Thursday, February 05, 2009

أنا .. ود. أحمد ..ومليون قصيدة

شكر واجب إلى كل من شرفني بالحضور في حفل توقيع ناثر البخور وأخص بالشكر :

د. أحمد خالد توفيق .هذا الرجل الذي لن تفي أي كلمات في التعبير عمّا أريد قوله له .. ولكن من يعرفون ما حدَث .. يعرفون ما أريد قوله

رايه في المجموعة باختصار من باب الغرور : شفافة , تعبر عن واقع الشباب بدقة

توقيعه على كتاب عبقري آخر لي من باب الاستفزاز للقراء - قراءي لا قراءه -: وأنت .. عبقري آخر .. دكتور أحمد

وأخص بالشكر أيضًا :د. ميشيل حنّا

أ. أحمد مهنا صاحب دار دون للنشر

أ. تامر فتحي صاحب سلاسل ميجا وفيروس

أ. ايهاب أحمد عمر صاحب كتاب الخليج البريطاني والصحفي النشيط

الصحفي النشيط فاروق الجمل صحفي المصري اليوم وصاحب رواية العام الثالث

الكاتب الجميل محمود بدوي صاحب مجموعة بعد الصمت

أصغر مبدع أغلفة في مصر حاتم عرفة

الشاعر الجميل سالم الشهباني

وأحمد خشبة صاحب رانمارو اونلاين لبيع الكتب

والأستاذ أحمد شلبي صاحب ديوان اللي انكسر يتطوح

وشكر للأعزاء عادل صليب وأحمد شاهين واسراء حامد صاحبة نصوص أحيانًا وأحيانًا وشيماء سمير صاحبة أشعار أطياف الصمت وكل من حضر وعرفته من القراء ومن لم أعرفه !

المرة القادمة .. قصة خاصة جدًا لدي .. وإهداء إلى شخص خاص جدًا ..

لا أدري كيف يكتب شخص ليس بشاعر مليون قصيدة ولكن هذه ازمة حقيقية لا بد من مواجهتها ولو بالقنابل

مليون قصيدة .

طارق عميرة

كتَبتِلِكْ مليُون قَصِيدَة..
وألفْ شَاهِد يشهدُولك ..
فِي حياتِي إنتي الوحيدَة
كتبتلِك ورَق كتِير
مليَان كلَام ..
فيه الأماني
فيه الأغاني
فيه المحبّة والخصام
فيه وصفْ عملَة أوكِتَابْ
أوجزء مِنْ حلمِ المنَامْ
كتبتلِك من دمّ ايدِي
ودي أعلى درجَات الهيَام
كتبتلِك إنّك في عمرِي
عدّاد شهورما بينتهيش
عدّت ليَالي وفاتِت سنِين
بمُوت أنَا وطِيفِك يعِيش
تايه شرٍسد في غربتِك
مالكيش آثار ,ودليل مفيش..
كتبتلِك إنّي بمُوت
ماتِت بجد حاجات كتير ..
وحاجات كتير ممكن تمُوت
عدّت كوارث ولسه
منّها ممكن تفُوت
كتبتلِك
إنّ نعُومة ضحكتِك
أجمَل حيَاة
بعد الممَات
لكن ضحاياهَا كتير
والهمّ من غير ضحكتك يصبَح كبِير
كتبتلِك و كتبتلِك و كتبتلِك
وبعتلِك
مليون رسُول بيقولوا اني اشتقتلِك
ومفيش رسُول
يرجع يقُول
إنك هنَاك
بيقولوا في أقصَى الشمّال
أو قمّة من قمم الجنُوب
أونقطَة تاهِت في الندّى
أو ابرة في وسط الحبوب
تايِه في جدرَان دنيتِك
ومشيت كتِير
اتطّهرت كلّ الذنوب
كتبتلِك مليون قصيدَة
وكام قصيدَة وصلتِك ؟
ومفيش جواب..
وأنَا هنَا عايش عذاب
وعذابي من نَار فرقتِك
طلّع صرَاخِي للسحَاب..
حتّى زيارتك للعدم
جوّة المنَام
صبحِت حرَام
أيام كتيرَة عشتها
معرفش أنَام
وجروح كتيرَة فتّحت
جوّايا من نار الغرَام ..
وإنتي شبح
بطل ظهوره منْ زمَان
بطّل يزور كل الأماكِن
إلا الورق
ورق القصيدَة..
حرّم يقول إنّك شهيدَة
رجع الظهور من غير كلام
ثبّت جدورَه ..
في الأيّام
وعشَان كده
كتبتلِك مليون قصيدَة
يشهدولِك
إنّي وَحيد
وإنتِي وحيدَة ..

