Monday, November 03, 2008

أسطورة ربما تحدُث

بالأمس فقط فزت في مسابقة بص وطل الشعرية عن لما بكرة ييجي الفرج ونشرت في ديوان بص وطل.. القصيدة على المدونة منذ شهر مارس واتضح أنني لم أرسلها بطريق الخطأ .. تفاصيل الجائزة في مذكراتي على الفيس بوك ورغم انها قيمة وديوان بص وطل اكثر من رائع بعنوان شنطة سفر إلا أنني ما زلت مصرًا أنني لست بشاعر .. أنا قاص .. ولهذا . إليكم قصيدة جديدة !!

أسطورة ربّما تحدث
طارق عميرة
-1-
ذكرَت يومًا مّا أسطورَة ..
أنّي فارس..
وأنّي قادم
في ظلّ الظلم الممتد ..
في ظلّ نظامٍ لم يوقفهُ أحَد
ما بينَ اليومِ إلى اليومِ جثث
ذكرَت يومًا مّا أسطورة
أنّي سأولد..
وقدْ حدَث!
***
-2-
يقفُ منادٍ
يا قومِ العسكرُ قد جاء
فليمسك كلٌ برداءِه..
ولمن لا يملِك..
يكفي ردَاء
يجري القومُ إلى المخبأ..
من يبطيء؟
يتحمّل أقدَام العسكَر
يتحمّل لسعَات السوطِ وقبضَات اليَد
ويشدّ المئزر
الصمت وقَاء..
هذا القَانُون الأوحَدْ
فليخرِبْ ما شاءَ العسكَر
فلينهبْ مَا شاء العسْكَر..
يقفُ منادٍ
يا قومِ العسكرُ قد رحَلُوا..
يا قومِ العسكرُ قد نهبُوا..
اليابِس والأخضَر!
***
-3-
وأنَا واقف ..
أشهدُ هذَا..
أتمنّى أن أتركَ مهدِي ..
أن أحبو وبغاية جَهدِي ..
ليعُودَ الخيرُ إلى قومِي ..
يقف منادٍ
قومي العسكَر..
يقفُ منادٍ في الضدّ
قومي أكثَر !
أحبُو أنَا ..
يا ليتَ قيودَ العمرِ تزول..
يا ليت نمّوي أن أكبُر
عكسَ المعقُول .
***
-4-
ذكرَت يومًا مّا أسطورة..
أنّي سأكبر..
وسأعلمُ مالمْ يعلمهُ أحد
وترونِي في بحَار الذلّ أسَد..
كما ذكرَت نفسُ الأسطورَة :
أن حديد الظلمِ يدُوم
أن على جذرِ الأشجَار..
ماءٌ مسمُوم
أنّ الصامِت وغد ..
والقائل مشئُوم
ذكرَت يومًا مّا أسطورَة
حينَ يكُون ضميرَ القَومْ ..
مدمنَ نوْم
حينَ يكُونُ وقاءَ الجوعِ الصوْم
أنّي سأُوجَد ..
حتمًا آتٍ هذَا اليوْم !
***
-5-
يقفُ منادٍ
يا قومِ العسكرُ قد جاء..
يجري القومُ إلى المخبَأ..
نسمعُ أصدَاء
نكمنُ في أشلاءِ المرفَأ
العسكرُ وصلوا بسلام
يا قومي قد حانَ الوقتْ
الشرَفُ النصرُ أو المَوْت .
يا قومي خطّتنَا صعبَه
وُضعَت في سنواتٍ عدّة..
قدْ حانَ الوقتُ فلا ردّة ..
أنظر للقومِ فأتبسّم ..
نحن لهَا ..
نحنُ لهَا ..
***
-6-
ذكرَت يومًا مّا أسطورَة
أنّي أقُودُ يومًا ثورَة.
أنّي أزرعُ بينَ النَاس
آخر فورَة
أنّي سأنَازلُ شريرًا ..
في آخر أيّام الأرض
وآخر دورَة..
أن جمُوعَ النّاس ستقتَل
وقت الذروَة..
مالمْ تذكرهُ الأسطورَة..
فشلِ الثورَة
- تمت-

35 Comments:

Gannah said...

