعِيد

فليمسكُ الجَلاّدُ بالسيفِ العظيم

فليضربُ الجلاّدُ في الجسَدِ السقيم

فيمزق الأوصَال والآجال

ويمزّق الربْطَ الحميم..

ويظلّ واقفًا فوقَ الرؤوس

باليدِّ سيفْ

وباليدِّ سَوط

وليُترَكُوا !

36 Comments:

ro7 said...

السلام عليكم ورحمة الله
سملت يمناك اخي
وسعيدة جدا اني اول تعليق

ونسال الله العظيم
انا يعينا علي اصلاح انفسنا
كي يرزقنا بالحاكم الصالح

واعجبتني كثيرآ هذه الجزئية:
فليسئلُوا..
أفمَا رأيتم ما كفَى ؟

نعم رأينا وراينا
اللهم ارزق رئيسنا البطانة الصالحة
واهديه لما ترضاه
والي صلاح حال المسلمين
وسعيدة بزيارتكم لمدونتي
واتمني الزيارة تستمر
تقبل تحياتي

ريم said...

السلام عليكم ورحمة الله وبركاته
اهلا طارق..
هو تسجيل قراءة واعجاب المرة دى بس
من غير تحليلات او صداع ..
الامتحان كمان 10 ساعات .. دعواتك بقه
وبالتالى .. لازم الم الدور فى موضوع التحليل وخاصة انه امتحان شعر .. احم
اسيبك بقه فى حفظ الله ودعواتك
ريم

تايه في وسط البلد said...

كوارث
طبعا اللي حوالينا ممكن بسهولة يطفح علي اي مساحة ويفيض علي الضفاف من كارثية حجمه
وانا اعذرك
واهنئك علي اختيارك القوي
تحياتي

ياأبت...إني رأيت said...

كلماتك رائعة

كوارث said...

ro7
وعليكم السلام ورحمة الله وبركاته
جزيل الشكر لكِ وأنا اسعد بتعليقك والله
والحمد لله ان اعجبك العمل
وانضم اليك في الدعاء بأن يرزق الله رئيسنا بالبطانية الصالحة او يرزقنا برئيس غيره
وشكرًا لرد الزيارة

كوارث said...

ريم
وعليكم السلام ورحمة الله وبركاته
الحمد لله ان القصيدة عجبتك
وربنا يعينك في امتحانك .,.
عملتي ايه يا ترى ؟
ويا ريت متحريمناش من تعليقاتك

كوارث said...

تايه في وسط البلد
حبيبي ..
نورت والله يا باشا
شكرًا لتعليقك والحمد لله ان القصيدة عجبتك
انتا فين اراضيك ؟

كوارث said...

يا أبتِ اني رأيت
شكرًا لك ولزيارتك
ولا تحرمنا منها

الفارس الملثم said...

جميلة اوي القصيده دي يا باشا
دانت متعدد المواهب باين عليكي..

كان في مقوله بتقول بئس لامه تهتف بحياة جلاديها , وللاسف شعوبنا اعتادت علي رفع جلاديها فوق الاعناق..

تحياتي
محمد

Tamer Nabil said...

كلمات القصيدة جميلة

وبالنسبة للحكام اة لازم الطاعة بس لما يكون هما كويسين مش وحشين با البلدى

وقواتنا وامور حياتنا اصبحت ضعيفة امام اى عدو والسبب هولاء الخرفان

تحياتى

mohra said...

و لكن هل هناك متمردين؟الم نحترف السكوت؟؟

جني said...

فين ياعم المشاريب
القصيدة جميلة
لقد استعذب الناس سوط الجلاد خوفا وقهرا .. ولكن سيأتي اليوم الذي يقهر فيه المقهور السوط والجلاد
تحياتي
said

appy said...

ياااااااااا كل ده بس صعب
قوى
بس جد تسلم ايديك
وفعلا دى كوارث مش طبيعيه

Ema said...

كلمات جميله...ربنا يوفقك
وشكرا على تعليقك على مدونتي ونقدك الموضوعي ..وياريت تكرر الزياره

WhItE HeArT said...

كلمات رائعه وقاسية جداا

بجد من اروع ماقرأت الاسبوع ده

تقبل تحياتي

كوارث said...

الفارس الملثم
مبسوط بزيارتك جدًا والله
الحمد لله على اعجابك بالقصيدة
وان شاء الله يعجيك الجاي
اؤيدك في كلامك
كان فيه قصة طريفة في الدستور عن تبادل الشعب المصري والفرنسي اراضيهم مع تثبيت الرؤساء
كانت النتيجة
بالروح.. بالدم .. نفديك يا ساركوزي !

كوارث said...

