يا ربنا

يا ربنا
مش إنتا عالم بالنفوس ؟
مش انتا قابل للدعا ؟
أنا ليه دعايا ما اتقبلش

يا ربنا
مش انتا عارف اننا
بنحب بعض ؟
والحب بيننا
ما اكتملش ؟
طب ليه فراقنا يذلنا

يا ربنا
أنا ليه سايبني في العذاب ؟
أنا ليه صراخي في دعوتك ؟
لو سجلوه ..
رح يملى مليون كتاب
وقفت على باب جنتك
ورصيدي خالي من الثواب
وذنوبي على كتفي كبيرة
وقعت على جدار الحياة
وأنا بس أملي رحمتك
وقفت على باب جنتك
وكلي ذل لقوتك
خدني الملَك تحت السحاب
والأمر كان ..
حرقي أنا بألفين شهاب ..

يا ربنا
أنا قلت إني بشتريها
نفسي اللي راحت ما بين إيديها
هي كمان كانت معايا
والدنيا بتطل في عينيها
لكن الزمن
ملهوش أمان
والألم صفته كمان
زرع الحدود فيّا وفيهَا
بقى أسمى حلم
بصدفة اشوفها أو صورة ليها

يا ربنا
إمتى تريح قلبنا
امتى تجمع شملنا
وأشوف بعيني حسرتي
تخلص بدخان في السما

يا ربنا
اقبل دعانا مننا
الشوق قاتلنا
والحزن ساكن عندنا
إمتى يروح يسكن بعيد
إمتى نكون هيا وأنا
مع بعضنا ؟