ألف مبرووووك يا طارق
أنا قريت القصيدة هى فى تدوينات ابريل مش مارس
جميلة بجد وياريت تعيد نشرها
لانها بترسم صورة لمصر اللى كلنا بنحلم بيها
انت قلت انك كاتب والكاتب بتضم حاجات كتير مش بس قاص لا شاعر وكمان كاتب مقالات
للاسف انا مش بدخل الفيس بوك لكن انت تستاهل كل خير ومهما كانت الجايزة فالتقدير المعنوى اكيد طعمه أحلى وهو ده المهم ويارب دايما فى تقدم
---------------------------------
انا طبعا فرحانة جداااااااااااااااا
لكن ميمنعش انى زعلانة جدااااا منك لانك مبتسألش على خالتك
لدرجة انها عاتبتك فى الحلم
تصور
بس هى برضه بتدعيلك
ربنا يكرمك ويحققلك كل أحلامك
أوعى تنسى والدتك ..لازم يكون لها هدية جميلة
تحياتى

enjy said...

اولا مبرووووووووووووك على الجايزة من قلبى طبعا والله مبروك بجد وبعدين دة شىء معروف لو انت مش هتاخد جايزة مين يعنى اللى هياخدها؟؟؟؟
مبروك يا طارق ....حلوة الحتة بتاعة انا مش شاعر انا قاص وخدوا القصيدة دى لا جامدة يعنى رخامة رخامة برافو ابتديت تتعلم منى استمر بقى

Gannah said...

ان شاء الله ارجع تانى علشان الاسطورة
عايزة اقراها بتركيز
عملت زى الناس اللى بيقعدوا يقولوا
انا اول وتانى تعليق
بس المناسبة تستاهل
تحياتى

Gannah said...

طلع اول وثالث علشان انجى خدت التانى
الحمد لله انها طلعت انجى مش حد غريب
ابقى انا اول وثالث ورابع
حاسة انى هايفة قوى
بس اصلى لما بفرح ببقى عيلة شوية
تحياتى
اخر مرة

enjy said...

قريت القصيدة......طب اعلق اقول ايه انا؟؟؟؟ معنديش تعليق انا مش بفهم فى الشعر بس بعرف اميز كويس بين اللى بحبه وبفهمه وبين الكلاكيع اللى متتحسش..........القصيدة من النوع الاولانى اخر حاجة بقى عايزة اقوللك برافو عليك والله يا طارق وابقى قول لجنة مش مهم فى بيتها يعنى ولو عايزانى ارخم عليها انا فى الخدمة

Jana said...

الف مبروك...
انا معاك ان انت قاص..وده رأيى فيك من زمان ...موضوع شاعر ده بقى اللى لسه مكتشفاه دلوقت
:)
مبروك تانى بقى على اصدار العدد التالت من أبراج
للاسف اول مرة اسمع عنه ..ومشفتش العدد الاول او التانى
القيت نظرة سريعة لقيت كمان للغزالى ولجنة الجميلة مواضيع رائعة
فاضمن اذن قارئة جديدة للاعداد القادمة ان شاء الله
يالا العشرين الف حيبقوا عشرين الف وواحد
ابسط يا عم
ههههههههههههه

مبروك وبالتوفيق ان شاء الله يا طارق

الازهرى said...

صديقى العزيز

مبروك الف الف الف مرة
لا تكفى

كلماتك جميلة وتحمل من المعاى الكثير سواء فى الكلمات او بين السطور


تحياتى وخالص مودتى

princess said...

انا قلت مبروك على الفيس بوك بس قلت هنا ليها طعم تانى
مبروك يا طارق:)
للاسف مش عارف ادعى حتة انى بفهم فى الشعر هههههه
فمش عارفة اقول رالى ادبى
بس اقدر اقول احساسى
مش عارفة ليه حسيت بصلاح الدين اللى الناس مستنياه
تحياتى

NEEMA said...

مبروووووك واالفييين مبروك يا طارق بجد كانت عاجبانى اوى اصلا لما يجى الفرج دى
ودالقصيدة الجديدة دى كمان جامده
:)

safaa galal said...

.
مبروك

بس يعنى لما متكونش شاعر

امال الكلام الجميل دة يكتبه مين؟
.

M.K said...

الف مبروك على الجائزه
...............
رائع هو ماخطته يداك
وجميل ما تحويه القصيده...
ولاكن ..
فشلت ثوره
..
ستشرق أخرى
...
دمت بخير

مواطن مصرى نايم said...

مبروك يا عم طارق عالمجلة
و انا بسأل انجى مين طارق عميرة
اتارى طارق هو كوارث
يا ريس الف الف الف مبروك عالمجلة و عالجايزة
انا حطيت بانر للمجلة عندى فالبلوج
بس يا راجل حط بانر عندك انت كمان
حتى تعالى خد البانر اللى عندى و حطة
مبروك تانى مرة يا ريس
الف مبروك

تحياتى

اسلام

JaN DarK said...