25 Comments:

Unique said...

ازاء ديباجة الشكر التي قدمتها
اجزم انك انت من يستحق الشكر

اما عن المواجهة المناسبة لكاتب المليون قصيدة فلا اراها الا برزمة من الورود وسيل من الاطراء


دمت مبدعاً

adel said...

اسمي مكتوب


هههههههههههههههههه

1-القصيدة حلوة قوس ....متبطلش تكتب عامي

2-الكتاب ....لسه مخاصش ياعم
بس مبدئيا....لا...هاقولك اول لما اخلص

3-طب ما انا شفت د.احمد علي حسك برضه ...كدهخ هاغيظ القراء معاك
ههههههههههه

Jana said...

ومليون مبروك تانى ..ومليون سورى عشان ماقدرتش اجى
ومليون برافو على القصيدة
ومليون تحية
:)

جنّي said...

السلام عليكم

اولا الف مبارك على الكتاب واسف على التأخير ..
كلمات القصيدة جميلة ومشحونة بتعابير رقيقة ..

مبروك يا طارق

عايش... ولكن !!!! said...

مبرووووك يا طرووووق
جامده جدا القصيده دى
وبالزات دى

كتبتلِك إنّي بمُوت
ماتِت بجد حاجات كتير ..
وحاجات كتير ممكن تمُوت
عدّت كوارث ولسه
منّها ممكن تفُوت
كتبتلِك
إنّ نعُومة ضحكتِك
أجمَل حيَاة
بعد الممَات
لكن ضحاياهَا كتير
والهمّ من غير ضحكتك يصبَح كبِير

الازهرى said...

طبعا د. أحمد خالد توفيق من الشخصييات الجميلة
وانا قد قدمت اعتذارى عن الحضور وارجوا ان تقبله منى


الكلمات رائعة وبها الكثير من الاحساس الذى مسنى من داخلى بالفعل

تحياتى دوما وخالص مودتى

Esraa Hamed said...

ناثر البخور مرة واحده بيشكرني
بجد انا اللي مبسوطة جدااا اني خدت توقيعك علي نسختي
:)
يعني سعيدة بجد بالشرف ده

---
القصيدة علي فكرة راااائعة بجد
يعني شعر و قصص و الاتنين بجد اروع من بعض

الف مبرووووك ع الكتاب و دايما في تميز ان شاء الله

:)

Gannah said...

سعيدة جداا ليك يا طارق
وكنت اتمنى انى أشكر د. توفيق بنفسى لانه بيشجع الشباب الموهوب اللى زيك وده دليل على انه نوع خاص من الكتاب ودليل على ان التميز لا يحتاج واسطة
انت بتكتب من قلبك بطريقتك انت تعبيرا عن جيل كامل مثلما يقول كاتب كبير وتشاركة الرأى قارئة بسيطة مثلى
أما القصيدة فهى الأشواك التى لا تخلو منها ورود الحياة
فوسط الفرح تظهر لنا مشاعر الافتقاد لان الفرحة لا تكتمل الا بمن نتمنى لو شاركونا اياها
وحيد وسط الزحام ومن يدرى؟؟ على رأى جدتى اللقا نصيب
تحياتى

enjy said...

مع السلامو عليكو....ازيك يا طارق بيه؟؟؟ تمام؟؟ طيب انا جاية اقولك هاى عليك ....هعلق طبعا بس مش بالساهل كدة اتقل

enjy said...

