ذهول

معرفش ..انا فى حالة ذهول دلوقتى .. لا صدمة يمكن.. انا مش قادرة اوصف انا حاسة بايه من ساعة ما شفت الفيديو ده فى الوعى المصرى و انا مكتئبة .. انا عارفة من زمان ان فى تعذيب و بهدلة و بلاوى زرقا .. بس عمرى ما كنت اتخيل ان فى ناس معندهاش قلب بالطريقه دى ..

وائل عباس كان كاتب تحت الفيديو :

"لا داعي لضعاف الأعصاب أن يشاهدوه
ولا ينصح بمشاهدته للآنسات والسيدات مرهفات الأحاسيس
ولا حتى الرجالة
ولا إنس ولا جان
يا ماما أنا عارف إنك بتصحي الصبح تبصي على موقع
يلو سمحتي ما تتفرجيش عليه
وحسبي الله ونعم الوكيل"

رغم ان انا بخاف من خيالى .. و امشى مع كذا فئة من اللى هو قال عليهم .. الا انى معرفش ايه اللى خلانى انزله و اشوفه .. يمكن فضول.. يمكن رغبة فى معرفة اللى بيحصل بجد من غير اى مبالغات .. يمكن و يمكن و يمكن .. المهم انى ايقنت حاجة واحدة بس .. انى لما اقرا حاجة غير لما اشوفها بعينيا .. فرق كبير اوى .. فرق خلا كل جسمى يقشعر و افضل مبلمة لفترة بعد ما شفته .. فضلت مش مصدقة نفسى .. او بالاصح مش عايزة اصدقها ..

..

من الاخر مش قادرة اقول غير ..

حسبى الله و نعم الوكيل

..

ايمى