مبروك يا طارق ،،

ودوما ما تفشل خطة الثورة ..
وإلا ما كانت ثورة !

لا أستطيع التعليق الآن ..
مبارك لك يا صديقي العزيز ..

م/ الحسيني لزومي said...

شارك في الحملة الشعبية للقيد بالجداول الانتخابية وادعو غيرك
ضع بنر الحملة علي مدونتك
البنر موجود علي مدونتي
لنا عودة للتعليق علي بعض الموضوات بالمدونه الرائعه

شمس النهار said...

لما انت مش شاعر يبقه مين اللي شاعر
عموما الموهوبين دايما بيحسوا دايما بعدم الرضا عن اعملهم وهو ده الصح وهو ده اللي بيخليهم يبدعوا عشان دايما حاسين ان لسه في حاجه ناقصد
تسلم ايدك

fashkool said...

تصدق يا كوارث ان سبب كوارثنا ان العسكر هما المتحكمين فى كل شيئ .. هما العسكر مش وحشين .. هما اللى بيدافعوا عننا وهما اللى حارثينا وهم حاجه كويسه قوى .. بس يبعدوا عن الحكم .. اصل لو مسكوا الحكم بيعملوا كوارث

fashkool said...

تصدق يا كوارث ان سبب كوارثنا ان العسكر هما المتحكمين فى كل شيئ .. هما العسكر مش وحشين .. هما اللى بيدافعوا عننا وهما اللى حارثينا وهم حاجه كويسه قوى .. بس يبعدوا عن الحكم .. اصل لو مسكوا الحكم بيعملوا كوارث

دعاء مواجهات said...

ذكرَت يومًا مّا أسطورَة
حينَ يكُون ضميرَ القَومْ ..
مدمنَ نوْم
حينَ يكُونُ وقاءَ الجوعِ الصوْم


جبونى الكلمتين دوول ياعم القاااص

الى الامام يا عم الموهوب

بيس

كوارث said...

خالتي جنة
الله يبارك فيكي
شكرًا على معلومة ابريل انتي عارفة الزهايمر بقه
ان شاء الله هعيد نشرها
بالنسبة لموضوع كاتب فيمكن اطلاقها على كل من مسك بالقلم وكتب به
لكن شاعر وقاص دول يندرجوا تحت بند أديب وكلمة أديب ده برضه مش أي حد تتقاله
هبقى انشر صورة الجايزة مع القصيدة قريب ان شاء الله حاضر
وبالنسبة للسؤال
فهاتي واحد يقول ان انا سألت عنه من شهر يوليو :P
في بالي دايمًا علطول يا خالتي وانا فعلا مش عارف اشكرك ازاي على كل الكلام الجميل ده

كوارث said...

enjy
الله يبارك فيكي
وعارف انها من قلبك
وطبعًا انا شايف ان لو ما خدتهاش فيه الف غيري ممكن ياخدوها
الله يبارك فيكي تاني مرة وشكرا على الحتة بتاعت مش شاعر انا قاص
من بعض ما عندكم يعني يا ابله انجي

كوارث said...

خالتي جنة تاني
ولا يهمك
اول من تاني من تالت كل ده ما بيفرقش المهم ان رأيك وصلني
وشكرا يا خالتي والله انتي اللى تستاهلي كل خير
ومقدر فرحتك طبعًا ومفيش هيافة
سعيد بتعليقاتك

كوارث said...

انجي تاني
هوا احنا موراناش غيركم
طبعًا كلامك اخجلني جدا
الحمد لله ان القصيدة عجبتك ويكفي ان واحده ما بتتدعي عدم فهمها للشعر بتقراها وتقول عجبتني
نورتيني
بالنسبة لرخامتك على جنة
فانطلقي !

كوارث said...

جنَى
يا اهلا يا اهلا
الناس اللي بتغيب ده
الله يبراك فيكي اولا وانا بعتبر نفسي قاص رغم اني مش متأكد من المعلومة
وموضوع شاعر ده اكتشاف زائف :P
بالنسبة لأبراج فيا ريت تنورينا هناك وانا هنزل موضوع عنها عشان اللى عايز يشارك من المدونين
نورتيني وشاكر لزيارتك جدا ..

كوارث said...