اممممممممممممممممم تخص بالشكر دكتور احمد خالد...انا من هذا المزنق عايزة اشكره كمان على وجوده فى الحياة اصلا...بخصوص عبقرى اخر فانا لسة مقريتهاش (وش بيطلع لسانه)ماشى هو دكتور احمد عنده حق وانت فعلا جامد يا عم....منور

enjy said...

مليون قصيدة بقى قلت رايي فيها بس هقوله تاااااااااانى..حلوة ورومانسيكية وفيها شجن جامد..الكلام سهل بس محسوس وميطلعش من اى حد..المعنى يوصل بسهولة ومع انها سهلة لكن غير معتادة ابدا....الله ينور من الاخر

enjy said...

تاخد شوكولاتة مورو؟؟؟؟؟؟؟؟؟؟؟؟

enjy said...

على فكرة عنوان البوست جامد

انا وحسنى ومليون شتيمة said...

انا ..وحسنى ..ومليون شتيمة
عجبنى عنوانك فقلت اظبطه بطريقتى انا عشان يبقى ماشى مع الجو ..انا اولا باهنيك على القصيدة التى تدل على حب واخلاص حقيقى لشخصية الدكتور احمد وكأن احساسك يقول أنك تدين له بالفضل فى أى نجاح روائى تحققه وهذا احساس نبيل لا يعترف به إلا القليل من الناس مهما بلغت موهبتهم ومهما بلغ إبداعهم فتجدهم ينكرون من له الفضل عليهم ..المهم أردت ان اوجه رسالة الى اعضاء الحزب الوطنى من خلال مدونتك ..(هتقولى طب ما تعمل مدونة وخلصنا هقولك لو مضايقك هروح اعلق فى مدونة تانية عشان انا ما ليش فى المدونات ) المهم يا سيدى فى تداعيات ازمة غزة وجد الحزب الوطنى الناس كلها بتعمل مظاهرات فقالك اشمعنى انا دا انا البيج بوس بتاع الناس دى كلها وخرج بمظاهرات كبيرة فى جميع المحافظات ..جدير بالذكر انهم خرجوا معلقين لافتات كتب عليها (نحن مع حكمة الرئيس مبارك)..1
(مصر لن تنخدع بمحاولة التوريط التى تحاك من قبل حماس..)2
فليسقط نصر الله..3
العجيب انهم نسوا الضية الاساسية وهى نصرة غزة وتحولت الى معركة بينهم وبين حماس وحزب الله ..بقولهم عشان مطولش عليك ..اللى اختشوا ماتوا والعجيب انكم مبتمتوش بس خليكوا واثقين ان طولة العمر دى مش عشان سواد عيونكم دى عشان سواد اعمالكم اللى هتشهد عليكم يوم القيامة..والاعمار بيد الله

كوارث said...

unique
شكرًا لك
مللت بشدة أن اقول لا أجد ما اقوله ولكنها الحقيقة فلو قلت انا اؤيدك لكان هذا تحمسًا لنفسي أبالغ به ولو قلت أعارضك لما كان من الأجدر بي أن أكتب من الاصل
احم
الموضوع معقد
المهم موضوع سيل من الورود وسيل من الاطراء ده كتير قوي
..
دمتي مبدعة
وزائرة

كوارث said...

adel
آدل
ههههههههههههههههههههههههه
1- الله يخليك يا ريس انتا احلى
هحاول ما ابطلش..
2- خلص بسرعه والا .. يله يا عم
3- ههههههههههه .. د. أحمد متواجد دايمًا ومتواصل مع جمهوره بس كونك شفته عندي فده يعني اني املك الكثر من الحظ فعلا
غيظ يا عم غيظ محدش قدك

كوارث said...

jana
ومليون شكر ليكي على رايك و زيارتك الدايمة ليا
ومليون سلام وتحية
:)

كوارث said...

جنّي
وعليكم السلام ورحمة الله وبركاته
الله يبارك فيك يا سيدي
ومفيش داعي للاسف خالص
الحمد لله ان القصيدة عجبتك
وان شاء اللهى يعجبك الجاي
متشكر جدا على تواجدك الدائم
..

كوارث said...

عايش ولكن
الرفيق علاءوفيتش
ازيك يا ريس
الله يبارك فيك
انتا اللى جامد
وشكرا على رايك :D
نورتني

كوارث said...