تامر نبيل
شكرا لزيارتك ومنورني والله
واضح انك متابع وشكلي كده مش هسيبك
الحمد لله ان القصيدة عجبتك
وبالنسبة للحكام
سيجمعنا نقاش آخر حتمًا ليس هذا مجاله
شكرًا ليك بجد
وانتظر مني ..
مش عارف .. بس هعزمك على حاجه ساقعه !

كوارث said...

mohra
نعم هناك
وجود جهاز امن الدولة يعني أنه هناك
وجود بعض الامل في البلاد رغم كل شيء يعني أنه هناك
وجود الخوف لدى النظام من ثورة الشرفاء يعني أنّه هناك
جزيل الشكر لزيارتك

كوارث said...

جني
احم ..
لو اعرف اسيب صورة ساقع او شاي كنت عملتها بس ليك عزومة عندي مع تامر بقه
شكرًا لراي حضرتنك والحمد لله ان القصيدة عجبتك
وباذن الله نشوف اليوم ده
ادعي انه يكون قريب

كوارث said...

آبي
شكرًا ليكي على زيارتك وتسلم ايديكي انتي
ده اذا كنت انا كارثة فانتي عشرة .. مواضيعك بسم الله ما شاء الله يعني
ان شاء الله يعجبك الجاي
وجزيل الشكر لك

كوارث said...

ema
الله يخليكي
مدونتك اجمل فعلاً
انا كنت مفكر نفسي شغال وبتاع بعرف اكتب لغاية ما بدأت ابص على مدونات الجمهور
اكتشفت كالعادة
اني اغبى واحد في العالم !

كوارث said...

القلب الابيض
الله يكرمك .. اخجلتم تواضعنا والله
مش لدرجة اروع ما قرأت يعني
وعامة الحمد لله انها عجبتك وباذن الله يعجبك الجاي

princess said...

دى اول زيارة ليا عجبتنى المدونة اوى
الشعر كمان حلو اوى
هيا القاعدة الشرعية بتقول لاطاعة لمخلوق فى معصية الخالق بس كده:)

ايمان العزب said...

كلماتك جميلة لكنها مؤلمة
احب ان احى بالامل
شكرا لزيالرتك مدونتى

واحد وبيتكلم said...

والله موضوع جامد جدا بس متتأخرش عننا بموضوع الواد بلال والقله المندسه عشان شكلك هتوصف القله ديه صح القله ديه دول اللي لسه بيتكلموا ويقولوا مصر بلدنا بجد

Hosam Yahia حسام يحى said...

كلمااااااااااتك

جميله

احييك عليها

ومنتظرين المزيد

كوارث said...

برينسيس
الحمد لله ان المدونة عجبتك وانا سعيد جدا بزيارتك
وطبعًا لا طاعة لمخلوق في معصية الخالق بس لو كان المخلوق ده بيورطنا نعمل ايه ؟

كوارث said...

ايمان العزب
شكرًا لرايك ولردك للزيارة ويا ريت تتكرر
الامل موجود طبعًا طول ما فيه حياة
ده قاعدة ثابته

كوارث said...

واحد بيتكلم الله يخليك يا باشا انتا أجمد
موضوع الواد بلال بكرة ان شاء الله هيبقى على
bdonkosof.blogspot.com

كوارث said...

حسام يحيى
شكرًا لزيارتك
والحمد لله ان انتا شايفها جميلة ويعجبك الجاي

أبا يحيى وادم said...

السلام عليكم ورحمه الله وبركاته
جزاكم الله خيرا اخى الكريم
كانت تلك زيارتى الاولى لمدونتك الرائعه لكن بعد ما رايت بها اعدك انها لن تكون الاخيره ان شاء الله وفقكم الله واعانكم وجعلكم سببا فى نصرة الحق
والسلام عليكم ورحمه الله وبركاته
اخوك
د/احمد جمال

كوارث said...

د/ أحمد جمال
سعدت بزيارتك جدًا
أنرت مدونتي وأتمنى الا تحرمني من زياراتك
وباذن الله ينال القادم اعجابك

كلام على بلاطة said...

من كتر ما شفنا كوارث
اصبحت شىء عادى
واصبحت كلمة كوارث عاطفية
تحياتى

كوارث said...

كلام على بلاطة
الكوارث عمرها ما كانت عادية
ولو كانت بقت عادية فده أكبر كارثة !!

امل said...

السلام عليكم
القصيدة جميلة يا كوارث
والصورة اللي انت حاططها
معبرة قوي وتوجع القلب
تحياتي لك

كوارث said...

امل
شكرًا ليكي ولزيارتك
نورتي المدونة
و الحمد لله ان القصيدة عجبتك
الصورة معبرة جدًا طبعًا !