الأزهري
مرحب مرحب يا صديقي
الله يبراك فيك الف مليون دشليون تريليون مرة
كلماتك اجمل
ونورتني
شاكر لزيارتك وتهنئتك جدا

كوارث said...

سمو الأميرة
الله يبارك فيكي
انتي ضيفة فوق العادة في اي حتة
مدونة فيس بوك ولو حتى ويب سايت ام علي
بالنسبة للقصيدة ..
لا تعليق
شاكر جدا لرايك..
ولزيارتك

كوارث said...

neema
ازيك يا تسنيم واشلونك
الله يبارك فيكي الف تريليون دشليون مليار بريليون يديعوت أحرونوت مبروك
الحمد لله انهم عجبوكي
وانا هعوز ايه اكتر من كده ان شاء الله
نورتيني

كوارث said...

safaa galal
الله يبارك فيكي
صدقيني مش شاعر
ولالكلام الجميل ده انا اللى كاتبه :P
نورتيني

كوارث said...

m.k
الله يبارك فيكي ..
شاكر جدًا لرايك وزيارتك
وان فشلت ثورة
فستقوم أخرى بالتأكيد
ولكن متى؟

كوارث said...

مواطن مصري نايم
الله يبارك فيك يا ريس
ومتشكر جدا لزيارتك والله واهتمامك
انا تابعت الموضوع على مدونة انجي
وشاكر ليك جدا
وموضوع البانر ده مش عارف اشكرك عليه ازاي بصراحه وبالنسبة للمجلة فانا بحطلها خطة دعائية حاليًَا لسه بشوف ظروفها ايه
نورتني ..
ويا ريت نشوفك تانى

كوارث said...

jan dark
الله يبارك فيكي
ومتشكر جدًا لرايك وزيارتك
بالنسبة للثورة
فهيا بتفشل عندنا بس
المفروض انها بتنجح عشان يبقى اسمها ثورة اصلا .. ثورة ده يعني احداث تغيير كامل
ما بيحصلش
وعلى الارض السلام

كوارث said...

الحسيني الرومي
سأشارك ان شاء الله
وبانتظار عودتك

كوارث said...

شمس النهار
انا بقول
وكلامك جميل جدًا .. بس برضه مقدرش اعتبر نفسي كده
عشان هبقى معترف وبخبي على نفسي
انا فعلا مش شاعر
انا قاااااااااص
نورتيني
وشكرا لزيارتك

كوارث said...

فشكول
ههههههههههههههههههه
أؤيدك تماما
يحيى العسكري
بس في بيتهم
او لحفظ الامن
خالد الخميسي بيقول في حواديت المشاوير ان أمين الشرطة كان في السبعينات حلم جميل ممكن تقارنه بالدبلوماسي زي اغنية سعاد حسني
وبيقول باللفظ
كيف تحول الى كابوس يجثم على الشارع المصري

كوارث said...

دعاء مواجهات
الحمد لله انك جيتي
الى الامام
هيا مش حرب يا دعاء
قولي القوات تتقدم !

will said...

情趣用品,A片,AIO,AV,AV女優,A漫,免費A片,日本AV,寄情築園小遊戲,情色貼圖,色情小說,情色文學,色情,色情遊戲,一葉情貼圖片區,色情網站,色情影片,微風成人, 嘟嘟成人網,成人,成人貼圖,18成人,成人影城,成人圖片,成人影片,UT聊天室,聊天室,豆豆聊天室,尋夢園聊天室,080聊天室,080苗栗人聊天室,080視訊聊天室,視訊聊天室

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

情趣用品,情趣用品,情趣,情趣

情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品
情趣用品,情趣用品,情趣用品,情趣用品.情趣,情趣,情趣,情趣
視訊聊天室

情色,AV女優,UT聊天室,聊天室,A片,視訊聊天室


UT聊天室,視訊聊天室,辣妹視訊,視訊辣妹,情色視訊,視訊,080視訊聊天室,視訊交友90739,美女視訊,視訊美女,免費視訊聊天室,免費視訊聊天,免費視訊,視訊聊天室,視訊聊天,視訊交友網,視訊交友,情人視訊網,成人視訊,哈啦聊天室,UT聊天室,豆豆聊天室,
聊天室,聊天,色情聊天室,色情,尋夢園聊天室,聊天室尋夢園,080聊天室,080苗栗人聊天室,柔情聊天網,小高聊天室,上班族聊天室,080中部人聊天室,中部人聊天室,成人聊天室,成人