الازهري
الله يكرمك
دكتور احمد كما وصفت تماما واعتذاراك مقبول طبعًا بل يأتي لك صاحب الكتاب به ايضًا !
الحمد لله ان أعجبتك الكلمات وجميل رايك
..
تحياتي

كوارث said...

إسراء حامد
طبعًا انتي تستاهلي الشكر
احم
بلاش تصييح بقه عشان الغلابة اللي ما وقعوش
والله الشرف ليا اكتر
الحمد لله ان القصيدة عجبتك
آه شفتي بقه شعر وقصص
الحمد لله ويا رب يعجبك اللي جاي ..
وشكرًا لتاني مرة

كوارث said...

خالتي جنة ..
شكرًا على تعليقك
أتوقف دائمًا عن الرد لأنني لا أجد كلمات تعبر عما أكنه لك
شكرًا على كل حال للمرة الثانية
" لانه بيشجع الشباب الموهوب اللى زيك وده دليل على انه نوع خاص من الكتاب ودليل على ان التميز لا يحتاج واسطة"
وانا بشكرك على ذات الوصف مرة تالته !

كوارث said...

انجي
وعليكم السلام انا تمام وزي الفل
دكتور احمد يستحق الشكر وهو امر مفروغ منه هتشكريه انتا هشكره انا هيشكره الشباب العربي وماله
وانا جامد طبعا
والحمد لله ان القصيدة عجبتك وان شاء الهل يعجبك الجاي
بالنسبة للشيكولاتة فوماله .. يا ريت !
اللغة الرسمية للاغاد دلوقتي قائمة بالكامل على الشيكولاتة
والعنوان جامد طبعا مش انا اللى كاتبه :P - من باب الغرور - والترفع

كوارث said...

انا وحسني ومليون شتيمة
بالنشبة للاخساس بالفضل- بعد الله - والكلام ده فالموضوع ده طبيعي .. انا بقرأ على ايد الراجل ده من زماااااااااااان وفعلاً كان طريقي لأي قراءات اخرى
وبرضه لا تعبر الكلمات
بالنسبة لموضوع الحزب الوطني فانا اؤيدك تماما وكانت أكتر صورة استفزتني بتاعت ام الرائد الشهيد تدعو على حماس في نص صفحة في احدي الجرايد القومية !
سمعتش آخر الاخبار
عنوان قومي جديد من كام يوم
مصر تضغط واسرائيل ترضخ
آه والمصحف كان مكتوب كده !

will said...

6K聊天室,080中部人聊天室,聊天室交友,成人聊天室,中部人聊天室,情色聊天室,AV女優,AV,A片,情人薇珍妮,愛情公寓,情色,情色貼圖,情色文學,色情小說,色情,寄情築園小遊戲,AIO交友愛情館,情色電影,一葉情貼圖片區,色情遊戲

言情小說,情色論壇,色情網站,微風成人,成人電影,嘟嘟成人網,成人,成人貼圖,成人交友,成人圖片,18成人,成人小說,成人圖片區,微風成人區,成人網站,免費影片,色情影片,自拍,hilive,做愛,微風成人,微風論壇,AIO

情趣用品,情色,成人,A片,自拍

情趣用品,色情,成人影片,色情影片,免費A片

情趣用品,成人網站,A片下載,日本AV,做愛

情趣用品,美女交友,A片,辣妹視訊,情色視訊

情趣用品,色情聊天室,聊天室,AV,成人電影

A片,aio,av女優,av,av片,aio交友愛情館,ut聊天室,聊天室,豆豆聊天室,色情聊天室,尋夢園聊天室,080聊天室,視訊聊天室,080苗栗人聊天室,上班族聊天室,成人聊天室,中部人聊天室,一夜情聊天室,情色聊天室,情色視訊,美女視訊,辣妹視訊,視訊交友網,免費視訊聊天,視訊,免費視訊,美女交友,成人交友,聊天室交友,微風論壇,微風成人,sex,成人,情色,情色貼圖,色情,微風,聊天室尋夢園,交友,視訊交友,視訊聊天,視訊辣妹,一夜情