Monday, April 05, 2010

ذكرى تايهة

جوايا نار ما بتنطفيش..
همسك خيال ما بينتهيش ..
رسمك حكاية بتبتدي ..
لمسة إيديكي ما تتنسيش
ضحكة عينيكي في وحدتي
هي الأمل في إني أعيش
وأنا في قربك بكون فرحان
وأنا في بعدك بكون مجنون
ومش لاقي طريق أحلى
ولا أسرع لملك الكون
ولا شايف أمل ظاهر
غير في قوامك المكنون
وأنا معاكي دي حرية
وأنا لوحدي بكون مسجون
ولو سجني ده في الجنة
انا عمري ما هتبسّم
ولا أهمس حتى واتكلم
فلو طيفك يكون جنبي
هيبقى سجني جوة النار
أكيد جنة
ولو حلمي هيتحقق
وتبقى إيديكي منقوشة من الحنة
عشان تطبع على إيدي
ورود من إيدك الطاهرة ..
وهتقول الحياة فيكي .
وأنا الراوي لزهراتي
مماتي لما تبكيكي
رواياتي .

4 Comments:

Phoenix said...

بجد جميلة قوى كلماتك
(:

Dr.AbdAlla said...

فيها مبالغة جدا ، حاول تكون واقعي شوية

Anonymous said...

........

كوارث said...

شكرا